ខេត្តកំពង់ឆ្នាំង៖ ប្រជាពលរដ្ឋជាអ្នកធ្វើដំណើរនៅក្នុងក្រុងកំពង់ឆ្នាំងបានរិះគន់និងត្អូញត្អែរអំពីការធ្វើចរា ចរណ៍ចង្អៀត និងកកស្ទះផ្លូវមុខផ្សារឆ្នាំង ក្នុងសង្កាត់ផ្សារឆ្នាំង ក្រុងកំពង់ឆ្នាំជារៀងរាល់ថ្ងៃ ពិសេសគឺថ្ងៃមានបុណ្យទាន និងថ្ងៃសីល ដោយសារតែអាជីវករលក់ដូរឥតសណ្តាប់ធ្នាប់ នៅតាមដងផ្លូវទាំងសងខាង នៅមុខផ្សារឆ្នាំង និងខាងជួរដើមស្រល់ ដោយនាំគ្នាបានយកដីផ្លូវធ្វើជាកន្លែងលក់ដូរអស់ទៅហើយ រឿងនេះ ប្រជាពលរដ្ឋបានសំណូម លោកអភិបាលក្រុងកំពង់ឆ្នាំង លោកស្នងការនគរបាលខេត្ត និងលោកអភិបាលខេត្ត ជួយដោះស្រាយផ្លូវចំណុចខាងលើនេះ ដើម្បីកុំអោយស្ទះចរាចរណ៍ផង និងកុំអោយខ្មាស់ភ្ញៀវទេសចរណ៍បរទេស ដែលតែងតែឈប់កប៉ាល់នៅមាត់ទន្លេផ្សារក្រោម ដើរមកកំសាន្តក្នុងតំបន់នេះ។
នៅព្រឹកថ្ងៃទី២៤ ខែកញ្ញា ឆ្នាំ២០១៥នេះ ប្រជាពលរដ្ឋបាននិយាយអោយដឹងថា៖ កន្លងមកគាត់បានឃើញខាងសាលាក្រុងកំពង់ឆ្នាំង វាស់ដីជាប់ចំ ណីផ្លូវមុខផ្សារឆ្នាំងលក់អោយអាជិវករជារៀងរាល់ឆ្នាំ នៅពេលខែទឹកឡើង ប៉ុន្តែមិនបានយកចិត្តទុកដាក់លើបញ្ហាការកកស្ទះចរាចរណ៏ឡើយ។ បញ្ហានេះធ្វើបងប្អូនអាជីវករអ្នកលក់ដូរតាមរាន តាមកញ្ជើ កញ្ច្រែ ងផ្ទាល់ដី បានដាក់លក់ចូលមកលើចិញ្ចើមផ្លូវម្ខាងបន្តិចៗធ្វើអោយផ្លូវរួមតូច បូកផ្សំអ្នករត់ម៉ូតូឌុបឈប់ចាំម៉ូយនៅមុខផ្សារទៀតផងនោះ គឺចង់អស់ផ្លូវធ្វើចរា ចរណ៍ទៅហើយ ។ជាញឹកញាប់រាល់ថ្ងៃពេលមានរថយន្តឈប់លើកដាក់ដាក់ទំនិញតាមដងផ្លូវ និងនៅមុខផ្សារឆ្នាំងចំណុចនេះ គឺ
ពិតជាមានកកស្ទះចរាចរណ៍រាប់ម៉ោងជាពុំខាន។ពេលខែមានបុណ្យទាន ចូលឆ្នាំខែ្មរ ចូលឆ្នាំចិន រដូវកាន់បិណ្ឌ និងបុណ្យភ្ជុំបិណ្ឌជាដើម អ្នកធ្វើដំណើរបានធុនទ្រាន់គ្រប់ៗគ្នា ដែលផ្លូវមានប្រវែងប្រមាណតែ៥០០ម៉ែត្រមុខផ្សារឆ្នាំងតែប៉ុណ្ណោះ ពេលខ្លះត្រូវធ្វើដំណើរ១ម៉ោងក៏មាន អ្នកខ្លះខ្យល់គរដួដសន្លប់ទៀតផងព្រោះតែស្ទះចរាចរណ៍នៅចំណុចនេះ។
អាជីវករលក់ដូរលើផ្លូវនោះបាននិយាយអោយដឹងដែរថា៖តាមពិតអាជ្ញាធរក្រុងបានវាស់ម៉ែត្រលក់
អោយធ្វើតូបលក់ដូរ គឺពីច្រាំងទន្លេចិញ្ចើមផ្លូវចូលទៅក្នុងទឹក ប៉ុន្តែអាជីវករទាំងនោះបាននាំគ្នាយកទំនិញ របស់ខ្លួន មកដាក់លក់នៅមុខតូបហៀរមកលើផ្លូវទៀត ព្រោះតែចង់លក់ដូរអោយដាច់រៀងៗខ្លួន បើធ្វើតាមការកំណត់របស់អាជ្ញាធរក្រុង នាំគ្នាដាក់ឥវ៉ាន់លក់ត្រឹមជួរដើមស្រស់នោះ ក៏មិនស្ទះចរាចរណ៍ដែរ។
បញ្ហានេះប្រជាពលរដ្ឋបានសំណូមពរដល់ អាជ្ញាធរក្រុងកំពង់ឆ្នាំង លោកស្នងការនគរបាលខេត្តលោកអភិបាលខេត្ត ជួយរៀបចំសណ្តាប់ធ្នាប់សម្រួលការលក់ដូរលើផ្លូវមុខផ្សារឆ្នាំងនេះកុំអោយកកស្ទះចរាចរណ៍ផង និងសំណូមពរឈូសអាចម៏ដីដែលកកជាប់លើចិញ្ចើមផ្លូវផ្លូវកៅស៊ូមុខផ្សារឆ្នាំងនេះចេញ ដើម្បីកំណត់ដីចំណីផ្លូវសំរាប់ធ្វើចរាចរណ៍អោយបាច្បាស់លាស់ ទើបអាចសម្រួលការកកស្ទះចរាចរណ៏ជារៀងរាល់ថ្ងៃនៅចំណុចនេះបាន៕
