ខេត្តបន្ទាយមានជ័យ មេឈ្មួញឈើក្រញូងដ៍ធំមួយនៅខេត្តបន្ទាយមានជ័យបានរត់គេចខ្លួនបាត់ពេលដែលកម្លាំងចម្រុះចុះបង្ក្រាបទីតាំងលាក់ឈើក្រញូងនិងបានរឹបអូសឈើក្រញូងចំនួន៩៧ដុំ។នៅថ្ងៃទី១១ ខែកញ្ញា ឆ្នាំ២០១៥កន្លងកមកម្លាំងចម្រុះបានចុះបង្ក្រាបកន្លែងស្តុបឈើក្រញូងមួយកន្លែងដែលស្ទើរតែដោះស្លែរទៅហើយ ហើយត្រូវបានគេស្គាល់ម្ចាស់ឈើមានឈ្មោះ ទុយ វីន ភេទប្រុស អាយុ៣៨ឆ្នាំ រស់នៅភូមិ៣ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យនៅពេលដែលកម្លាំងចម្រុះចុះបង្ក្រាបករណីខាងលើនេះគឺមិនមានការចាប់ខ្លួនមេឈ្មួញរូបនោះឡើយ ដោយសារតែមេឈ្មួញឈ្មោះ ទុយ វីន បានដឹងខ្លួនមុនហើយបានរត់គេចខ្លួនបាត់ដោយបានត្រឹមតែរឹបអូសឈើក្រញូងចំនួន៩៧ដុំ ប្រមាណជាង២ម៉ែត្រគីបដែលមានតំលៃមិនតិចជាង ១០ម៉ឺនដុល្លាព្រោះថាជាប្រភេទឈើក្រញូងលេខ១ ។
គួរបញ្ជាក់ផងដែរថាមេឈ្មួញឈើក្រញូងឈ្មោះ ទុយ វីន រកស៊ីមុខរបរនេះយូរយារណាស់មកហើយដោយបានជួលកម្មករឲ្យចូលទៅដីថៃដោយខុសច្បាប់ដើម្បីចូលកាប់ឈើក្រញូងដោយប្រឈមទាំងគ្រោះថ្នាក់ខ្លាំងរយះពេលកន្លងមក ។លោក ជា ផល្លី នាយខ័ណ្ឌរដ្ឋបាលព្រៃឈើបន្ទាយមានជ័យបានប្រាប់ថា នៅពេលកម្លាំងចម្រុះចុះបង្ក្រាបគឺរឹបអូសបានតែឈើតែឈ្មួញប៉ុណ្ណោះ ចំណែកមេឈ្មួញរូបនោះបានរត់គេចខ្លួនទៅហើយ ហើយមន្ត្រីជំនាញក៏បានធ្វើការស្រាវជ្រាវ ដើម្បីឈានទៅដល់ការចាប់ខ្លួនដើម្បីចាត់ការតាមច្បាប់ផងដែរ ៕
