កំពង់ធំ=កាលពីថ្ងៃទី ២៥ ខែកញ្ញា ឆ្នាំ២០១៥ វេលាម៉ោង ១១ និង០៥នាទី មាននារីម្នាក់ឈ្មោះជុំ លាប អាយុ២៨ឆ្នាំ រស់នៅភូមិប្រឡាយ ឃុំប្រឡាយ ស្រុកស្ទោង ខេត្តកំពង់ធំ មានអាការះមិនស្រួលខ្លួនក៏ធ្វើដំណើរទៅរកគ្រូពេទ្យ ស្រាប់មកដល់ផ្ទះពេទ្យ មាន យីហោ ឈ្មោះ ហោមី 
ទីតាំងនៅចំនុច ភូមិ កំពង់ក្ដី ឃុំកំពង់ចិនត្បូង ស្រុកស្ទោង ខេត្តកំពង់ធំ ក៏ចូលទៅអោយ គ្រូពេទ្យឈ្មោះ អាំង វិទូ ពិនិត្យ ។
បើតាមប្រភពពត័មានពីកន្លែងកើតហេតុ បានអោយដឹងថា គ្រូពេទ្យឈ្មោះ អាំង វិទូនេះបានចាក់ថ្នាំ ២ម្ជុលត្រង់ត្រកៀក ខាងឈ្វេងអ្នករងគ្រោះក៏ស្រែកថាចុក ណាស់ ស្រាប់តែប្រកាច់ភ្លាមៗ ពេលនោះគ្រូពេទ្យ អាំង វិទូ បានព្យួរសេរ៉ូម អោយ ២ កំប្លោក ហើយបញ្ចូលទៅមន្ទីរពេទ្យ បង្អែក ស្រុកស្ទោង មិនទាន់ទាំងដល់ផងក៏ដាច់ខ្យល់ស្លាប់តាមផ្លូវទៅ។
ក្រោយ មក លោកគ្រូពេទ្យ អាំង វិទូបានបិតទ្វា តូប រួចក៏ដាក់មេប្រូច រត់បាតខ្លួនតែម្ដង បើតាមនគរបាល ប៉ុស្ដិបាននិយាយថាមិនមែនជារឿងលើកទី១ទេ គឺច្រើនលើកមកហើយនៅក្នុងស្រុកស្ទោង ជាពិសេស ពេទ្យនៅតរង់ម្ដុំផ្សារស្ទោង ពុំបានឆ្លងកាតសាលាពេទ្យ នោះទេគឺ ជាពេទ្យដែលធ្លាប់ធ្វើជាពេទ្យទាហ៊ាន ខែ្មរក្រហម ប៉ុន្ដែរ ពេទ្យ អាំង វិទូនេះជាគ្រូពេទ្យ វ័យក្មេង ដោយគេសង្ស័យថាគាត់មិនមែនប្រលងជាប់ពេទ្យទេ គឺទិញឈ្មោះរបស់គេ ដើម្បីក្លាយជាពេទ្យស្របច្បាប់។
បើតាមសំម្ដី របស់លោក យ៉ង សំ អធិការស្រុកស្ទោង បានអោយដឹងថា អ្នកជំងឺមានរោគ បេះដូងខ្សោយ និងមានអាការះធ្ងន់ធ្ងរ ទៅហើយ ក្នុងនោះក៏មានលិខិតពេទ្យបញ្ចាក់ថាពិតជាមានជំបេះដូងខ្សោយដំណាក់កាលចុងក្រោយផងដែរ៕ប៊ុន រិទ្ធី 
