ខេត្តបន្ទាយមានជ័យ៖ អ្នកបើកយន្ដឈ្នួលពីរនាក់ដែលបានបង្កអំពើហឹ ង្សាវាយតប់គ្នា ដែលបណ្ដាលឲ្យភាគីម្ខាងទៀតរងរបួសនោះធ្ងន់កាលពីឆ្នាំ២០១៤កន្លងមកត្រូវបានកម្លាំងនគរបាលធ្វើការស្រាវជ្រាវ តាមចាប់ខ្លួនដើម្បីបញ្ជូនទៅកាន់តុលាការដាក់ទោសទៅតាមផ្លូវ
ច្បាប់។ ការចាប់ជនបង្កហឹង្សាទាំងពីរនាក់នេះបាននៅថ្ងៃទី១៦ ខែកញ្ញា ឆ្នាំ២០១៥នេះដោយយោងតាមដីកាបង្គាប់ឲ្យនាំខ្លួនរបស់ លោកឡូយ ចាន់ត្រា ចៅក្រមស៊ើបសួរសាលា ដំបូងខេត្ដបន្ទាយមានជ័យ កាលពីថ្ងៃទី២៩ ខែឧសភា និងថ្ងៃទី១៥ ខែកក្កដា ឆ្នាំ២០១៥ និងមានការបញ្ជាផ្ទាល់ពីសំណាក់ស្នងការ នគរបាលខេត្ដ លោកឧត្ដមសេនីយ៍អាត់ ខែម ផងដែរ ។លោកឧត្តសេនីត្រីអាត់ខែមស្នងការនគបានខេត្តបន្ទាយមានជ័យបានឲ្យដឹងថាជនបង្កទាំង២នាក់មាន ឈ្មោះភាន់ ពត អាយុ៣៩ឆ្នាំ មុខរបររត់ តាក់ស៊ី រស់នៅភូមិព្រៃឫស្សី សង្កាត់ព្រះពន្លា ក្រុងសិរិសោភ័ណ ពីបទហឹង្សាដោយចេតនា វាយទៅវិញទៅមកដែលប្រព្រឹត្ដបទល្មើសកាលពីថ្ងៃទី២១ ខែកក្កដា ឆ្នាំ២០១៤ ស្ថិតនៅចំណុចបេនឡានចាស់ សង្កាត់ព្រះ ពន្លា ក្រុងសិរិសោភ័ណ ។ ដោយឡែកជន ម្នាក់ទៀត មានឈ្មោះសឿន ស៊ីណេត អាយុ ៣២ឆ្នាំ រស់នៅភូមិព្រៃឫស្សី សង្កាត់ព្រះ ពន្លា ត្រូវបានលោកចៅក្រមឡូយ ចាន់ត្រា ចោទប្រកាន់ពីបទល្មើសដូចគ្នា ដែលប្រព្រឹត្ដ ទៅនៅចំណុចបេនឡានចាស់ នាថ្ងៃទី២១ ខែកញ្ញា ឆ្នាំ២០១៤ ។
លោកបានបន្តទៀតថាក្រោយមានដីការបស់តុលាការកម្លាំងនគរបាលជំនាញបានធ្វើការស្រាវជ្រាវ ហើយឈានទៅដល់ការចាប់ខ្លួនពួកគេទាំងពីរនាក់និងបញ្ជូនទៅកាន់សាលាដំបូង ខេត្ដបន្ទាយមានជ័យ ដើម្បីផ្ដន្ដាទោសតាមផ្លូវច្បាប់ផងដែរ៕ 
