ខេត្ដបាត់ដំបង ៖ បុរសសង្ស័យម្នាក់ និងវត្ថុតាងថ្នាំញៀនប្រភេទម៉ាទឹកកក មួយថង់ទូរស័ព្ទដៃ២គ្រឿងនិងម៉ូតូមួយ គ្រឿងត្រូវអាវុធហត្ថខេត្ដបានកសាង សំណុំរឿងបញ្ជូនទៅតុលាការកាលពីព្រឹកថ្ងៃទី២៩ ខែមេសា ឆ្នាំ២០១៤ដើម្បី ចាត់ការតាមនីតិវិធី។ បុរសសង្ស័យអាវុធហត្ថស្រុកមោងឫស្សីឃាត់ខ្លួនបានកាលពី រសៀលថ្ងៃទី ២៨ ខែមេសា ឆ្នាំ២០១៤នៅចំណុចវត្ដ ពោធ្យារាម ស្ថិតក្នុងភូមិពោធិ៍១ ឃុំគារ ស្រុកមោងឫស្សី ខេត្ដបាត់ដំបង។ មន្ដ្រីអាវុធហត្ថស្រាវជ្រាវប្រឆាំង គ្រឿងញៀនបានឱ្យដឹងថា បុរសសង្ស័យ ដែលឃាត់ខ្លួនមានឈ្មោះ ស៊ីវ វុទ្ធី អាយុ២២ឆ្នាំ (សិស្ស) រស់នៅភូមិ ពោធិ៍២ ឃុំគារ ស្រុកមោងឫស្សី។
ចំណែកវត្ថុតាងដែលដកហូតបាន មានថ្នាំញៀនប្រភេទម៉ាទឹកកកមួយថង់ ទូរស័ព្ទដៃ២គ្រឿងនិងម៉ូតូមួយគ្រឿងជិះ ធ្វើសកម្មភាពម៉ាកហុងដាសេ១២៥ ស៊េរី ២០១២ ពណ៌ខ្មៅ ពាក់ស្លាកលេខបាត់ ដំបង១L-៤៩១២ ។
បុរសសង្ស័យបានសារភាពថា ខ្លួនបានលក់ថ្នាំញៀនតាំងពីខែ៩ ឆ្នាំ២០១៣ រហូតមកដល់សព្វថ្ងៃដោយទិញពីឈ្មោះចាន់ តុលា អាយុជាង២០ឆ្នាំ នៅក្រុង ប៉ោយប៉ែតខេត្ដបន្ទាយមានជ័យ។ ខ្លួន ទិញម្ដងៗអស់ប្រាក់ជាង៥០ម៉ឺនរៀល ហើយយកមករំលែកដាក់ថង់តូចៗលក់បន្ដឱ្យអ្នកប្រើប្រាស់ក្នុងឃុំគារ។
មន្ដ្រីអាវុធថហត្ថបានបញ្ជាក់ថា ជនសង្ស័យនិងវត្ថុតាងសមត្ថកិច្ចកសាងសំណុំរឿងបញ្ជូនទៅតុលាកានៅព្រឹកថ្ងៃទី២៩ ខែមេសា ឆ្នាំ២០១៤ដើម្បីចាត់ការ តាមនីតិវិធី ៕
