បន្ទាយមានជ័យ ៖ ទីតាំងល្បែង Online ជាច្រើនកន្លែងនៅក្នុងប្លុកកាស៊ីណូនាមាត់ច្រកអន្តរជាតិប៉ោយប៉ែត ត្រូវបានកម្លាំងនគរបាលក្រុងប៉ោយប៉ែតចុះត្រួតពិនិត្យ និងស្នើរចាត់វិធានការបង្ក្រាប នូវល្បែងណាដែលគ្មានច្បាប់ និងមិនពាក់ព័ន្ធជាមួយកាស៊ីណូ 
ការចុះត្រូតពិនិត្យនេះធ្វើឡើងកាលពីរសៀលថ្ងៃទី ១៤ កញ្ញា ២០១៥ ក្នុងប្លុនកាស៊ីណូផ្កាយ៥ ក្នុងភូមិក្បាលស្ពាន សង្កាត់-ក្រុងប៉ោយប៉ែត ខេត្តបន្ទាយមានជ័យ ។
លោក អ៊ុំ សុផល អធិការនគរបាលក្រុងប៉ោយប៉ែតបានអោយអ្នកសាព័ត៍មានដឹងថា ការដែលកម្លាំងចុះពីម្សិលមិញគឺដើម្បីត្រួតពិនិត្យអោយដឹងថា ទីតាំងល្បែងណាដែលគ្មានច្បាប់ពាក់ព័ន្ធជាមួយនិងកាស៊ីណូ តែមិនមានការបង្ក្រាបទេ ហើយជាមួយនឹងការចុះនេះ សមត្ថកិច្ចបានរកឃើញល្បែងតាមប្រព័ន្ធ Inter Net ប្រមាណជា៦កន្លែង ដែលបំពាក់ទៅដោយ Computer រាប់សិបគ្រឿង ។ លោកបន្តអោយដឹងទៀតថា ចំពោះចំណាក់ការបន្ទាប់ លោក កំពុងធ្វើរបាយការទៅថ្នាក់លើដើម្បីចាត់វិធានការបន្ត ។ លោកក៏បានបញ្ជាក់ថា ការធ្វើធ្វើនេះគឺរកអោយឃើញនូវល្បែងស៊ីសងណាដែល លួចលាក់ជ្រកកោនក្រោមស្លាកយីហោកាស៊ីណូ ។ 
ការចុះត្រួកពិនិត្យនេះចំពេលល្បែងស៊ីុសងជាច្រើនកំពុងតែជ្រកក្រោមស្លាកយីហោកាស៊ីណូ ដោយមានខ្មែរខូលលេងយ៉ាងគគ្រឹកគគ្រេង ដូចជាល្បែងប្រជុលមាន់ អាប៉ោង យូគី ដែលស្ថិតនៅពីមុខកាស៊ីណូផ្កាយ៥ និងល្បែងតាមប្រព័ន្ធ Inter Net ទាំងក្នុង និងក្រៅកាស៊ីណូក្នុងក្រុងប៉ោយប៉ែត ។
ប្រជាពលរដ្ឋរីករាយនិងការអនុវត្តរបស់ប៉ូលីសទៅលើទីតាំងល្បែងតែសូមអោយបង្ក្រាបគ្រប់កន្លែងជាពិសេសកាលដែលខ្មែរចូលលេងល្បែងក្នុងកាសីុណូ៕Bun rithy
