បន្ទាយមានជ័យ៖ ល្ងាចថ្ងៃទី២១ខែកញ្ញាឆ្នាំ២០១៥លោកលីសារីអភិបាលរងខេត្តបានដឹកនាំមន្ត្រីក្រោមឱវាទចុះពិនិត្យផ្លូវលំ២ខ្សែ ប្រវែង១១.៧០០ម៉ែត្រ ដែលរងការខូចខាតដោយទឹកជំនន់កាលពី៣ឆ្នាំមុន ហើយគ្រោងជួសជុលឡើងវិញនៅថ្ងៃខាងមុខនេះដើម្បីជួយសំរួលចរាចរណ៍ដល់
ប្រជាពលរដ្ឋរស់នៅក្នុងឃុំកោះពងសត្វ។លោក ម៉ៅ វណ្ណា អភិបាលរងក្រុងសិរីសោភ័ណបានប្រាប់ថា ផ្លូវ២ខ្សែប្រវែង១១.៧០០ម៉ែត្រ ដែលរងការខូចខាតដោយទឹកជំនន់កាល៣ឆ្នាំជាប់គ្នានោះមាន១ខ្សែប្រវែង៨.៥០០ម៉ែត្រ តភ្ជាប់ពីសង្កាត់កោះពងសត្វ ទៅកាន់សង្កាត់ព្រះពន្លា និងផ្លូវខ្សែទី២ ប្រវែង៣,២០០ម៉ែត្រ ពីសង្កាត់កោះពងសត្វ តភ្ជាប់ទៅឃុំឫស្សីក្រោក។លោក លី សារី អភិបាលរងខេត្តបន្ទាយមានជ័យបានប្រាប់ថា ផ្លូវ២ខ្សែប្រវែង១១,៧០០ម៉ែត្រ ដែលរងការខូចខាតដោយទឹកជំនន់រយៈពេល៣ឆ្នាំមុន គឺក្នុងនាមអាជ្ញាធរខេត្តរួមជាមួយមន្ត្រីក្រោមឱវាទ បានចុះមកពិនិត្យមើល និងធ្វើការជួសជុលសម្រួលជូនប្រជាពលរដ្ឋទៅមកដើម្បីបានដឹកកសិផលនៅរដូវប្រាំងឲ្យបានស្រួល។លោកលីសារីបាននិយាយបន្តទៀតថាផ្លូវលំទាំង២ខ្សែដែលគ្រោងជួសជុសនៅថ្ងៃខាងមុខនេះចំណាយអស់ថវិការយ៉ាងច្រើនមិនទាន់ដឹងចំណាយថវិការអស់ប៉ុន្មានទេហើយថវិការទាំងអស់នោះបានមកពីសប្បុរសជននៅក្នុងស្រុកនិងថវិការរបសាលាខេត្ត។លោកបានបន្តទៀតថាផ្លូវលំទាំង២ខ្សែនេះក្រោយពីធ្វើរួចអាចសំរួលចរាចរណ៍ដល់ទៅមនុស្សរាប់ពាន់នាក់ចេញចូលកាត់តាមផ្លូវនេះនៅក្នុងឃុំកោះពងសត្វនេះ៕
