ខេត្តបន្ទាយមានជ័យ៖ ហាងម៉ាស្សាយីហោរ៧៧៧៧៧ចំនួន២កន្លែងនៅក្រុងប៉ោយប៉ែតខេត្តបន្ទាយមានជ័យ ត្រូវបានកម្លាំងនគរបាលប្រឆាំងការជួញដូរផ្លូវភេទ និងការពារអនិតិជនខេត្ត ចុះបង្ក្រាបហើយកាលពីវេលាម៉ោង៨យប់ថ្ងៃទី២១ ខែកញ្ញា ឆ្នាំ២០១៥ នេះ ក្នុងការចុះ
បង្ក្រាបនោះសមត្ថកិច្ចរំដោះបានស្រីស្អាត៥នាក់ ថៅកែម្នាក់ មេការម្នាក់ និងប្រុសៗមកម៉ាស្សាលើប្រាណ ៥នាក់ ពួកគេត្រូវបានឃាត់ខ្លួនយកទៅសួរនាំនៅអធិការដ្ឋាននគរបាលក្រុងប៉ោយប៉ែត។លោកឡាយគឹមលួន នាយការិយាល័យប្រឆាំងការជួញដូរផ្លូវភេទ និងការពារអនិតិជន នៃស្នង ការដ្ឋាននគរបាលខេត្តបន្ទាយមានជ័យ បានឲ្យដឹងថាក្នុងការចុះបង្ក្រាបនេះសមត្ថកិច្ចបានឃាត់ខ្លួននារី ស្អាតៗ៥នាក់ ភ្ញៀវបុរស៥នាក់ ថៅកែម្នាក់ មេការប្រុសម្នាក់ រកឃើញស្រោមអនាម័យទាំងប្រើរួចនិង មិនទាន់ប្រើជាច្រើនប្រអប់។លោក តេង សាម៉ៃ ព្រះរាជអាជ្ញារងអមសាលាដំបូងខេត្តបន្ទាយមានជ័យ បានឲ្យដឹងថា ក្រោយ ឃាត់ខ្លួនមនុស្សប្រុសស្រីទាំងនេះ រួមជាមួយវត្ថុតាង ត្រូវបានបញ្ជូនទៅសួរនាំនៅអធិការដ្ឋាននគរបាល ក្រុងប៉ោយប៉ែត ទាំងយប់ដើម្បីសមត្ថកិច្ចកសាងសំណុំរឿងបញ្ជូនទៅតុលាការចាត់ការតាមច្បាប់។ក្នុងការបង្ក្រាបទីតាំងកន្លែងម៉ាស្សាបង្កប់សេវា់ផ្លូវភេទនេះ គឺជាកន្លែងដែលបើករកស៊ីផ្លូវភេទជាយូរមកហើយ ដោយគ្មានសមត្ថកិច្ចបង្ក្រាបទើប សមត្ថកិច្ចមកពីខេត្តបង្ក្រាបជំនួស។គ្រាន់តែបង្ក្រាប២ កន្លែងនេះ បានធ្វើឲ្យហាងម៉ាស្សាដែលបង្កប់សេវ៉ាផ្លូវភេទជាច្រើន បានបង្ខំចិត្តបិតទ្វារទាំងព្រលប់ស្ទើរ ទាំងអស់។សព្វថ្ងៃនេះហាងម៉ាស្សាដែលបង្កប់សេវ៉ាផ្លូវភេទ នៅក្រុងប៉ោយប៉ែត មានរាប់សិបកន្លែង ដូចជា នៅម្តុំខាងកើតខារ៉ាអូររាជសីហ៍២ ផ្លូវដើមពុទ្ទ្រា ផ្លូវក្រោយវត្តបាលិល្យេ ផ្លូវវត្តថ្មីជិតសាលាអេបផល គឺ សុទ្ធតែជាកន្លែង ក្រោយពីផ្ទះល្វែងត្រូវបានបិត ទើបនារីរកស៊ីផ្លូវភេទទាំងនោះប្តូរឈ្មោះមកដាក់ជាយី ហោម៉ាស្សាកោសជប់បន្លំភ្នែកសមត្ថកិច្ចវិញ៕ 
