ខេត្តកំពង់ធំ គ្រោះថ្នាក់ចរាចរណ៏បានកើតឡើងគួរអោយរន្ធត់នៅលើស្ពានតាំងក្រសាំង រវាងរថយន្តទេសចរណ៏កាពីតូល ទៅបុករថយន្តយីឌុបដឹកស្រូវពេញទំហឹងលឺស្នូដូចគ្រាប់រន្ទះ បង្កឲ្យអ្នកធ្វើដំណើក្នុងរថយន្តទេសចរណ៏ រងរបួសចំនួន៦នាក់ កាលពីរសៀលថ្ងៃទី២៨ ខែមេសា ឆ្នាំ២០១៤ តាមបណ្តោយផ្លួវជាតិលេខ៦ ពីត្បូងទៅជើង ចំនុចភូមិតាំងក្រសាំង ឃុំតាំងក្រសាំង ស្រុកសន្ទុក ខេត្តកំពង់ធំ។
តាមសាក្សីបានឃើញហេតុការណ៏ខាងលើនេះប្រាប់អោយដឹងថា រថយន្តទេសចរណ៏កាពីតូលកំពុងធ្វើដំណើរ ដឹកភ្ញៀវចេញពីភ្នំពេញទៅសៀមរាបក្នុងល្បឿនយ៉ាងលឿន បានជែងរថយន្តមួយគ្រឿងទៀត ជ្រុលចង្កូតចូលគន្លងផ្លូវអទិភាពរបស់រថយន្តយីឌុបទាំងស្រុងទើបបង្កឲ្យមានគ្រោះថ្នាក់មួយរំពិចដូចច្នោះ។
សមត្ថកិច្ចស្រុកសន្ទុក បានឲ្យដឹងថា គ្រោះថ្នាក់ចរាចរណ៏គួរអោយរន្ធត់ខាងលើនេះ គ្មានអ្នកបាត់បង់ជីវិតទេ គ្រាន់តែស្ទះចរាចរណ៏ជាងមួយម៉ោងនឹងរងរបួសធ្ងន់ស្រាល៦នាក់ ចំនែកស្ត្រី២នាក់រងរបួសធ្ងន់ឈ្មោះ សែនតុលា អាយុៈ២៨ឆ្នាំ រស់នៅភូមិដំដែក ស្រុកសូនិគមន៏ខេត្តសៀមរាប នឹងម្នាក់ទៀតឈ្មោះ ហៀងអៀង សក់ អាយុៈ ៥៦ឆ្នាំ រស់នៅទីក្រុងភ្នំពេញ រីឯ
រថយន្តបង្កររបស់ក្រុមហ៊ុនកាពីតូលដឹកអ្នកដំណើរ ពាក់ស្លាកលេខភ្នំពេញ 3A.32.66អ្នកបើកបររថយន្តបង្កគេចខ្លួនបាត់ស្រម៉ោល ចំណែកម្ចាស់រថយន្តយីឌុបជាអ្នករងគ្រោះរងរបួសស្រាល លុះដល់ពេលព្រលប់ ស្ងាត់ សមត្ថកិច្ចបានប្រមូលយករថយន្តទាំងពីរគ្រឿង ទៅរក្សាទុកនៅអធិការដ្ឋាននគរបាលស្រុកសន្ទុក រងចាំដោះស្រាយនៅពេលក្រោយ។
