ខេត្តបន្ទាយមានជ័យ៖ នៅព្រឹកថ្ងៃទី២១ខែកញ្ញាឆ្នាំ២០១៥ប្រតិភូរបស់ក្រុមហ៊ុនអន្តរជាតិចម្រុះកូរ៉េ អាមេរិក ថៃមួយក្រុមបានចុះពិនិត្យទីតាំងដីត្រៀមវិនិយោគលើដីរបស់ក្រុមហ៊ុនលីអ៊ុតនីអីមផតអិចផតខូអិលធីឌីរបស់កម្ពុជានៅខេត្តបន្ទាយមានជ័យ។លោកថូម៉ាសលី ប្រធានក្រុម
ហ៊ុនPSL &TU Holding នៃប្រទេសអាមេរិក កូរ៉េ ថៃមានការិយាល័យតំបន់នៅក្រុងបាងកកប្រទេសថៃបានចុះពិនិត្យដីនិងត្រៀមធ្វើវិនិយោគនៅក្នុងខេត្តបន្ទាយមានជ័យនេះ។លោក លី អ៊ុតនី ប្រធានក្រុមហ៊ុនលីអ៊ុតនីអីមផតអិចផតខូអិលធីឌីបានបើកកិច្ចពិភាក្សាខ្លីផ្តោតលើគម្រោងក្រុមហ៊ុនPSL ទៅវិនិយោគទុនរកសីុចម្រុះលើទីតាំងដីរបស់ក្រុមហ៊ុនលីអ៊ុតនីនៅខេត្តបន្ទាយមានជ័យ។លុះនៅថ្ងៃទី២១កញ្ញាឆ្នាំ២០១៥ លោកថូម៉ាសលី និងប្រតិភូសម្ព័ន្ធក្រុមហ៊ុនចម្រុះជាច្រើនទៀតបានចុះទៅពិនិត្យជាក់ស្តែងលើទីតាំងដីកម្មសិទ្ធិស្របច្បាប់និងទទួលស្គាល់ដោយអាជ្ញាធរមានសមត្ថកិច្ចរបស់រាជរដ្ឋាភិបាលកម្ពុជានៅឃុំទួលពង្រស្រុកម៉ាឡៃនិងនៅដីតំបន់សេដ្ឋកិច្ចពិសេសពាយ័ព្យខេត្តបន្ទាយមានជ័យផងដែរ។ក្នុងពេលចុះពិនិត្យនិងការណែនាំ បង្ហាញរបស់លោក លី អ៊ុតនីនោះ ប្រធានក្រុមហ៊ុនPSL & TU Holding លោកថូម៉ាស លីឲ្យដឹងថាក្រុមហ៊ុនចម្រុះរបស់លោកចាប់អារម្មណ៍ ពេញចិត្តនិងទទួលដាក់គម្រោងវិនិយោគរបស់ខ្លួននៅលើទីតាំងដី៣កន្លែងរបស់ក្រុមហ៊ុនលីអ៊ុតនី ។លោកថូម៉ាស់ លីនិងលោកលី អ៊ុតនីនិងថ្នាក់ដឹកនាំក្រុមហ៊ុននៃភាគីទាំងពីរបានជួបប្រជុំគ្នាខ្លីមួយទៀតនៅសណ្ឋាគារនៃកាសីុណូហូលីដេនាក្រុងប៉ោយប៉ែត។យោងភាគីនៃក្រុមហ៊ុនអន្តរជាតិនិងកម្ពុជាទាំងពីរឲ្យដឹងថាក្រុមហ៊ុនPSL & TU Holding នឹងបណ្តាក់ទុនលើគម្រោងអគ្គីសនីថាមពលពន្លឺព្រះអាទិត្យកម្លាំង៤៨០មេហ្គាវា៉ត់សម្រាប់ផ្គត់ផ្គង់ក្នុងឧស្សាហកម្មខ្លួននិងផ្គត់ផ្គង់ក្នុងខេត្ត។គម្រោងវិនិយោគក្នុងតំបន់សេដ្ឋកិច្ចពិសេសពាយ័ព្យនិងគម្រោងផ្លូវដែកកម្ពុជាជាដើម។លោកលី អ៊ុតនី និងលោកថូមា៉ស លី និងសហការីក្រុមហ៊ុននៃភាគីទាំង២នឹងធ្វើពិធីប្រជុំពិភាក្សានិងចុះហត្ថលេខាលើអនុស្សារណ:យោគយល់គ្នាជាមួយគ្នានាថ្ងៃទី២៣កញ្ញាឆ្នាំ២០១៥ខាងមុខនៅសណ្ឋាគារឡនស្កេបរាជធានីភ្នំពេញហើយក៏មានការចូលរួមពីមន្ត្រីរដ្ឋាភិបាលក្រុមប្រឹក្សាអភិវឌ្ឍន៍កម្ពុជាក្រសួង អាជ្ញាធរដែនដីពាក់ព័ន្ធផងដែរបានចូលរួមផងដែរ៕ 
