ឧត្តរមានជ័យ៖ កាលពីវេលាម៉ោង៨និង២០នាទីថ្ងៃទី២៣ ខែកញ្ញា ឆ្នាំ២០១៥ កម្លាំងកងរាជអាវុធហត្ថខេត្តឧត្តរមានជ័យ ចំនួន៤០នាក់ដឹកនាំដោយឯកឧត្តម ចាន់ យូសាន់ ចុះជួយរុះរើនឹងតម្រង់ផ្ទះជូនប្រជាពលរដ្ឋ២ខ្នងស្ថិតនៅក្នុងភូមិពុរនិងភូមិគោករំដួលសង្កាត់សំរោង ក្រុង
សំរោង ខេត្តឧត្តរមានជ័យ។ផ្ទះទី១ទំហំ៧ម៉ែត្រគុណ៩ម៉ែត្រប្រក់ក្បឿងខូចខាតទាំងស្រុង ជាកម្មសិទ្ធឈ្មោះមាស សុខឿន ភេទប្រុសអាយុ៥៧ឆ្នាំជាយោធានៃកងពលតូចអន្តរាគមន៍លេខ៦នៅក្នុងភូមិពុរ ផ្ទះទី២ទំហំ៥ម៉ែត្រគុណ៧ម៉ែត្រប្រក់សង្កសី ជាកម្មសិទ្ធឈ្មោះប្រាក់ ប៊ុនហេង ភេទប្រុសអាយុ៥២ឆ្នាំ ដែលត្រេតនឹងតម្រងឡើងវិញ ស្ថិតនៅក្នុងភូមិគោករំដួល ហើយនៅផ្ទះជាច្រើនទៀត កម្លាំងកងរាជអាវុធហត្ថខេត្ត នឹងចុះជួយធ្វើជាបន្តបន្ទាប់៕
