ខេត្តសៀមរាប៖ ជំងឺមហារីកក្រពេញប្រូស្តាតជាជំងឺដែលកើតទៅលើតែបុរស និងជាពិសេសបុរសមានវ័យ៤០ឆ្នាំឡើងទៅជួប ប្រឈមនឹងជម្ងឺនេះច្រើនហើយដែលគាត់មិនសូវបានគិតគូនិងយកចិត្តទុកដាក់ជាមួយវា។វាគឺជាជំងឺមួយប្រភេទដែលសម្លាប់បុរសមួយថ្ងៃៗប្រមាណ១៣០០
នាក់។ជារៀងរាល់ឆ្នាំ១ក្នុងចំណោម៩នាក់អាចមានឱកាសវីវដ្តនៃជំងឺ។ដំណាក់កាលដំបូងអ្នកជម្ងឺមិនមានរោគសញ្ញាអ្វីឡើយតែដំណាក់កាលជាបន្តបន្ទាប់អ្នកជម្ងឺអាចនឹងមានបញ្ហាជាមួយនឹងការបត់ជើងតូចមានការលំបាកនិងញឹកញាប់ទឹកម៉ូតមានឈាមមានការឈឺចាប់និងការរំខានផ្សេងៗក្នុងជីវិតប្រចាំថ្ងៃ។នេះបើតាមការលើក
ឡើងរបស់ លោក ឆាលីអ្នកផ្តើមគំនិតបង្កើតកម្មវិធីនេះឡើងសម្រាប់ខេត្តសៀមរាប។
លោកថា៖កម្មវិធីជិះម៉ូតូធំតាមដងផ្លូវគ្រាន់តែជាសារជួយដាស់តឿនបុរសៗនិងសាធារណៈជនទូទៅឱ្យយកចិត្តទុកដាក់និងចាប់អារម្មណ៍ជាមួយនឹងបញ្ហាប្រឈមទៅនឹងជំងឺមហារីកប្រូស្តាត។នេះជាលើកទី១សម្រាប់ខេត្តសៀមរាបតែវាបាននឹងកំពុងធ្វើនៅប្រទេសផ្សេងៗនៅលើពិភពលោកម្យ៉ាងទៀតយុទ្ឋនាការនេះធ្វើឡើងក្នុងគោលបំណងបង្កើនការយល់ដឹងអំពីជម្ងឺនេះព្រោះថាមិនសូវមានការចាប់អារម្មណ៍នៅឡើយទេជាមួយវា ។លោកឆាលី បញ្ជាក់ថា៖តាមរយៈយុទ្ឋនាការនេះ លោកនឹងរៃអង្គាសថវិកាពីសប្បុរសជនគ្រប់ជាតិសាសន៍ដើម្បីយកមកព្យាបាលដល់អ្នកដែលមានជំងឺនេះផងដែរ។ ព្រោះថាជំងឺនេះវាមានគ្រោះថ្នាក់ តែគេអាចដឹងរោគសញ្ញាតាមការជួសឈាមនិងអាចព្យាបាលជាសះស្បើយ។
លោកបាននឹងកំពុងគិតនិងរកវីធីដោយធ្វើការផ្សព្វផ្សាយតាមប្រពន្ឋ័ពត៌មានជាតិនិងអន្តរជាតិនិងតាមស្ថាប៍នអង្គការនិងសណ្ឋាគារមួយចំនួនដើម្បីផ្សព្វផ្សាយនិងស្វែងរកថវិកាសប្បុរសធម៌សម្រាប់ព្យាបាលដល់អ្នកកើតជំងឺមហារីកប្រូស្តាត។ពីរបីខែខាងមុខ ក្រុមលោកនឹងបង្កើត គ្លិនីកតូចមួយ ដើម្បីធ្វើរោគវិនិច្ឆ័យ។ បច្ចុប្បន្នយើងបាននឹងកំពុងស្វែងរកកិច្ចសហការពីមន្ទីរពេទ្យ និងគ្លិនិកឯកជនមួយចំនួនដើម្បីបានទទួលលទ្ឋភាពក្នុងការធ្វើរោគវិនិច្ឆ័យជាមួយជំងឺនេះ ហើយប្រជាពលរដ្ឋមកទទួលការពិនិត្យនិងព្យាបាលដោយឥតគិតថ្លៃ៕ 
