បន្ទាយមានជ័យ លោកគោស៊ុំសារឿតអភិបាលខេត្តបន្ទាយមានជ័យបានដាក់វិធានការដល់មន្ត្រីជំនាញទាំងអស់សូមឲ្យអស់លោកការពារឆ្លងជម្ងឺជ្រូកត្រចៀកខៀវដែលឈ្មួញលួចដឹកចូលនៅពេលយប់ដូចទឹកបាក់ទំនុបជាហូរហែរចូលមកខេត្តបន្ទាយមានជ័យដោយពុំមានធ្វើការត្រួតពិនិត្យអំពីបញ្ហាជម្ងឺឆ្លងនិងប្រជាពលរដ្ឋកំពុងតែមានការព្រួយបារម្យចិញ្ចឹមជ្រូកក្នុងស្រុកត្រូវដួលប៉ះជើង។ជាក់ស្តែងនៅយប់ថ្ងៃទី១៣ខែកញ្ញាឆ្នាំ២០១៥ឃើញមានរថយន្តចំនួន៣ទៅ៤គ្រឿងបានដឹកជ្រូកដាក់ជុចដែលដឹកតាមផ្លូវជាតិលេខ៦គឺផ្លូវទឹសដៅមកពីខេត្តសៀមរាបចូលមកបន្ទាយមានជ័យដើម្បីយកមកដាក់នៅតាមស្តង់កាប់ជ្រូកបានយ៉ាងរលូន។
ថ្មីៗនេះមានផ្ទុះជម្ងឺជ្រូកត្រចៀកខៀវឬជាជ្រូកមានជម្ងឺពឹសដែលកំពុងរាតត្បាតនៅខេត្តសៀមរាបដែលជាការព្រួយបារម្យពីប្រជាពលរដ្ឋដែលចិញ្ចឹមជ្រូកក្នុងស្រុកយ៉ាងខ្លាំង។
ក្រោយពីឃើញសកម្មភាពឈ្មួញដឹកជ្រូកចូលមកខេត្តបន្ទាយមានជ័យជាហូហែបានដោយពុំមានការត្រួតពិនិត្យយ៉ាងដូន្នេះប្រជាពលរដ្ឋខេត្តបន្ទាយមានជ័យសុំឲ្យលោកគោស៊ុំសារឿត អភិបាលខេត្តបន្ទាយមានជ័យត្រូវមានវិធានការទប់ស្កាត់ឲ្យបានការពារកុំឲ្យមានជម្ងឺឆ្លងចូលមកខេត្តបន្ទាយមានជ័យបាន។
ពាក់ព័ន្ធឈ្មួញដឹកជ្រូកចូលមកខេត្តបន្ទាយមានជ័យនោះកម្ពុជាថ្មីបានធ្វើការទំនាក់ទំនងទៅលោក ហ៊ុយ ទូច ប្រធានការិយាល័យផលិតកម្មបសុព្យាបាលខេត្តបន្ទាយមានជ័យសុំបំភ្លឺដែរតែទូរស័ព្ទចូលតែមិនលើកព្រោះខ្លាចសួនាំអំពីរឿងជម្ងឺជ្រូកខៀវនេះ។លោក គោស៊ុំ សារឿត អភិបាលកខេត្តបន្ទាយមានជ័យបានមានប្រសាសន៍កាលពីថ្មីនេះក្នុងពិធីទិវាអក្ខរកម្មជាតិនៅស្រុកម៉ាឡៃថាក្រោយពេលដែលមានជម្ងឺសត្វជ្រូកត្រចៀកខៀវឬជម្ងឺពឹសជ្រូកដែលកំពុងផ្ទុះ
ឆ្លងរាតត្បាតនៅខេត្តសៀមរាបហើយខេត្តបានដាក់វិធានការដល់ការិយាល័យផលិតកម្មបសុព្យាបាលខេត្តបន្ទាយមានជ័យដើម្បីចាត់មន្ត្រីជំនាញឲ្យធ្វើការទប់ស្កាត់នៅស្រុកជាប់ព្រំប្រទល់ស្រុកក្រឡាញ់ខេត្តសៀមរាបដើម្បីការពារជម្ងឺឆ្លងរាតត្បាតចូលមកដល់ខេត្តបន្ទាយមានជ័យព្រោះជម្ងឺជ្រូកត្រចៀកខៀវនេះឆ្លងខេត្តណាទប់ស្កាត់មិនបានបណ្តាលជ្រូកស្លាប់បណ្តាលខូចខាតធ្ងន់ដល់ប្រជាពលរដ្ឋហើយលោកហាមដាច់ខាតដល់ប្រជាពលរដ្ឋហាមហូបជ្រូកមានជន្ងឺនេះជាដាច់ខាតផងដែរ៕
