ខេត្តឧត្តរមានជយ័៖របាំងថ្មឡើងភ្នំច្រកជាំសាងាំប្រវែង260ម៉ែត្រដែលមានកំពស់1.2ម៉ែត្រត្រូវបានបើកការដ្ឋានសាងសង់កាលពីព្រឹកថ្ងៃទី23.09.2015ក្រោមអធិបតីភាពលោកសថាវីអភិបាលខេត្តឧត្តរមានជយ័រួមជាមួយមន្ត្រីរាជការកងកំលាំងប្រដាប់អាវុធ ប្រជាពលរដ្ឋក្នុង
ខេត្តយ៉ាងច្រើនកុះករ។នៅក្នុងពិធីនោះក៏មានរៀបចំពិធីសំណេះសំណាលជាមួយប្រជាពលរដ្ឋ ពិធីបញ្ចុះបឋមសិលា ពិធីរាប់បាត្រព្រះសង្ឃចំនួន108អង្គនិងពិធីដាំដើមឈើផងដែរ។
បើតាមរបាយការណ៏របស់លោកប្រធានមន្ទីរសាធារណការនិងដឹកជញ្ជូនខេត្តឧត្តរមានជយ័បានអោយដឹងថាៈការសាងសង់របាំងថ្មឡើងភ្នំច្រកជាំសាងាំនេះគឺគឺបន្ទាប់ពីមានករណីគ្រោះថ្នាក់ចរាចរណ៏មួយបានកើតឡើងបណ្តាលមនុស្សស្លាប់និងរបួសជាច្រើននាក់។ហើយការសាងសង់របាំងថ្មនេះគឺមានការសិក្សាពីគណះកម្មការអន្តរក្រសួងរួមជាមួយអជ្ញាធរខេត្ត ហើយរបាំងថ្មនេះមានប្រវែង260ម៉ែត្រ កំពស់1.2តឹកនិងកំរាស់3តឹកផងដែរ។
លោកសថាវីនៅក្នុងឱកាសនោះបានមានប្រសាសន៏ថាៈជំនួសមុខអោយប្រជាពលរដ្ឋនៅក្នុងខេត្តក៏ដូចជាប្រជាពលរដ្ឋខ្មែរទាំងមូលលោកសំដែងនូវក្តីមោទនភាពភាពក្រៃលែងដែលថ្ងៃនេះយើងទាំងអស់គ្នាបានមកជួបជុំប្រារព្វពិធីដ៏មានសារះសំខាន់ ដើម្បីបញ្ជៀសការគ្រោះថ្នាក់ចរាចរណ៏ផ្សេងៗដែលតែងកើតមានឡើងជាយថាហេតុធ្វើអោយបាត់បង់អាយុជីវិតនិងរងរបួសប្រជាពលរដ្ឋដែលឆ្លងកាត់ទីនេះជាញឹកញាប់។លោកសថាវីក៏បានថ្លែងអំណរគុណយ៉ាងជ្រាលជ្រៅចំពោះសប្បុរសជននានាដែលបានចូលរួមសាងសង់របាំងថ្មនេះដែលនេះសបញ្ជាក់អោយឃើញពីការចូលរួមចំណែកកសាងប្រទេសជាតិស្របតាមទិសដៅប្រមុខរាជរដ្ឋាភិបាល ដែលមានសម្តេចតេជោជានាយករដ្ឋមន្ត្រី។លោកសថាវីបានគូសបញ្ជាក់បន្ថែមទៀតថា កន្ងងមកបងប្អូនប្រជាពលរដ្ឋយើងដែលធ្ធើដំណើរឆ្លងកាត់លើផ្លូវនេះតែងមានអារម្មណ៏ភយ័ខ្លាច បន្ទាប់ពីការសាងសង់របាំងថ្មនេះរួចលោកជឿជាក់ថានិងអាចកាត់បន្ថយការភយ័ខ្លាចនិងការគ្រោះថ្នាក់ចរាចរណ៏បានមួយកំរិតធំផងដែរ ទន្ទឹមនិងនោះអ្នកបើកបរគួរមានការប្រុងប្រយត្ន័ផង។
លោកសថាវីបានបន្តទៀតថាៈរាជរដ្ឋាភិបាលកម្ពុជាក៏ដូចជាអជ្ញាធរខេត្តកសាងសមិទ្ធិផលផ្សេងៗមិនដែលសន្យានោះទេ គឺត្រូវធ្វើគឺធ្វើភ្លាមដូចដែលបងប្អូនប្រជាពលរដ្ឋបានឃើញស្រាប់។នៅក្នុងឱកាសនោះលោកសថាវីក៏បានអញ្ជើញចែកអំណោយជាសារុងដែលជាអំណោយដ៏ថ្លៃថ្លារបស់សម្តេចតេជោហ៊ុនសែននិងសម្តេចកិត្តិព្រឹទ្ធបណ្ធិតប៊ុនរ៉ានីហ៊ុនសែនដល់ប្រជាពលរដ្ឋចូលរួមចំនួន500នាក់ដោយក្នុងម្នាក់ៗទទួលបានសារុងមួយផងដែរ។ហើយលោកសថាវីរួមនិងប្រតិភូអមដំណើរបានអញ្ជើញចូលរួមក្រុងពាលីសូត្រមន្តបញ្ចុះបឋមសិលាសាងសង់របាំងថ្ម រាប់បាត្រព្រះសង្ឃចំនួន108អង្គនិងដាំដើមឈើផងដែរ៕
