ខេត្តពោធិ៍សាត់៖ ខុសគ្នារយះពេលតែជាងបួនម៉ោងសោះមានករណីកើតមានអំពើហឹង្សាដល់ទៅករណីនៅក្នុងស្រុកពីផ្សេងគ្នា ដោយមូលហេតុតែម្យ៉ាងគឺផឹកស៊ីស្រវឹងចាប់ផ្ដើមមានអំនួតដាក់គ្នារៀងខ្លួន ក៍ម្ខាងខ្លាយជាជនរងគ្រោះនិងម្ខាងទៀតខ្លាយជាទោសទាន់ប្រឈមនិងផ្លូវច្បាប់
ទៅរស់នៅក្នុងគុក។បើតាមលោក ធៀង ឡេង អធិកានគរបាលស្រុកវាលវែងបានប្រាប់អ្នកយកព័ម៍មានថា នៅថ្ងៃទី២២ ខែកញ្ញា ឆ្នាំ២០១៥ វេលាម៉ោង៣និង៥០នាទី មានករណីហិង្សាដោយចេតនាមួយបានកើតឡើងនៅចំណុចចម្ការចេក ភូមិសំឡាញ ឃុំក្រពើពីរ ដែលបង្កឡើងដោយឈ្មោះ ឡុច ឡូ ហៅក្លូ ភេទប្រុស អាយុ៣៨ឆ្នាំ រស់នៅភូមិ/ឃុំខាងលើ គឺបានវាយទៅលើឈ្មោះ ហ៊ុយ ហ៊ាន ភេទប្រុស អាយុ៣៥ឆ្នាំ ដែលរស់នៅភូមិ/ឃុំខាងលើ ធ្វើឲ្យរងរបួស។
លោកអធិកាបន្តថាបើតាមកំលាំងនគរបាលប៉ុស្ត៍រដ្ឋបាលលោកចុះដល់ទីតាំងកើតហេតុដើម្បីស្រាវជ្រៀវនិងឃាត់ខ្លួននោះឲ្យដឹងថា មូលហេតុដែលនាំឲ្យកើតមានអំពើហិង្សានេះ គឺមកពីការនាំគ្នាផឹកស៊ី លុះដលពេលស្រវឹងរវាងជនសង្ស័យនិងជនរងគ្រោះ ក៍ចាប់ផ្ដើមអួតយកឈ្នះរៀងខ្លួន ធ្វើឲ្យជនដៃដល់អត់ទ្រាំមិនបានក៍បានប្រើអំពើហឹង្សាទៅលើជនរងគ្រោះឲ្យរងរបួសតែម្ដង។ ក្រោយពីមានហេតុការណ៍នេះភ្លាមកំលាំងនគរបាលប៉ុស្ត៍ក៍ចុះឃាត់ខ្លួនជនសង្ស័យទៅកាន់អធិការដ្ឋាននគរបាលស្រុកវាលវែង ដើម្បីកសាងសំណុំរឿងបញ្ជូនទៅតុលាការដើម្បីចាត់ការតាមនីតិវិធីច្បាប់។ករណីអំពើហឹង្សាផ្ដើមពីផឹកស្រាស្រវឹងនេះកើតមាននៅស្រុកវាលវែងនេះទើមតែរូចបានប្រមាណជាជាងបួនម៉ោងក៍កើតមានមួយករណីទៀត បើតាមលោក យឿន មន្ត្រីនគរបាលស្រុកបាកានបានឲ្យដឹងថា មានអំពើហិង្សាមួយបានកើតឡើងនៅវេលាម៉ោង៦និង៣០នាទីយប់ ថ្ងៃទី២២ ខែកញ្ញា ឆ្នាំ២០១៥ ក្នុងភូមិក្រោលក្របី ឃុំត្រពាំងជង ស្រុកបាកាន ខេត្តពោធិ៍សាត់ ដែលបង្កឡើងដោយជនសង្ស័យឈ្មោះ កែវ សុផល ហៅសឿន ភេទប្រុស អាយុ៥៦ឆ្នាំ រស់នៅភូមិ/ឃុំកើតហេតុខាងលើ។ ដោយបានទាញដែកច្រត់របស់ជនរងគ្រោះឈ្មោះ ឡុង សែ អាយុ៤៨ឆ្នាំ ជាជនពិការជើងខាងស្តាំ បានវាយចំត្រង់ក្បាលបណ្ដាលឲ្យបែកក្បាលរងរបួសធ្ងន់ ហើយត្រូវបានបញ្ជូនទៅកាន់មណ្ឌលសុខភាពនៅឃុំបឹងខ្នារ ស្រុកបាកាន ខេត្តពោធិ៍សាត់ ដោយក្រោយពីធ្វើសកម្មភាពនេះភ្លាមៗដែរ នគរបាលខាងឃុំត្រពាំងជងក៏បានឃាត់ខ្លួនជនបង្ក ដើម្បីបញ្ជូនទៅតុលាកា ដែលករណីនេះបង្កឡើងដោយសារការផឹកស៊ីទាស់សម្តីគ្នា ។
បើតាមលោក សាង ផលបុណ្យ ប្រធានមន្ទីរបង្អែកស្រុកបាកានបានប្រាប់ឲ្យដឹងនៅវេលាម៉ោង១០ព្រឹក ថ្ងៃទី២៣ ខែកញ្ញា ឆ្នាំ២០១៥នេះថា ជនរងគ្រោះត្រូវបានជនបង្កវាយរយះក្បាលដេរចំនួន៦ថ្នេរ តែសំណាងល្អហើយដែលត្រូវបានដឹកយកទៅមន្ទីរពេទ្យទាន់ពេល កុំអីអាចប៉ះពាល់ដល់ក្បាលធ្ងន់ធ្ងរខ្លាំងជាងនេះទៀត៕
