ខេត្តបន្ទាយមានជ័យ រសៀលថ្ងៃទី១៦ ខែកញ្ញា ឆ្នាំ២០១៥នេះនៅស្នងការ នគរបាលខេត្តបន្ទាយមានជ័យលោកឧត្តមសេនីយ៍ត្រីអាត់ ខែមស្នងការនគបាលខេត្តបន្ទាយមានជ័យបានចាត់តាំងឲ្យលោក ពួនស៊ីនិតស្នងការរងទទួលផែនភស្តុភារនិងហិរញ្ញាវត្ថុលោក វង្ស វិតស្នងការរងទទួលផែនធនធានមនុស្សដឹកនាំក្រុមការងារ នាំយកថវិកាសមាគមមិត្តនគរបាលចំនួន៤លានរៀលនិង ថវិកាបានពីការចូលរួមបុណ្យរបស់ថ្នាក់ដឹកនាំនិងកងកម្លាំងនគរបាលចំនួន១លាន៥សែនទៅប្រគល់ជូនភរិយាសពលោកវរសេនីយ៍ត្រី សឿម សាម័យនាយផ្នែកនៃ
ការិយាល័យផែនការគណនេយ្យស្នងការដ្ឋាននគរបាលខេត្តបន្ទាយមានជ័យដែលបានទទួលមរណភាពថ្មីៗនេះ ។លោកអាត់ខែមបាននិយាយថាសពរបស់លោកវរសេនីយ៍ត្រី សឿម សាម័យ ត្រូវបានក្រុមគ្រួសារ រៀបចំធ្វើបុណ្យ តាមប្រពៃណី នៅគេហដ្ឋានរបស់ខ្លួន ក្នុងភូមិបត់ត្រង់ធំខាងកើត ឃុំបត់ត្រង់ ស្រុកមង្គលបូរី ខេត្តបន្ទាយមានជ័យហើយសពនឹងដង្ហែ ទៅកាន់វត្តបឹងត្រាវនៅម៉ោង ៨ព្រឹកទី១៧ ខែកញ្ញា ឆ្នាំ២០១៥នេះ ។លោកបានផ្តាំផ្ញើការចូលរួមរំលែកទុក្ខ ដ៏
ក្រៀមក្រំពីសំណាក់លោកឧបនាយករដ្ឋមន្ត្រី កែគឹមយ៉ានប្រធានក្រុមការងារថ្នាក់ជាតិ ចុះជួយ ខេត្តបន្ទាយមានជ័យ លោកអភិបាលខេត្ត និងលោកស្នងការង ចំពោះការបាត់បង់មន្ត្រីនគរបាលម្នាក់ដែលមានស្នាដៃធ្លាប់ចូលរួមបម្រើសង្គមនិងប្រជាពលរដ្ឋ។ក្រុមគ្រួសារសព និងសូមថ្លែងអំណរគុណថ្នាក់ដឹកនាំ លោកឧត្តមសេនីយ៍ស្នងការ ដែលបាន យកចិត្តទុកដាក់ ជួយដឹកសពមកចូលរួម និងដង្ហែសពបន្តទៀត ។គួរកត់សម្គាល់ថា រាល់ពេល មានមន្ត្រីនគរបាលណាម្នាក់បានទទួលមរណភាព លោកឧត្តមសេនីយ៍ស្នងការ បាននាំយក ថវិកាសមាគមមិត្តនគរបាលជាតិ និងថវិកាឧបត្ថម្ភ ទៅប្រគល់ជូនភរិយា និងក្រុមគ្រួសារ នៃសពភ្លាមៗ ព្រមទាំងចាត់ឲ្យកម្លាំងនគរបាល រៀបចាត់ចែងកម្មវិធីបុណ្យរហូតដល់ចប់ទៀតផង៕
