ខេត្តកំពត ៖ ឯកឧត្តម នាយឧត្តមសេនីយ៍ គន់ គីម អគ្គលេខាធិការសមាគមអតីតយុទ្ធជនកម្ពុជាបានមានប្រសាសន៍ថា រាជរដ្ឋាភិបាលតែងតែគិតគូរដល់សុខទុក្ខរបស់បងប្អូនអតីតយុទ្ធជន(ទាំងពិការ និងចូលនិវត្ដន៍) ដែលបានបូជាសាច់ស្រស់ ឈាមស្រស់ក្នុងបុព្វហេតុការពារ
កសាងជាតិមាតុភូមិ ដូច្នេះហើយបានជាឯកឧត្តម នាយឧត្តមសេនីយ៍ គន់ គីម អគ្គលេខាធិការសមាគមអតីតយុទ្ធជនកម្ពុជាបានមានប្រសាសន៍ថាបានបង្កើតសមាគមអតីតយុទ្ធជនកម្ពុជានេះឡើងដើម្បីចូលរួមសួរសុខទុក្ខចែករំលែកនូវបញ្ហាប្រឈមផ្សេងៗដែលកើតមានក្នុងជីវភាពគ្រួសាររបស់យុទ្ធជន។ឯកឧត្តម នាយឧត្តមសេនីយ៍បានប្រសាសសន៏បែបនេះនៅក្នុងពិធីប្រកាសទទួលស្គាល់គណៈកម្មាធិការសមាគមអតីតយុទ្ធជនកម្ពុជានៅសាលាខេត្ដកំពត នាថ្ងៃទី ១៦ កញ្ញា ២០១៥។ឯកឧត្តម នាយឧត្តមសេនីយ៍ បានប្រកាសទទួលស្គាល់សមាសភាពកម្មាធិការសមាគមអតីតយុទ្ធជនកម្ពុជានៅសាលាខេត្ដកំពតរួមមាន លោក អ៊ុង វណ្ណារិទ្ធ មេបញ្ជាការសឹងរងខេត្ត ជាប្រធាន , លោក កែវ សុផល មេបញ្ជាការបេអឹមខេត្ត ជាអនុប្រធាន , លោក ថ្លាង ភារិន ស្នងការខេត្ត ជាអនុប្រធាន , លោកស្រី ព្រំ សុភាព ប្រធានមន្ទីរសង្គមកិច្ច និង និតិសម្បតិទា ជាអនុប្រធាន និងមានសមាជិកជាច្រើនរូបទៀត ។ការប្រកាសគឺធ្វើទ្បើងបន្ទាប់ពីអង្គសន្និបាតរបស់សមាគមអតីតយុទ្ធជនទូទាំងប្រទេស កាលពីថ្ងៃទី០២ កញ្ញា ២០១៥ ដោយបានប្រគល់ភារកិច្ចឲ្យអគ្គលេខាធិការសមាគម អតីតយុទ្ធជនថ្មី ក្នុងការរៀបចំតាក់តែងលិខិតបទដ្ឋានគតិយុត្តិនានាសំដៅលើកកម្ពស់ការគ្រប់គ្រង និងសិទ្ធិទទួលបានគោលរបបរបស់អតីតយុទ្ធជន និវត្តជន និងការដោះស្រាយបញ្ហាប្រឈមនានា ដែលកើតមាននាពេលកន្លងមក ក្នុងនោះបានដាក់ចេញនូវគោលការណ៍ពង្រីកសាខាសមាគមអតីតយុទ្ធជនចាប់ពីថ្នាក់ខេត្ត រាជធានីឲ្យដល់ឃុំ សង្កាត់ ។ឯកឧត្តម នាយឧត្តមសេនីយ៍ គន់ គីម អគ្គលេខាធិការសមាគមអតីតយុទ្ធជនកម្ពុជាបានមានប្រសាសន៍បន្តរទៀតថាៈរាជរដ្ឋាភិបាលបានសំរេចដំឡើងជូនដល់អតីតយុទ្ធជន និងគ្រួសារចំនួន ២០% បន្ថែមទៀតលើរបបឧបត្ថម្ភគោលនយោបាយមុន ។បន្ទាប់មកឯកឧត្តម នាយឧត្តមសេនីយ៍ បានប្រគល់អំណោយដល់អតីតយុទ្ធជន និងគ្រួសារប្រមាណ៣០០នាក់ដោយក្នុងម្នាក់ៗទទួលបានអំណោយឧត្ដម្ភរបស់សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន មី១កេស អង្ករ១កូនបាវ និងថវិកា៥ម៉ឺនរៀល។
