ខេត្តតាកែវៈ រន្ទះប្រល័យជីវិតក្មេងប្រុសម្នាក់ស្លាប់ពេលទៅគ្វៀលគោមេឃកំពុងភ្លៀង
ក្មេងប្រុសម្នាក់ត្រូវបានស្លាប់ដោយសាររន្ទះបាញ់ ខណៈពេលដែលក្មេងប្រុសនោះ ទៅឃ្វាលគោ ជាមួយអ្នកជិតខាងនៅត្រង់ចំណុចត្រពាំងវែង ស្ថិតក្នុងភូមិរមេញខាងជើង ឃុំរមេញ 
ស្រុកកោះអណ្តែត ខេត្តតាកែវ ។ ហេតុការណ៍គ្រោះថ្នាក់ដោយសារន្ទះបាញ់ខាងលើនេះបានកើតឡើង កាលពីវេលាម៉ោង១៥និង០០នាទីថ្ងៃទី១៣ខែកញ្ញា ឆ្នាំ២០១៥ ខណៈពេលដែលមេឃកំពុងបង្អុរភ្លៀងមួយមេយ៉ាងធំ ដោយក្មេងប្រុសរងគ្រោះមិនបានរកកន្លែងជ្រកភ្លៀងនោះទេនៅពេលនោះ ទើបបណ្តាលឲ្យកើតហេតុយ៉ាងនេះទៅ។
លោកនាយ ប៉ុស្តិ៍នគរបាលរដ្ឋបាលរមេញ បានឲ្យដឹងថាក្មេងប្រុសរងគ្រោះមានឈ្មោះ ងិន លេន អាយុ១២ឆ្នាំ រស់នៅភូមិចំបក់ឯម ឃុំរមេញ ស្រុកកោះអណ្តែត ខេត្តតាកែវ ត្រូវរន្ទះបាញ់ស្លាប់ភ្លាមៗ ខណៈដែលរូបគេទៅឃ្វាលគោនៅចំណុចកើតហេតុខាងលើ ពេលមេឃកំពុងភ្លៀងយ៉ាងខ្លាំង។
លោកនាយប៉ុស្តិ៍រដ្ឋបាលបាន បន្តទៀតថា ក្រោយពេលកើតហេតុលោកបានចាត់តាំងកម្លាំងប៉ុស្តិ៍ សហការជាមួយកម្លាំងជំនាញ នៃអធិការដ្ឋាននគរបាលស្រុកកោះអណ្តែត និងអាជ្ញាធរភូមិ-ឃុំ ចុះពិនិត្យសាកសព ឃើញថាពិតជាស្លាប់ដោយសាររន្ទះបាញ់ពិតប្រាកដមែន និងបានប្រគល់សាកសពជូន ក្រុមគ្រួសារធ្វើបុណ្យតាមប្រពៃណី៕Bun rithy
