ខេត្តបន្ទាយមានជ័យ៖ នៅក្នុងសេចក្ដីជូនដំណឹងរបស់សាខាគយនិងរដ្ឋាករខេត្តបន្ទាយមានជ័យបានជម្រាបជូនដំណឹង ដល់សាធារណៈជន ដែលជាម្ចាស់យានយន្ត មិនទាន់បានបង់ពន្ធ និងអាករ ជូនរដ្ឋសូមឲ្យចូលមកបង់ពន្ធ ដោយស្ម័គ្រចិត្ត ដែលការបង់ពន្ធនេះបានចាប់
ផ្ដើមតាំងពីថ្ងៃទី១០ខែសីហា ឆ្នាំ២០១៥ កន្លងមក ម្លេះដើម្បីទទួលបានការពិន័យអនុគ្រោះ។សេចក្ដីជូនដំណឹងខាងលើ នេះបានបន្តថា សាធារណៈជន ដែលមានបំណងបង់ពន្ធ និងអាករ ដោយស្ម័គ្រចិត្ត សូមចូលមកបំពេញ បែបបទនៅ សាខាគយ និងរដ្ឋាករ ខេត្តបន្ទាយមានជ័យនិងការរិយាល័យគយ និងរដ្ឋាករ និងការរិយាល័យជាច្រើនកន្លែងទៀតនៅក្នុងទូទាំងខេត្តបន្ទាយមានជ័យនេះ ដោយម្ចាស់យានយន្ត ត្រូវអមជាមួយនូវ អត្តសញ្ញាណប័ណ្ណ ឬលិខិតបញ្ជាក់ទទួលស្គាល់ កម្មសិទ្ធយានយន្តពី អាជ្ញាធមូលដ្ឋាន។បើតាមសេចក្ដីជូនដំណឹង របស់សាខាគយ និងរដ្ឋាករ ខេត្តបន្ទាយមានជ័យខាងលើ ក៏បានធ្វើការអំពាវនាវឲ្យម្ចាស់យានយន្តគ្មានពន្ធ ទាំងអស់ត្រូវរួសរាន់ចូលមកបង់ពន្ធ និងអាករឲ្យបានឆាប់បំផុតព្រោះការផ្ដល់នូវ ពិន័យអនុគ្រោះមានរយៈពេលកំណត់ ។ការខកខានមិនបានចូលខ្លួនមកបង់ពន្ធ និងអាករ ដោយស្ម័គ្រចិត្ត វាអាចនិងបណ្ដាលឲ្យ ម្ចាស់យានយន្តគ្មានពន្ធទាំងអស់ ខាតបង់ដោយសារ កម្រិត ប្រាក់ពិន័យកាន់តែកើនឡើងជា លំដាប់ និងការខាតបង់ផ្សេងៗទៀត ជាយថាហេតុ នៅពេលដែលចាប់ផ្ដើមបង្ក្រាប តាមដងផ្លូវ បន្ទាប់ពីផុតការបរិច្ឆេទនៃការអនុគ្រោះនេះ៕
