ស្ទឹងត្រែង៖បុរសម្នាក់ត្រូវបានប្រជាពលរដ្ឋប្រទះឃើញអណ្តែតទឹកក្នុងទន្លេសេកុងកាលពីរសៀលថ្ងៃទី២៧ខែកញ្ញាឆ្នាំ២០១៥ដោយមិនដឹងពីមូលហេតុ ក្រោមការស៊ើអង្កេតរបស់សមត្ថកិច្ចទើបដឹថា បុរសនេះ បានលែងប្រពន្ធ ហើយជិះទូកទៅសុំប្រពន្ធជាគ្នាវិញ តែប្រពន្ធមិនព្រមជិះ ទូក
មកវិញស្លាបចក្រជាប់មងចុះទៅដោះ ទាំងស្ថានភាពស្រវឹងក៏ត្រូវលុងទឹកស្លាប់តែម្តង។
ហេតុការបុរសដែលលុងទឹកស្លាប់ នេះបានកើតឡើងកាលពីថ្ងៃទី២៦ខែកញ្ញាឆ្នាំ២០១៥ក្នុងដងទន្លេសេកុង ស្ថិតក្នុងភូមិកែញ៉ៃ ឃុំសេកុង ស្រុកសៀមប៉ាង ខេត្តស្ទឹងត្រែង។
សមត្ថកិច្ចបានអោយដឹងថាជនរងគ្រោះមានឈ្មោះសំ ប៉ក ភេទប្រុស អាយុ៥២ឆ្នាំ និងប្រពន្ធឈ្មោះភុក លី អាយុ៣២ឆ្នាំ រួមទាំងកូន ប្រុស២នាក់ ស្រី២នាក់និងមានទីលំនៅក្នុងភូមិ កែញ៉ៃ ឃុំសេកុង ស្រុកសៀមប៉ាង ខេត្តស្ទឹងត្រែង។
សមត្ថកិច្ចបានបន្តអោយដឹងទៀតថា បុរសរងគ្រោះបានលែងលះប្រពន្ធអស់មួយរយះហើយនៅថ្ងៃកើតហេតុជនរងគ្រោះបានស៊ីផឹងស្រវឹងយ៉ាងខ្លាំង ហើយនិយាយប្រាប់គេថា ខ្លួនមានអារម្មណ៍នឹកប្រពន្ធ ពេលនោះជនរងគ្រោះបានជិះទូក ទៅផ្ទះម្តាយក្មេចដែលប្រពន្ធគេទៅរស់នៅ ទាំងស្ថានភាពស្រវឹង ពេលដែលនិយាយជាមួយប្រពន្ធមិនត្រូវរូវគ្នា គេក៏បានជិះទូកត្រឡប់មកវិញ។
សមត្ថកិច្ចបន្តថាដោយសារជនរងគ្រោះបើកទូកក្នុងស្ថានភាពស្រវឹងផងនោះ បានបើកទៅទាក់និងមងធ្វើអោយស្លាបចក្ររុំទៅនិងមង មិនអាចទៅមុខបានក៏ចុះដោះ ធ្វើបុរស់នោះលុងទឹកស្លាប់តែម្តង។ក្រោយពីបាត់អស់មួយយប់ ស្អែកឡើងត្រូវបានប្រជាពលរដ្ឋជិះទូក ប្រទះឃើញអណ្តែកទឹកក្នុងទន្លេសេកុង ត្រង់ចំណុចកោះត្បែង (ញ៉ឺន) ក្នុងស្រុកសេសាន។ត្រូវបានប្រជាពលររាយការណ៍អោយចុះពិនិតមើលស្រាវជ្រាវទើបដឹងពីមូលហេតុរបស់ជនរគ្រោះខាងលើ។
ជនរងគ្រោះក្រោយការពិនិតរបស់សមត្ថកិច្ចឃើញថាពិតជាស្លាប់ដោយសារលុងទឹកពិតប្រាកដមែន សាកសពត្រូវបានប្រគល់អោយក្រុមគ្រួសារយកទៅធ្វើបុណ្យតាមប្រពៃណី៕
