ស្ទឹងត្រែង៖ ពាក្យបណ្តឹងរបស់ប្រជាពលរដ្ឋជនជាតិដើមគួយចំនួន១២គ្រួសារនៅភូមិឆ្វាំងឃុំសំអាងស្រុកថាឡាបរិវ៉ាត់ ត្រូវបានអាជ្ញាធរខេត្ត លើកយកមកដោះស្រាយ នៅព្រឹកថ្ងៃទី១៧កញ្ញាឆ្នាំ២០១៥ដែលពាក់ពន្ធ័ទៅនិង ក្រុមកាប់ព្រៃឈើរានយកដី ក្រោមការឃុបឃិត ជាមួយលោកជាថាវរិទ្ធអភិបាលស្រុកចាស់ ហើយពាក្យបណ្តឹងនេះ មានការចោទប្រកាន់ថាបានកាប់បំផ្លាញដល់ដើមច្បុះជ័រ រាប់រយដើមធ្វើឲ្យពួកគាត់បាត់បង់ផលអនុផលព្រៃឈើជួបការលំបាកក្នុងជីវភាពរស់នៅ។
លោកអ៊ុកចាន់ថនអភិបាលរងស្រុកថាឡាបរិវ៉ាត់បានបញ្ជាក់ថា៖ការកាប់ព្រៃរានយកដីធ្វើជាកម្មសិទ្ធិនៅឃុំសំអាងពិតជាប៉ះពាល់កន្លែងដែលប្រជាពលរដ្ឋ គាត់ធ្វើការអាស្រ័យផលដងជរ័ រកផ្តៅ ទឹកឃ្មុំ និងផលអនុផលផ្សេងៗទៀតសំរាប់ចិញ្ចឹមជីវិតពិតប្រាកដមែន។
លោកអភិបាលរងស្រុកបានទទួលស្គាល់ថាពាក់ពន្ធ័ជាមួយនិងការចោទ ប្រកាន់ដល់អភិបាលស្រុកចាស់ ទៅលើការកាប់បំផ្លាញដើមច្បុះនេះ អាជ្ញាធរមូលដ្ឋាននិងមន្ត្រីជំនាញ បានចុះទៅពិនិត្យរួចហើយ ប៉ុន្តែក្រុមការងារចុះទៅពិនិត្យ ក៏ដូចជាអាជ្ញាធរភូមិឃុំ ដើមច្បុះរបស់គាត់មានពិតប្រាកដប៉ុន្តែ មិនមែនរាប់រយដើមទេ បើខាងក្រុមការងារគាត់ចុះទៅមានតែរូបភាព តែ៥ដើមហ្នឹងគឺដើមច្បុះហ្នឹង គាត់បោះបង់ចោលទៀតគាត់អត់មានអាស្រ័យផលប្រចាំឆ្នាំទេដើមច្បុះហ្នឹង សឹងតែថាលប់អារុនច្បុះជរ័ ដែលគាត់ដងហ្នឹងគាត់ធ្វើការបោះបង់ចោល។
លោកលីឧសភាប្រធានមន្ទីររៀបចំដែនដីខេត្តបានអះអាងថា នេះជាការមិនបានទទួលខុសត្រូវរបស់ អាជ្ញាធរភូមិឃុំ បង្ករឿងបទល្មើសដីធ្លី ដែលភាគច្រើនជនខិលខូចកាប់ព្រៃ យកដីធ្វើការដាំដំណាំហើយ ចាប់បង្ខំឲ្យអាជ្ញាធរវាស់វែងឲ្យតែប៉ុណ្ណោះ ហើយបញ្ហារឿងនេះអាជ្ញាធរពាក់ពន្ធ័ ដោះស្រាយមិនទាន់ចប់ប់នៅឡើយទេ។
លោកប្រធានមន្ទីរបញ្ជាក់ថា៖ រឿងដីដែលកិច្ចប្រជុំបានលើកយកមកដោះស្រាយនេះជាករណីពាក់ពន្ធ័ ទៅនិងដីរបស់រដ្ឋ ដូចនេះផ្នែកជំនាញហ្នឹងដកហូតយកមកទុកជាសម្បត្តិរដ្ឋវិញ បើយើងទៅដោះស្រាយឲ្យគាត់លើដីរដ្ឋបើរដ្ឋយើងអត់ទទួលស្គាល់ លើការកាប់រានថ្មីក្រោយបទបញ្ជា០១គឺកម្មសិទ្ធមិនស្របច្បាប់ គឺយើងអត់ទទួលយកបានទេ អញ្ចឹងក្នុងនាមជំនាញគឺយើងបានសិក្សាទៅហើយ គឺដីគាត់ហ្នឹងមិនស្ថិតនៅក្នុងការវាសវែងរបស់យើងទេ ផែនទីក្បាលដីអត់មានបានន័យថា ដីហ្នឹងជាដីរបស់រដ្ឋ។
លោកឈាងឡាក់អភិបាលរងខេត្តបញ្ជាក់ថាៈនៅចំពោះមុខនេះក្រុមការងារត្រូវចុះទៅបង្ក្រាបហើយ មន្ត្រីជំនាញថ្នាក់ខេត្ត ធ្វើការស្រាវជ្រាវបទល្មើសព្រៃឈើនេះ ឲ្យមានប្រសិទ្ធភាពនិងរកឲ្យឃើញ អ្នកនៅពីក្រោយខ្នងដែលហ៊ានទិញទឹកចិត្តញួសញង់ ប្រជាពលរដ្ឋឲ្យប្រព្រឹទ្ធខុសនិងច្បាប់ព្រៃឈើ ឬសារាចរណែនាំរបស់រាជរដ្ឋាភិបាលអញ្ចឹងដើម្បីមានមូលដ្ឋានគឺសំរេចថា៖បង្កើតក្រុមការងារមួយចុះហើយយើងធ្វើរបាយការណ៏ជាក់ស្តែងរាយការណ៏ជូនឯកឧត្តមអភិបាលខេត្ត ដើម្បីសុំអនុសាសន៏គាត់ហើយអាអ្នកប្តឹងហ្នឹង គ្មានកម្មសិទ្ធដីធ្លីអីទេសុទ្ធតែដីរដ្ឋទាំងអស់។
សូមបញ្ជាក់ថាៈ បទល្មើសកាប់ព្រៃរានយកដីធ្វើជាកម្មសិទ្ធិនៅឃុំសំអាងក្នុងស្រុកថាឡាបរិវ៉ាត់នេះ កើតឡើងតាំងពីឆ្នាំ២០១៣មក ដែលភាគច្រើនទឹកដីឃុំនេះ មានភូមិសាស្ត្រមួយផ្នែក ជាប់និងតំបន់ព្រៃឡង់ហើយចាំមើលថាតើអាជ្ញាធរខេត្តអនុវត្តវិធានការរបស់ខ្លួនមានប្រសិទ្ធភាពយ៉ាងណា៕
