ខេត្តឧត្តរមានជ័យ សមត្ថកិច្ចប៉ូលីសអធិការ ទទូលអាវុធកែឆ្នៃពីប្រជាពលរដ្ឋបានជាង៣៩ដើម។ហើយអាវុធទាំងនោះត្រូវបានពលរដ្ឋយកមកប្រគល់អោយផ្ទាល់រៀងៗខ្លួននៅអធិការស្រុកបន្ទាយអំពិល ខេត្តឧត្តរមានជ័យកាលពីថ្ងៃទី១៦ខែកញ្ញា ឆ្នាំ២០១៥ ។លោក ហម ភិរម្យ អធិការស្រុកបន្ទាយអំពិលនិយាយថា អាវុធកែឆ្នៃចំនួនជាង៣៩ដើមខាងប្រជាពលរដ្ឋេយកមកប្រគល់អោយសមត្ថកិច្ច មកពីភូមិ ឃុំមួយចំនួននៅក្នុងស្រុកបន្ទាយអំពិលជាបន្តបន្ទាប់ នេះដែលកន្លងមកពួកគាត់បានកែឆ្នៃជាអាវុធ(កាំភ្លើងស្នប់)សម្រាប់បាញ់សត្វក្នុងតំបន់រស់នៅ ។
ហើយពេលនេះពួកគាត់យល់ដឹងពីការប្រើប្រាស់អាវុធទាំងនេះខុសនិងច្បាប់ពួកគាត់បានសម្រេចចិត្តយកមកអោយសមត្ថកិច្ចតែ
ម្តង ។ ហើយការប្រគល់អាវុធកែឆ្នៃទាំងនេះបន្ទាប់ពីពួកគាត់បានយល់ដឹងពីការណែនាំនិងផ្សព្វផ្សាយជាច្រើនលើកដើម្បីអោយក្នុងភូមិឃុំមានសុវត្ថតិភាពក្នុងតំបន់មាន៩ចំណុចដែលប្រមុខរាជរដ្ឋាភិបាលបានដាក់ចេញថ្មីៗនេះ ។
លោក អធិការស្រុកបន្ទាយអំពិលបានបន្តអោយដឹងដែរថា អាវុធកែឆ្នៃសម្រាប់បាញ់សត្វនេះ តួធ្វើអំពីឈើ កាណុងដែកប្រហោង មានបំពង់ស្នប់ មានកៃត្រឹមត្រូវ ហើយនិងប្រើគ្រាប់កង់សម្រាប់ដាក់បាញ់ម្តងៗ ។ហើយអាវុធកែឆ្នៃនេះបើមានរឿងជំលោះកើតមាននៅក្នុងភូមិយកមកបាញ់មនុស្សអាចស្លាប់បានភ្លាមៗអោយតែបាញ់ចំនោះ៕
