បន្ទាយមានជ័យ៖ មន្ត្រីនគរបាលនៃស្នងការនគរបាលខេត្តបន្ទាយមានជ័យ ចំនួន២៦១នាក់ត្រូវបានប្រកាសផ្លាសប្តូរ និងតែងតាំងតំណែង នារសៀលថ្ងៃទី២៣ កញ្ញា ២០៥ នៅសាលប្រជុំសាលាខេត្តបន្ទាយមានជ័យ ក្រោមអធិបតេយ្យភាព លោកឧត្តមសេនីយ៍ ខេង សុមេធ អគ្គស្នង
ការរងនគរបាលជាតិ និងជាមេបញ្ជាការនគរបាលប្រចាំទិសភូមិភាគ៤ និងភូមិភាគ៥ និងជាតំណាងដខ្ពង់ខ្ពស់របស់នាយឧត្តមសេនីយ៍ស្នងការនគរបាលជាតិ និងលោកគោស៊ុំ សារឿត អភិបាលខេត្តបន្ទាយមានជ័យ ។
បន្ទាប់ពីលោក ប៉ុល សុគន្ធ អនុប្រធាននាយកដ្ឋានបុគ្គលិក បានអានព្រះរាជក្រិត អនុក្រិត ប្រកាស របស់ក្រួង ស្តីពីការ តែងតាំងមុខតំណែង និងតម្លើងឋាន្តនរសក្តិទាំង២៦១នាក់រួចមក លោក ឧត្តមសេនីយ៍ត្រី អាត់ ខែម ស្នងការនគរបាលខេត្តបានលើកឡើងពីស្ថានភាពបទល្មើសក្នុងខេត្តបន្ទាយមានជ័យ មានការថយចុះ និងទប់ស្កាត់ដោយបង្ក្រាបបានទាន់ពេល តាមរយៈការប្រើកំលាំងស្រាវជ្រាវ បង្ការ និងបង្ក្រាប ធ្វើមុខសញ្ញាប្រព្រឹត្តបទល្មើសក្លាចរអា ។ ជាមួយ នឹងការធានាបាននូវសន្តិសុខសណ្តាប់ធ្នាប់ជួនប្រជាពលរដ្ឋនេះ នគរបាលខេត្តបន្ទាយមានជ័យ បានចូលរួមក្នុងកិច្ចការសង្គមជាច្រើន ដូចជាការងារស្តាឡើងវិញជូនប្រជាពលរដ្ឋដែលរងគ្រោះដោយគ្រោះធម្មជាតិ នាំអោយប្រជាពលរដ្ឋមានការគាំទ្រ និងទុកចិត្ត ទទួលស្គាល់ លើសមត្ថកិច្ច ។
លោកឧត្តមសេនីយ៍ ខេង សុមេធ អគ្គស្នងការរងនគរបាលជាតិ និងជាមេបញ្ជាការនគរបាលប្រចាំទិសភូមិភាគ៤ និងភូមិភាគ៥ និងជាតំណាងដខ្ពង់ខ្ពស់របស់នាយឧត្តមសេនីយ៍ស្នងការនគរបាលជាតិ បានផ្តាំផ្ញើ ដល់មន្ត្រីនគរបាលត្រូវសហការទប់ស្កាត់បទល្មើស គ្រប់ប្រភេទ ដើម្បីធានាអោយបាននូវគោលនយោបាយភូមិឃុំមានសុវត្ថិភាព មន្ត្រីនគរបាលតាមប៉ុស្តិ៍នីមួយៗត្រូវខិតខំធ្វើកាងារជូនប្រជាពលរដ្ឋ ពេលណាដែលពួកគាត់មានរឿងមកប្តឹងមិនត្រូវរងចាំលុយជាធំ និងមន្ត្រីនគរបាលចរាចរណ៍ទាំងអស់មិនអនុញ្ញាតឲ្យធ្វើបាបប្រជាពលរដ្ឋ ឡើយ ហើយបើផាកពិន័យ ត្រូវធ្វើទៅតាមផ្លូវច្បាប់ ផាកត្រូវចេញប័ណ្ណផាកជូនដល់ពួកគាត់ មិនត្រូវឃុបឃិតគ្នាយកលុយដោយមិនសសេរប័ណ្ណផាកនោះទេ៕
