បន្ទាយមានជ័យ
គ្រូពេទ្យបន្តក់ថ្នាំក្មេងស្រីស្លាប់នោះត្រូវបានបញ្ជូនសំណុំរឿងទៅតុលាការហើយក្រុមគណះកម្មការគ្រួពេទ្យខេត្តនិងចុះទៅពិនិត្យនិងសាកសួរព័ត៌មានបន្ថែមនៅថ្ងៃទី១៥កញ្ញា២០១៥នៅគ្លីនីកឯកជនសុខវិសាលក្រុងប៉ោយប៉ែត។លោវរះសេនីយ៍ឯក ម៉ែន ភិរម្យ មេបញ្ជាការរង
កងរាជអាវុធហត្ថខេត្តបន្ទាយមានជ័យបានប្រាប់ថាក្រោយពេលដែលកម្លាំងកងរាជអាវុធហត្ថក្រុងប៉ោយប៉ែតទទួលពាក្យបណ្តឹងពីឈ្មោះ ង៉ូវ តៃហេង ភេទប្រុសអាយុ៣៣ឆ្នាំត្រូវជាប្តីឈ្មោះ សាយ ចាន់ថន អាយុ៣២ឆ្នាំរស់នៅក្រុងប៉ោយប៉ែតបានប្តឹងឈ្មោះ នូវ គឹមស្រេង ភេទប្រុសជាម្ចាស់មន្ទីសំរាកព្យាបាលនិងសម្ភពសុខវិសាលនៅក្រុងប៉ោយប៉ែតដែលប្តឹងចោទប្រកានពីបទបន្តក់ថ្នាំស្លាប់កូនស្រីអាយុទើបបាន៤ខែកាលពីយប់ថ្ងៃទី១១កញ្ញា២០១៥។
លោកបានបន្តថាក្រោយទទួលពាក្យបណ្តឹងរួចមកកម្លាំងជំនាញកងរាជអាវុធហត្ថក្រុងបានហៅឈ្មោះ នូវ គឹមស្រេង សាកសួរហើយត្រូវបានឲ្យត្រឡប់ទៅផ្ទះវិញ។ចំពោះសំណុំរឿងករណីបន្តក់ថ្នាំស្លាប់ក្មេងស្រីអាយុ៤ខែនេះត្រូវបានកសាងសំណុំរឿងបញ្ជូនទៅសាលាដំបូងខេត្តដើម្បីអនុវត្តន៍តាមច្បាប់ហើយ។
លោកវិជ្ជះបណ្ឌិត ឡេ ច័ន្ទសង្វាត អនុប្រធានមន្ទីសុខាភិបាលខេត្តបានប្រាប់ថាក្រោយពេលដែលទទួលព័ត៌មានបានដឹងថាក្មេងស្រីម្នាក់ស្លាប់ហើយឪពុកម្តាយប្តឹងគ្រូពេទ្យមន្ទីសំរាកព្យាបាលនិងសម្ភពសុខវិសាលនៅក្រុងប៉ោយប៉ែតដែលចោទប្រកាន់បន្តក់ថ្នាំស្លាប់កូនស្រីនោះ។លោកវិជ្ជះបណ្ឌិត កែវ សុភ័ក្ត្រា ប្រធានមន្ទីពេទ្យសុខាភិបាលខេត្តបន្ទាយមានជ័យបានចាត់តាំងលោកវិជ្ជះបណ្ឌិត កែវពេជ្រសុវណ្ណ ប្រធានការិយាល័យបញ្ចេកទេសដឹកនាំមន្ត្រីគណះកម្មការគ្រូពេទ្យគ្រោងចុះនៅថ្ងៃទី១៥កញ្ញា២០១៥ដើម្បីទៅពិនិត្យសាកសួរព័ត៌មានពីការស្លាប់របស់ក្មេងស្រីនិងធ្វើការស្រាវជ្រាវឲ្យដឹងច្បាស់ពីមូលក្មេងដែលស្លាប់នោះ៕Bun rithy
