សៀមរាប៖ កាលពីថ្ងៃសៅរ៏ទី១១ ខែ កញា ឆ្នាំ២០១៥ អុំស្រីក្រមុំចាស់ម្នាក់ឈ្មោះ លុក អាន ភេទស្រី អាយុ ៦៦ឆ្នាំ រស់នៅភូមិព្រៃគុយ សង្កាត់ អំពិល ក្រុងសៀមរាប ខេត្តសៀមរាប។ អុំស្រីបានរៀបរាប់ប្រាប់អ្នកសាពត៏មានខេមរាថា ដីរបស់គាត់ គឺបានកាន់កាប់តាំងពីឆ្នាំ៧៩មក
រហូតដល់បច្ចុប្បន្ននេះ ហើយគាត់ក៏បានធ្វើរោងតូចមួយទុកសម្រាប់ឲ្យចៅៗរបស់គាត់យកកម្រៃពីបាលទះដែលគេបានធ្វើ២តារាងសម្រាប់លេងនៅទីនោះគ្រាន់និងបានលុយបន្តិចបន្តួចឲ្យចៅរៀននិងធ្វើបុណ្យធ្វើទានខ្លះៗផង ក្រោយមកកាលពីថ្ងៃសៅរ៏ទី១១ ខែ កញា ឆ្នាំ២០១៥នៅពេលព្រឹកក៏មានកំលាំងចំរុះរបស់អាជ្ញាធ័រអប្សរាបានរុះរើរោងនិងបាលទះរបស់គាត់អស់ ហើយយកទៅដាក់កន្លែងប៉ុស្ត៏អាជ្ញាធ័រអប្សរាតែម្ដង។
ប្រភពពីអ្នកឃើញហេតុការណ៏ឈ្មោះ លោក នួន ង៉ិន ភេទប្រុស អាយុ ៣៧ឆ្នាំរស់នៅភូមិខាងលើនៅទីនោះបានឲ្យដឹងថា នៅពេលដែលកំលាំងចំរុះបានរុះរើហើយបាននិយាយចំពោះម្ចាស់ខ្ទមដោយហាមមិនឲ្យសង់ខ្ទមនិងតារាងបាលទះបន្តទៀតនោះទេ លុះព្រឹកថ្ងែទី១៤ ខែ កញា ឆ្នាំ២០១៥ ពួកគាត់បានឃើញកំលាំងអាជ្ញាធរអប្សរាចុះមកម្តងទៀតដោយបានប្រាប់ថាមិនឲ្យសង់ខ្ទមនិងជាដាច់ខាតពួកគេឲ្យធ្វើតារាងបាលទះបានប៉ុន្តែគឺចាប់ពីម៉ោង៣រសៀលរហូតដល់ល្ងាច ទើបពួកគេឲ្យសាទុកជារៀងរាល់ថ្ងែ គឺក្នុងចន្លោះរវៀងពេលព្រឹករហូតទៅដល់ពេលរសៀលម៉ោង៣.00នឹងអាចដាក់សាជាថ្មីទៀតបាន បើមិនដូច្នោះទេខាងអាជ្ញាធរអប្សរានឹងមានវិធានការទប់ស្កាត់ជាបន្ទាន់។
ចំណែកលោកប្រធានក្រុមការងារអាជ្ញាធរអប្សរាដោយមិនបានស្គាល់ឈ្មោះ។ប្រចាំនៅតំបន់នោះបានឲ្យដឹងថា កំលាំងរបស់លោកបានចុះទៅរុះរើពិតប្រាកដមែន ដោយទទួលបទបញ្ជាពីថ្នាក់លើរបស់លោក។
ដោយឡែកលោក ឡុង កុសល នាយកដ្ឋានផ្សព្វផ្សាយអាជ្ញាធរជាតិអប្សរាបានឲ្យដឹងតាមទូរស័ព្ទនៅរសៀលថ្ងៃទី១៤ ខែ កញ្ញា នេះថាព្រោះដីនោះនៅក្នុងបុរីទេសចរណ៏វប្បធម៏អង្គរ មិនទាន់បានកាត់ទេ ជាដីកម្មសិទ្ធរបស់គាត់ក៏ដោយ ប៉ុន្តខាងមន្ត្រីបានចុះមកធ្វើកិច្ចសន្យា២ដងរួចមកហើយ លោកបន្តថា ចំពោះដីដែលគេធ្វើផ្ទះបាននោះ ត្រូវបានសម្តេចកាត់ឃ្វាលឲ្យរួចរាល់អស់មួយចំនួនមកហើយ ដីដែលកាត់ហើយនោះខាងមន្ត្រីអាជ្ញាធរមិនបានបះពាល់ឡើយ។
សូមរំលឹកផងដែលថា ស្ត្រីក្រមុំចាស់និងក្មួយព្រមទាំងចៅៗទាំងអស់សូមសំណូពរដល់សម្តេច តេ ជោ ហ៊ុន សែន និង កិត្តិបណ្ឌិត ប៊ុន រ៉ានី ហ៊ុន សែន មេត្តាជួយរកយុត្តិធម៏ដល់ក្រុមគ្រួសារនាងខ្ញុំផង ព្រោះដីនាងខ្ញុំស្ថិតនៅចំកណ្តាលគេគ្រានតែធ្វើស្រែ រោង និង ដាក់តារាងបាលទះប៉ុណ្ណោះ ដើប្បីកាត់បន្ថយនៅភាពក្រីក្រ និង ចិញ្ចិមចៅៗព្រមទាំងក្មួយៗនិងខ្លួនឯងផង៕
ខេង ឧត្តម ស៊ាន សុផាត
