ឧត្តមានជ័យ៖ ជនសង្ស័យម្នាក់ជួញដូរនិងប្រើប្រាស់គ្រឿងញៀនត្រូវបានកម្លាំងកងរាជអាវុធហត្ថស្រុកចាប់ឃាត់ខ្លួន. កាលពីវេលាម៉ោង១៨និង១៥នាទីយប់ ថ្ងៃទី២២ ខែកញ្ញា ឆ្នាំ២០១៥ កម្លាំងកងរាជអាវុធហត្ថស្រុកអន្លង់វែង៦នាក់ដឹកនាំដោយលោកវរសេនីយ៍ងួន ទ្ធីរិទ្ធ មេ
បញ្ជាការកងរាជអាវុធហត្ថស្រុក ហើយក៏មានការចង្អុលបង្ហាញពីលោកឧត្តមេសនីយ៍ត្រីពុទ្ធ សារ៉ាន់ មេបញ្ជាការកងរាជអាវុធហត្ថខេត្តឧត្តរមានជ័យ។លោកវរសេនីយ៍ត្រីងួន ទ្ធីរិទ្ធ មេបញ្ជាការកងរាជអាវុធហត្ថស្រុក បានអោយកម្ពុជាថ្មីដឹងថា ចុះបង្ក្រាបករណីជួញដូរសារធាតុញៀននេះ នៅចំណុចភូមិជើងភ្នំ ឃុំត្រពាំងប្រិយ៍ ស្រុកអន្លង់វែង ខេត្តឧត្តរមានជ័យ លទ្ធផលបង្ក្រាបនិងឃាត់ខ្លួនជនសង្ស័យម្នាក់ឈ្មោះហែម សំអៀន ភេទប្រុសអាយុ៤៥ឆ្នាំ ជាជនជាតិវៀតណាម រស់នៅភូមិ ឃុំខាងលើ និងរឹបអូសវត្ថុតាងប្រភេទមេតំហ្វេមីនចំនួន១៩គ្រាប់ នៅពេលបច្ចុប្បន្នកម្លាំងជំនាញកងរាជអាវុធហត្ថស្រុកអន្លង់វែង កំពុងក៏សាងសំណុំរឿងបញ្ជូនជនសង្ស័យទៅសាលាដំបូងខេត្តឧត្តរមានជ័យ ចាត់ការទៅតាមនិតិវិធីច្បាប់។ហើយលោកវរសេនីយ៍ត្រីងួន ទ្ធីរិទ្ធ មេបញ្ជាការកងរាជអាវុធហត្ថស្រុក ទាំងកងកម្លាំងរបស់លោកនិងរូបលោកនិងខិតខំបន្តស្រាវជ្រាវចាប់ឃាត់ខ្លួនជនសង្ស័យនិងទប់ស្កាត់អោយបានជាបន្តបន្ទាប់នៅក្នុងស្រុកអន្លង់វែង ក៏ដូចនៅក្នុងខេត្តឧត្តរមានជ័យ ទាំងមូលផងដែរ៕
