ខេត្តកំពង់ឆ្នាំង៖លោកតាអាយុ៦៨ឆ្នាំម្នាក់ ត្រូវបានសមត្ថកិច្ចនគរបាលស្រុកបរិបូណ៌ សហការណ៍ជាមួយមន្ត្រីនគរបាលព្រហ្មទ័ណ្ឌកំរិតធ្ងន់ខេត្តកំពង់ឆ្នាំង ធ្វើការចាប់ខ្លួនបាន នៅម៉ោង៣និង៣០នាទី រសៀលថ្ងៃទី១៥ ខែកញ្ញា ឆ្នាំ២០១៥ ដោយមានការប្តឹងចោទប្រកាន់ពីបទរំលោភចៅស្រីជីដូនមួយបង្កើត របស់ខ្លួននៅក្នុងអំឡុង ខែកក្កដា ឆ្នាំ២០១៥ នៅពេលឪពុកម្តាយកុមារីរងគ្រោះ ទៅធ្វើការនៅខេត្តឆ្ងាយ ផ្ញើកូន អោយនៅជាមួយជីដូនម្នាក់ទៀត។
លោក ឌុច ចំរើន នាយការិយាល័យនគរបាលព្រហ្មទ័ណ្ឌកំរិតធ្ងន់នៃស្នងការដ្ឋាននគរបាលខេត្តបាននិយាយអោយដឹងថា៖ បុរសជាជនសង្ស័យរូបនោះ មានឈ្មោះ អ៊ុត ភឿន អាយុ៦៨ ឆ្នាំ មានទីលំ
នៅភូមិជើងខ្នារ ឃុំពន្លៃ ស្រុកបរិបូណ៌។ ចំណែកកុមារីរងគ្រោះមានឈ្មោះ ខ ណ រ អាយុ៨ឆ្នាំ ដោយបញ្ហាជីវភាព ម្តាយឪពុកកុមារីរងគ្រោះបានទៅស៊ីឈ្នួលធ្វើកម្មករអោយចិន នៅខេត្តស្ទឹងត្រែង ដោយ ទុកកូនចំនួន៣នាក់ អោយនៅជាមួយជីដូនម្នាក់ផ្សេងទៀត ដែលនៅភូមិឃុំជាមួយគ្នា។
នៅក្នុងអំឡុងខែកក្កដា ឆ្នាំ២០១៥ បុរសចំណាស់ ដែលជាជនសង្ស័យបានល្បូង កុមារីរងគ្រោះ ដែលជាចៅជីដូនមួយបង្កើត របស់ខ្លួនយកទៅរំលោភក្នុងផ្ទះថ្មដែលជាផ្ទះរបស់ខ្លួន រហូតបានសម្រេច ជាច្រើនដង ដោយពុំមានអ្នកណាបានដឹងឡើយ។ លុះដល់ថ្ងៃ ទី១៥ ខែកញ្ញា ឆ្នាំ២០១៥ ខណៈដែលឪពុកម្តាយកុមារីរងគ្រោះ ត្រឡប់មកផ្ទះវិញ ទើបបានដឹងរឿងរ៉ាវទាំងអស់នេះដែលកូនស្រីបានប្រាប់ ហើយឪ ពុកម្តាយបានសម្រេចចិត្តប្តឹងសមត្ថកិច្ចជួយចាត់ការតាមច្បាប់ ទោះបីជាឪពុកធំរបស់ខ្លួនក៏ដោយ។
នៅព្រឹកថ្ងៃទី១៦ ខែកញ្ញា ឆ្នាំ២០១៥នេះដែរ សមត្ថកិច្ចនគរបាលខេត្ត ក៏បានទៅពិនិត្យធ្វើកោល្យពិច្ច័យ ដោយអោយកុមារីរងគ្រោះនាំទៅចង្អុលបង្ហាញនៅកន្លែងកើតហេតុ ដើម្បីកសាងសំណុំរឿងតាមផ្លូវច្បាប់ ។ នៅចំពោះមុខសមត្ថកិច្ច បុរសចំណាស់ជាជនដៃដល់ក្នុងករណីចាប់រំលោភកុមារីជាអនិតិជនខុសច្បាប់ជាចៅស្រីខ្លួនឯង បានសារភាពនូវទោសកំហុសរបស់ខ្លួនដោយមិនលាក់លៀមអ្វីឡើយ។
ជនសង្ស័យត្រូវបានសមត្ថកិច្ចជំនាញ ការិយាល័យនគរបាលព្រហ្មទណ្ឌ័កំរិតធ្ងន់ខេត្ត កសាងសំ ណុំរឿងតាមនិតិវិធី បញ្ជូនខ្លួនទៅតុលាការខេត្តចាត់ការបន្តតាមផ្លូវច្បាប់ ដោយត្រូវឃុំខ្លួនក្នុងពន្ធនាគារខេត្តធ្វើការស៊ើបអង្កេតស្រាវជ្រាវ ជុំនំជុំរះ ផ្តន្ទាទោសជនល្មើសតាមបញ្ញត្តិនៃច្បាប់៕
