ឧត្តរមានជ័យ នៅវេលាម៉ោង៩និង១០នាទី ថ្ងៃទី១៧ ខែកញ្ញា ឆ្នាំ២០១៥ សមត្ថកិច្ចចំរុះ ដឹកនាំដោយលោកកូយ កាន់ យ៉ា ព្រះរាជអាជ្ញាអមសាលាដំបូងខេត្តឧត្តរមានជ័យ បានចុះអនុវត្តសេចក្តីសម្រេចប្រគល់ផ្ទះអោយទៅម្ចាស់ដើមវិញ ដែលបិទទ្វាអស់រយះពេលជាយូមកហើយនោះ។ការប្រកបអាជីវកម្មភាគីជួល ត្រូវតែស្របច្បាប់នៃព្រះរាជាណាចក្រកម្ពុជា ហើយក្នុងករណីអាជ្ញាធរបិទឫ ផ្អាកអាជីវកម្មនោះ ភាគីម្ចាស់ផ្ទះ មានសិទ្ធិរំសាយកិច្ចសន្យានេះ ដោយស្វ័យប្រវត្តិ។ផ្ទះមួយកន្លែងដែលមានទីតាំងនៅភូមិអូរជញ្ជៀន ឃុំអន្លង់វែង ស្រុកអន្លង់
វែង ខេត្តឧត្តរមានជ័យ ពិតជាកម្មសិទ្ធិរបស់លោកគិន.កាន់ណារិទ្ធិនិងប្រពន្ធឈ្មោះលុយ ចាន់សុខា ពិតប្រកដមែន ហើយផ្ទះមួយកន្លែងនេះ ពុំមានជាប់ទាក់ទិន ក្នុងកិច្ចសុើបសួរឫការសម្រេចសេចក្តី របស់តុលាការឡើយ ដោយហេតុថាផ្ទះនេះ ពុំមែនជាផ្ទះរបស់ម្ចាស់អាជីវកម្មដ្ឋាន 
ដែលជាជនជាប់ចោទនោះឡើយ ហើយផ្ទះនេះ ក៏ពុំជាប់ពាក់ព័ន្ធ ជាមួយនិងការប្រព្រឹតបទល្មើសរបស់ជនជាប់ចោទដែរ ហេតុនេះហើយនៅតែធ្វើការហាមឃាត់ផ្ទះនេះបន្តទៀតនោះ អាចនិងធ្វើអោយមានការប៉ះពាល់ធ្ងន់ធ្ងដល់ផលប្រយោជន៍ របស់ម្ចាស់ផ្ទះ ដូច្នេះ តុលាការគប្បីសំរេច
បង្គាប់ឲ្យបើកផ្ទះ ដែលមានទីតាំងដូចខាងលើឡើងវិញ និងប្រគល់ផ្ទះនេះ ព្រមទាំងសម្ភារះ ទាំងអស់ដែលជាកម្មសិទ្ធិរបស់ម្ចាស់ផ្ទះ អោយទៅលោកគិន កាន់ណារិទ្ធិ និងប្រពន្ធឈ្មោះលុយ ចាន់សុខា គ្រប់គ្រងវិញ លើកលេងសម្ភារះ បរិក្ខាឃ្លីនិច្ចខាងលើទាំងអស់ ដែលត្រូវរក្សាទុករហូតដល់មានសេចក្តីសម្រេចជាថ្មី ពីតុលាការ៕
