សៀមរាប៖ក្រុមអាជីវករប្រុសស្រី ប្រមាណជាង១០០នាក់ ដែលលក់ដូរក្នុងផ្សារសសរស្តម្ភ បានលើកគ្នាតវ៉ាប្រឆាំង និងការលើកគំរោងសាងសង់សាលាមត្តេយ្យ ដែលគ្រោងសង់លើទីតាំងផ្សារ របស់អាជ្ញាធរ។ ការប្រឆាំងនេះគឺ បន្ទាប់ពីគ្រោងរុះរើផ្សារចាស់(ផ្សាររដ្ឋ)ឲ្យទៅលក់ក្នុងផ្សារថ្មី(ផ្សារ
ឯកជន)។
ហេតុការណ៏នេះ បានកើតឡើងនាព្រឹកថ្ងៃទី២៨ខែកញ្ញាឆ្នាំ២០១៥ នៅបរិវេណផ្សារ ភូមិនិងឃុំសសរស្តម្ភ ស្រុកពួកខេត្តសៀមរាប។
ក្រុមអាជីវករបានអះអាងថា ផ្សារនេះមានអាយុកាលតាំងពីឆ្នាំ១៩៧៩មកម្លេះ ដែលទីតាំងនេះជាដីរបដ់រដ្ឋ។ នៅព្រឹកទី២៨ខែកញ្ញានេះ នៅសុខៗអាជ្ញាធរឃុំ ស្រុក អមដោយសមត្ថកិច្ចចម្រុះ ស្រាប់តែមកលើកគំរោង សាងសង់សាលាមត្តេយ្យនៅលើទីតាំងផ្សារនេះទៅវិញ ហើយតម្រូវឲ្យពួកគាត់ចាកចេញ ពីផ្សារនេះទៅលក់លើផ្សារឯកជន ដែលជាផ្សាររបស់លោកមេឃុំទើបសាងសង់ថ្មី។
ទោះបីយ៉ាងណា គំរោងសាងសង់សាលាមត្តេយ្យ បានទម្លាក់ចុះទៅវិញ ក្រោយមានការតវ៉ាប្រឆាំងរបស់ក្រុមអាជីវករ។ ក្រុមអាជីវករ បញ្ជាក់ថា ទោះបីត្រូវឆ្លងកាត់ដល់សម្តេចតេជោ ក៏ពួកគាត់មិនចាកចេញពីផ្សារចាស់ ដែលជាផ្សាររបស់រដ្ឋជាដាច់ខាត
៕ខេង ឧត្តម
