បន្ទាយមានជ័យៈបុរសមិនស្គាល់អត្តសញ្ញាណម្នាក់ត្រូវបានគេសន្និដ្ឋានថាបណ្តាលមកពីរកការងឬធ្វើពុំទើបសម្រេចចិត្តធ្វើអត្តឃាត់សម្លាប់ខ្លួនឯងដោយចងកលើដើមអំពិលក្នុងសាលាស្រុកម៉ាឡៃខេត្តបន្ទាយមានជ័យហើយត្រូវបានកុមារម្នាក់ឡើងទៅយកឃ្មុំប្រទះឃើញកាលពីវេលាម៉ោង១២ថ្ងៃត្រង់ថ្ងៃទី20.កញ្ញា2015។
បើតាម អ្នករស់នៅជិតកន្លែងកើតហេតុបានប្រាប់អោយដឹងថាជនរងគ្រោះដែលចងកសម្លាប់ខ្លួនឯងគឺកាលពីព្រឹកថ្ងៃទី១៩កញ្ញា គេបានឃើញ បុរសមិនស្គាល់អត្តសញ្ញាណរូបនេះស្លៀកខោខ្លីពាក់អាវដៃវែងបង្កង់បានចូលទៅរកសុំការងារធ្វើក្នុងការដ្ឋានសំណង់មួយនាស្រុកនេះតែត្រូវបានបដិសេធមិនព្រមទទួលដោយមេជាងព្រោះតែខ្លាចមនុស្សខ្ចាត់ព្រាត់។ក្រោយពីចាកចេញពីការដ្ឋាននោះទៅក៏គ្មាននរណាម្នាក់បានដឹងពីដំណើរជននេះទរ។
លោក សោម គឹមហេង មេបញ្ជាការមូល ដ្ឋានក្រុងប៉ោយប៉ែតបានអោយដឹងថាសាកសពត្រូវបានក្មេងម្នាក់ប្រទៈឃើញគ្រាដែលរូបគេឡើងទៅយកឃ្មុំលើដើមអំពិលនោះ។តែមិនមាននរណាម្នាក់បានស្គាល់ពីដំណើរនិងអត្តសញ្ញាណយុវជននេះទេ។
លោក បានបន្តថា ទៀតថាក្រោយចុះទៅធ្វើកុសលបច្ច័យលើសាកសពកម្លាំងជំនាញបានអះអាងថាជនរងគ្រោះមានអាយុប្រហែលប្រហែលជាជា៣០ឆ្នាំបានស្លាប់តាំងពីពាក់កណ្តាលរំលងអាធ្រាតយប់ថ្ងៃទី១៩កញ្ញាស្របពេលដែលអ្នកយាមក្នុងសាលាស្រុកម៉ាឡៃសំរាកលង់
លក់អស់។លោកបានប្រកាសស្វែងរកសាច់ញាតិនៃសពលើស្រុកដែលនៅក្បែរៗនោះតែមិនមាននរណាម្នាក់បាត់បង់សមាជិកគ្រួសារនេះទេ។. សមត្ថកិច្ចបានសន្និដ្ឋានថាជនរងគ្រោះពិតជាធ្វើអត្តឃាត់សម្លាប់ខ្លួនដោយចងកលើដើមអំពិលហើយជនរងគ្រោះអាចមកពីស្រុកឆ្ងាយឬទើបតែត្រឡប់មកពីស្រុកថៃ។
បច្ចុប្បន្នសពត្រូវបានសមត្ថកិច្ចយកទៅរក្សាទុកនៅក្នុងវត្តម៉ាឡៃរងចាំគ្រួសារមកទទួលតែបើមិនមាននរណារមកទទួលយកទេសមត្ថកិច្ចនិងសំរេចបូជាទៅតាមប្រពៃណី៕
