ខេត្តបន្ទាយមានជ័យ លោកឃួនជឿនមេបញ្ជាការវរសេនាតូចលេខ៥១៥បានចេញមកបដិសេដថា លោកបានបើកច្រករបៀងតែ៥កន្លែងប៉ុណ្ណោះ មិនមែនដូចការចោទប្រកាន់ថាបានបើកច្រករបៀងខុសច្បាប់ដល់ទៅ១០កន្លែងនោះទេ ។លោកវរៈសេនីយ៍ឯក ឃួន ជឿន មេបញ្ជាការរងកងពងពលតូចថ្មើរជើងលេខ៥១ និងជាមេបញ្ជាការវរសេនាតូចលេខ៥១៥ បានលួចបើកច្រករបៀងខុសច្បាប់ប្រមាណជិត១០កន្លែងដែលកំពុងតែធ្វើការគ្រប់គ្រង ហើយថែមទាំងបានឃុបឃឹតជាមួយឈ្មួញលួចនាំទំនិញចូលដោយខុសច្បាប់ផងដែរនេះបើតាមការឲ្យដឹងរបស់អ្នកស្រុកនៅតាមតំបន់ជាយដែននោះ។បើលោកឃួន ជឿន លួចបើកច្រករបៀង
ខុសច្បាប់ពិតប្រាកដមែននោះគឺមានន័យថាផ្កើនទៅនឹងបទបញ្ជាររបស់សម្តេចក្រឡាហោម ស ខេង រដ្ឋមន្ត្រីក្រសួងមហាផ្ទៃដែលបានចេញសេចក្តីណែនាំដល់ខេត្តដែលជាប់ព្រំដែនទាំងខាងលិច និងខាងកើតត្រូវបិទច្រករបៀងខុសច្បាប់ ហើយកងកម្លាំងឈរជើងតាមបន្ទាត់ព្រំដែនមិនត្រូវឃុបឃឹតជាមួយឈ្មួញដែលលួចនាំទំនិញគេចពន្ធចូលធ្វើឲ្យបាត់បង់ចំណូលរដ្ឋ និងត្រូវទប់ស្កាត់បទល្មើសឆ្លងដែនពលករចំណាកស្រុកខុសច្បាប់ផងដែរ ។
លោកឃួន ជឿន ដែលគ្រប់គ្រងតាមបន្ទាត់ព្រំដែនប្រវែងជាង៤០គីឡូម៉ែត្រដែលមានស្រុកអូរជ្រៅ ស្រុកស្វាយចេក ស្រុកថ្មពួក ហើយកំពុងមានច្រករបៀងខុសច្បាប់ទាំង១០នោះរួមមាន ១.ច្រករបៀងអាងសីលា ២.ច្រករបៀងទំនប់ដាច់ ៣.ច្រករបៀងណងចាន់ ៤.ច្រករបៀងអូរបីជាន់ ៥.ច្រករបៀងព្រៃចាន់ ៦.ច្រករបៀងគុម្ពឫស្សីរឺចាក់ដីថ្មី ៧.ច្រករបៀងចំការគ ៨.ច្រករបៀងដើមព្រីង ៩.ច្រករបៀងតំបន់មួយ ១០.ច្រករបៀងតំបន់ប្រាំជាដើម។ក្រោយពីទទួលដំណឹងនេះលោកវរៈសេនីយ៍ឯក ឃួន ជឿន បានទូរស័ព្ទប្រតិកម្មថា សារព័ត៌មានបានចេញផ្សាយចោទ
ប្រកាន់លោកថា លួចបើកច្រករបៀងខុសច្បាប់១០កន្លែងនោះគឺខុសពីការពិតគឺចុះបំភ្លើស ហើយជាការពិតលោកបានបើកច្រករបៀងចំនួន៥កន្លែងតែប៉ុណ្ណោះ ហើយច្រករបៀងខុសច្បាប់នេះមិនមែនបើកតែស្ថាប័នលោកទេតាមបន្ទាត់ព្រំដែននោះគឺមានបើកជាច្រើនកន្លែងឯណោះ។លោកឃួន ជឿនក្រោយពីព៌តមានធ្វើការចុះផ្សាយចំៗនូវចំណុចរសើបរបស់លោកធ្វើឲ្យលោកមានការខឹងយ៉ាងខ្លាំងដូចពាក្យចាស់លោកពោលថាមាន់ពងក្នុងស្រូវហើយរឿងអីវាទៅសីុអង្កាមនោះដួចករណីលោកឃួនជឿននេះស្រាប់ឈរជើងនៅតាមច្រកហើយរឿងអីថាមិនចេះបើកច្រកទៀតនោះ ៕
