បន្ទាយមានជ័យ ៖ មនុស្សប្រុសស្រី៥នាក់ ត្រូវបានឃាត់ខ្លួន ក្នុងការបង្ក្រាបទីតាំងម៉ាស្សា និងកោសជប់ បង្កប់សេវាផ្លូវភេទកណ្តាលក្រុងប៉ោយប៉ែត កាលពីយប់ថ្ងៃទី២១ កញ្ញា ២០១៥ ។
ទីតាំងម៉ាស្សា និងកោសជប់ ខាងលើដែលត្រូវបានសមត្ថកិច្ចបង្ក្រាបមានយីហោថា ៧៧៧៧៧
ស្ថិតតាមបណ្តោយផ្លូវជាតិលេខ ៥ ភូមិអូរជ្រៅ សង្កាត់-ក្រុងប៉ោយបែត ខេត្តបន្ទាយមានជ័យ ។
ការចុះបង្ក្រាបនេះគឺដឹងនាំដោយ តំណាងព្រះរាជអាជ្ញាលោក តេង សាមៃ និងចូលរួមពីកម្លាំងនគរបាលក្រុងប៉ោយប៉ែត ដោយមនុស្ស៥នាក់ ដែលត្រូវឃាត់ខ្លួនមានភ្ញៀវ និងស្ត្រីម៉ាស្សា ព្រមទាំងម្ចាស់ទីតាំងម៉ាស្សាដែលមានឈ្មោះ សុខ ស៊ា ភេទប្រុស អាយុ២០ឆ្នាំ ។
លោក អ៊ុំ សុផល អធិការក្រុងប៉ោយប៉ែតបានអោយដឹងថា ចំពោះជនសង្ស័យទាំង៥នាក់ ដែលបានឃាត់ខ្លួនក្នុងការចុះបង្ក្រាបទីតាំងម៉ាស្សា ខាងលើត្រូវបានសមត្ថកិច្ចរបស់លោក កសាងសំនុំរឿង និងបញ្ជូនទៅស្នងការនគរបាលខេត្តរួចហើយ ហើយចំពោះចំណាត់ការទៅមុខទៀតលោកកំពុថតែស្រាវជ្រាវ រកទីតាំងដទៃទៀត ដែលតែងតែប្រើស្លាកសញ្ញាម៉ាស្សា កោសជប់ តែបម្រើសេវាផ្លូវភេទ ៕
