បន្ទាយមានជ័យៈ លោក វរៈសេនីយ៍ត្រី ជា ដា មេបញ្ជាការមូលដ្ឋានអាវុធក្រុងប៉ោយប៉ែតនិងក្រុមការងារ កាលពីព្រឹកថ្ងៃទី14ខែ09ឆ្នាំ2015បាននាំយកអំណោយជាសំភារៈប្រើប្រាស់និងគ្រឿងឧបភោគបរិភោគរបស់លោកឧត្តមសេនីយ៍ត្រីឱ បូរិន្ទ មេបញ្ជាការអាវុធហត្ថ
ខេត្តបន្ទាយមានជ័យទៅចែកជូនដល់គ្រួសាររងគ្រោះដោយភ្លើងឆេះផ្ទះមួយគ្រួសារនិងប្រជាពលរដ្ឋទីទ័លក្រ ពីរគ្រួសារ ដែលរស់នៅក្នុងភូមិអន្លង់ស្វាយ សង្កាត់និមិត្ត ។
លោក ជា ដា បានប្រាប់អោយដឹងថាសំរាប់ គ្រួសាររងគ្រោះដោយភ្លើងឆេះផ្ទះគឺលោកស្រីឡុង ជ្រៀប អាយុ៤៤ឆ្នាំ លោកមេបញ្ជាការ បានឧបត្ថម្ភដោយជួសជុលផ្ទះឡើងវិញចំណាយអស់សង្កសី ៤៩ សន្លឹក ឈើ៣៥ដើម ដែកគោល០៦គីឡូ សរុបតម្លៃជិត80ម៉ឺនរៀល អង្ករ៥០គីឡូក្រាម មីមួយកេះ ទឹកត្រីមួយយួ ទឹកសុទ្ធមួយយួរ ស្ករស មួយគីឡូ ប៊ីចេងមួយគីឡូ អំបឹលមួយគីឡូ ទឹកសីុអីវ មួយយួរ ខ្ទឹមកន្លះគីឡូ ត្រីខមួយយួរ កន្ទេលមួយ មុងមួយ ភួយពីរ និងថវិកា១០ម៉ឺនរៀល។ការជួសជុលនេះគឺធ្វើឡើងដោយកម្លាំងអាវុធហត្ថក្រុងព្រមទាំងឧបត្ថម្ភ10ម៉ឺនរៀលដែរដល់ប្រជាការពារភូមិដែលបានចូលរួមជួយ។ បន្ទាប់មកក៏នាំយកអំណោយមួយចំនួនទៀតទៅចែកជូន លោកយាយ លី សុង អាយុ៧៥ឆ្នាំ និងលោកយាយ សេង អួន អាយុ៨៤ឆ្នាំដែលកំពុងជួបប្រទះការខ្វះខាតទីទល័ក្រគ្មានទីពឹងដោយម្នាក់ៗទទួលបាន
អង្ករ៥០គីឡូក្រាម មីមួយកេះ ទឹកត្រីមួយយួរ ទឹកសុទ្ធមួយយួរ ស្ករស មួយគីឡូ បីចេងមួយគីឡូ អំបឹលមួយគីឡូ ទឹកសីុអីូវ មួយយួរ ខ្ទឹមកន្លះគីឡូ ត្រីខមួយយួរ កន្ទេលមួយ មុងមួយ ភួយពីរ និងថវិកា២០ម៉ឺនរៀល ថែមទៀត។
ជាមួយនិងនឹងការផ្តល់ជូននោះលោក ជា ដា បានពាំនាំនូវប្រសាសន៍សួរសុខទុក្ខពី សំណាក់លោកឧត្តមសេនីយ៍ ឱ បូរិន្ទ មេបញ្ជាការខេត្តផងដែរនិងបាននិយាយថាអំណោយថ្វីត្បិតតែវាតិចតួចតែនេះជាសណ្តានចិត្តរបស់លោកមេបញ្ជាការនិងមន្ត្រីអាវុធហត្ថដែលបានចែករំឡែកដល់គ្រួសារបងប្អូនរងគ្រោះនិងទីទ័លក្រ ពិសេសំណោយនេះដែរ អាចជួយសំរួលដល់ទុក្ខលំបាកបានមួយគ្រាផងដែរទំរាំការរកទទួលទានរបស់បងប្អូនអាចដំណើរការបានជាធម្មតាឡើងវិញ៕ Bun rithy
