ខេត្តបន្ទាយមានជ័យ
ព្រឹកថ្ងៃទី១៤ខែកញ្ញាឆ្នាំ២០១៥នៅសាលប្រជុំសណ្ឋាគារព្រះច័ន្ទ នៅក្នុងភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ បានបើកសិក្ខាសាលាស្តីពីកិច្ចព្រមព្រៀងទំនិញអាស៊ាន។ពិធីនេះមានការចូលរួម លោកអោមចន្ថា អភិបាលរង
ខេត្តបន្ទាយមានជ័យ លោកសានភិរុណ្ណា តំណាងឲ្យក្រសួងពាណិជ្ជកម្មនិងមន្ត្រីនៅមន្ទីរពាណិជ្ជកម្មនិងអ្នកពាក់ព័ន្ធជាច្រើននាក់ទៀត។លោកសានភិរុណ្ណាបានមានប្រសាន៍ក្នុងសិក្ខាសាលានោះថាក្នុងការបើកសិក្ខាសាលាស្តីពីកិច្ចព្រមព្រៀងទំនិញអាស៊ាននេះវាមានសារៈសំខាន់ណាស់ក្នុងការលើកស្ទួយចំណេះដឹងលើវិស័យពាណិជ្ជកម្មឲ្យកាន់តែទូលំទូលាយក្នុងតំបន់។លោកបានបន្តទៀតថាប្រទេសកម្ពុជាបានចូលជាសមាជិកអាស៊ាននៅថ្ងៃទី៣០ខែមេសាឆ្នាំ១៩៩៩ហើយយើងបានចុះកិច្ចព្រមព្រាងពាណិជ្ជកម្មសេរីអាស៊ាន
រហូតមកដល់បច្ចុប្បន្ននេះគឺដើម្បីកិច្ចព្រមព្រៀងទំនិញអាស៊ាន។លោកបានបន្តទៀតថាការចុះកិច្ចព្រមព្រាងនេះផ្តើមចេញពីកិច្ចព្រមព្រៀងអនុគ្រោះព័ន្ធដែលមានប្រសិទ្ធភាពរួមកិច្ចព្រមព្រៀងអនុគ្រោះព័ន្ធជាយន្តការដើម្បីសម្រេចបាននូវគោលដៅរបស់តំបន់ពាណិជ្ជកម្មសេរីតាមរយះការកាត់បន្ថយព័ន្ធគយនាំចូលនិងលប់បំបាត់ការដាក់កំរិតទាំងបរិមាណនិងរបាំងមិនមែនព័ន្ធផ្សេងទៀតនៅក្នុងចំណោមប្រទេសសមាជិកអាស៊ាន។លោកបានបន្តទៀតថាកិច្ចព្រមព្រៀងនេះមាន១១ជំពូក៩៨មាត្រា និងបានចុះហត្ថាលេខានៅឆាអាមប្រទេសថៃនាថ្ងៃទី២៦ខែគុម្ភៈឆ្នាំ២០០៩៕Bun rithy
