សៀមរាប៖កម្លាំងនគរបាលព្រហ្មទណ្ឌកំរិតស្រាលនៃស្នងការខេត្តសៀមរាបដឹកនាំដោយអនុការិយាល័យបានសហការជាមួយនគរបាលក្រុងនិងសង្កាត់សាលាកំរើកធ្វើការបង្ក្រាបបានចោលួចដ៍សកម្មម្នាក់។
អនុប្រធានការិយាល័យនគរបាលព្រហ្មទណ្ឌកំរិតស្រាលលោកហុងប៊ុនហាវបានឲ្យដឹងថាប្រតិបត្តិការបង្ក្រាបរហូតឈានទៅចាប់ខ្លួនចោម្នាក់ដ៍សកម្មនេះធ្វើឡើងនៅវេលាម៉ោង១០និង០០នាទីព្រឹកថ្ងៃទី០១ខែឧសភាឆ្នាំ២០១៤ស្ថិតនៅទីតាំងរបស់ជនសង្ស័យតែម្ដងក្នុងភូមិត្រពាំងវែងសង្កាត់សាលាកំរើកក្រុង.ខេត្តសៀមរាប។
មន្ត្រីប៉ូលិសបន្ថែមថាជនសង្ស័យខាងលើត្រូវបានកម្លាំងនគរបាលតាមដានស្រាវជ្រាវ២យប់២ថ្ងៃមកហើយទម្រាំឈានដល់ការចាប់ខ្លួនបាននេះ។ លោកហុងប៊ុនហាវបន្ថែមថាក្រោយពីកម្លាំងនគរបាលធ្វើការតាមដានទៅលើជនសង្ស័ខាងលើនោះស្រាប់តែព្រឹកម៉ិញមុនចាប់ខ្លូនសមត្ថកិច្ចបានប្រទះឃើញជនសង្ស័យកំពុងតែជិះម៉ូតូខណះនោះសមត្ថកិច្ចក៍តាមពីក្រោយរហូតដល់កន្លែងស្នាក់នៅរបស់ជនសង្ស័យតែម្ដងទើបចាប់ខ្លួនបាន។
សមត្ថកិច្ចបញ្ជាក់ថាជនសង្ស័យឈ្មោះសុខសុភ័ក្រអាយុ២៤ឆ្នាំស្រុកកំណើតនៅភូមិពាមក្រៅឃុំកោះស្នាស្រុកស្ទឹងត្រង់ខេត្តកំពង់ចាមបច្ចុប្បន្នមកស្នាក់នៅជាមួយបងដែលនៅយាមដីឲ្យគេនៅខេត្តសៀមរាបក្នុងដីឡូខាងលើ។ក្រោយពីបានចាប់ខ្លួនភ្លាមៗក៍បានរាយការណ៍ទៅតំណាងអយ្យការអមសាលាដំបូងខេត្តលោកសំរិទ្ធសាខុនដើម្បីធ្វើការឆែកឆេនៅក្នុងបរិវេណដីឡូដែលជននេះស្នាកនៅ។
មន្ត្រីនគរបាលនៅកន្លែងកើតហេតុនិយាយថាជនសង្ស័យរូបនេះបានធ្វើកម្មភាពលួចមិនរើសមុខដូចជាលួចម៉ូតូឆក់កាបូបភ្ញៀវឡើងលួចសំភារៈនៅផ្ទះនិងសណ្ឋាគារជាដើម ហើយគោលដៅធំដែលគេធ្វើកម្មភាពគឺនៅខេត្តកំពង់ចាម។
គេធ្វើសកម្មភាពនៅខេត្តកំពង់ចាមហើយគេរត់មកស្នាក់នៅខេត្តសៀមរាបពេលលួចនៅខេត្តសៀមរាបបានគេរត់ទៅនៅកំពង់ចាមប៉ុន្តែសម្រាប់ថ្ងៃចុងក្រោយគេបានធ្វើសកម្មភាពលួចកុំព្យទ័រលេបថប់ពីប្រជាពលរដ្ឋនៅម្តុំវត្តបូណ៌ ហើយត្រូវសមត្ថកិច្ចតាមដាន និងឈានចូលដល់ឃាត់ខ្លួននៅថ្ងៃនេះតែម្តង។
លោកហុងប៊ុនហាវបញ្ជាក់ថាបច្ចុប្ននេះសមត្ថកិច្ចកំពុងតែធ្វើការសាកសួរបន្ថែមដើម្បីបញ្ជូនទៅស្ថាប័នតុលាការអនុវត្តទៅតាមផ្លូវច្បាប់៕
