រាជធានីភ្នំពេញ៖ ហេតុការណ៍មួយបានកើតឡើងបណ្ដាលអោយអ្នកធ្វើដំណើរមានការងឿងឆ្ងលគ្រប់ៗគ្នាបន្ទាប់ពីប្រទះឃើញអេសស្កាទ័រមួយគ្រឿងបានប្រាស់ខ្លួនដេកនៅលើផ្លូវ។ ហេតុការណ៍ដែលភ្ងាក់ផ្អើលនេះបានកើតឡើងកាលពីវេលាម៉ោង 5 និង30 នាទី ថ្ងៃទី30 ខែមេសា ឆ្នាំ2014 តាមបណ្ដោយផ្លូវជាតិលេខ6 ស្ថិតក្នុងក្រុមទី8 ភូមិព្រែកលៀប សង្កាត់ព្រែកលៀ ខណ្ឌឬស្សីកែវ រាជធានីភ្នំពេញ ។
បើតាមប្រភពព័តមានពីអ្នកឃើញហេតុការនេះបានអោយដឹងថា៖ មុនពេលកើតហេតុគេឃើញរថយន្តដឹកអេសស្កាទ័របានដឹកអេសស្កាទ័រអោយកងវិស្វ័កកម្មហើយពេលដែលទំលាក់អេសស្កាទ័រចុះពីរថយន្តមកដល់ដីដោយការពីល្ងាចមានភ្លៀងធ្លាក់ផងនោះធ្វើអោយស្ថានភាពដីមានសភាពជ្រាយពេលដែលអេសស្កាទ័រកំពុងបើកឡើងលើចិញ្ចើមផ្លូវស្រាប់តែអេសស្កាទ័រក៍បានក្រឡាប់តែម្ដងតែសំណាងល្អអ្នកបើកមិនបណ្ដាលអោយរងរបួសឡើយ។
ប្រជាពលរដ្ធដែលរស់នៅក្បែរកន្លែងកើតហេតុនោះបានលាន់មាត់គ្រប់គ្នាហើយនាំគ្នានិយាយថា សំណាងល្អហើយដែលពុំមានអ្នករងរបួសដល់អាយុជីវិតហើយបានរិះគុណដល់ក្រុមហ៊ុនដែលមានការថ្វេប្រហេះ។ អេសស្កាទ័រដែលតូចចិត្តហើយបានប្រាស់ខ្លួនដេកលើផ្លូវទាំងព្រឹកប្រលឹមនោះត្រូវបានក្រុមកងវិស្វ័កកម្មបានស្ទូចអោយមកដូចដើមវិញដោយពុំបានរំខានដល់សមត្តកិច្ចឡើយ៕
