ខេត្តបន្ទាយមានជ័យ យប់រំលងអាធ្រាត្រថ្ងៃទី២៦ ខែកញ្ញាឆ្នាំ២០១៥នៅចំណុចភូមិសាមគ្គីមានជ័យ សង្កាត់និងក្រុងប៉ោយប៉ែត ខេត្តបន្ទាយមានជ័យ ជនសង្ស័យប្រុសស្រីចំនួន៧នាក់ដែលកំពុងនាំគ្នាចែកចាយនិងជក់គ្រឿងញៀនយ៉ាងសកម្មនោះត្រូវបានកំលាំងកងរាជអាវុហត្ថក្រុងប៉ោយប៉ែតមួយក្រុមដែលដឹកនាំដោយលោកជាដា មេបញ្ជាការកងរាជអាវុធហត្ថក្រុងប៉ោយប៉ែតបានធ្វើការចុះល្បាតនៅពេលយប់ឃាត់ខ្លួនបានជនសង្ស័យម្នាក់មានឈ្មោះ ពៅវាសនា ភេទប្រុស អាយុ២៧ឆ្នាំរស់នៅក្នុងភូមិប្រកជើងធំ ស្រុកគិរីវង្ស ខេត្តតាកែវ ឆែកក្នុងខ្លួនបានឃើញថ្នាំញៀនមួយកូនថង់ថ្លាដោយមានការចង្អុលបង្ហាញរបស់ឈ្មោះវាសនាកំលាំងអាវុធហត្ថបានឃាត់ខ្លួនជនសង្ស័យបានចំនួន៦នាក់បន្ថែនិងបញ្ជូនមកកងរាជអាវុធហត្ថខេត្តដើម្បីធ្វើការសាកសួ។ដោយមានការសង្ស័យទៅលើឈ្មោះសីុមស្រីតូចរស់នៅក្នុងភូមិវត្តតាមឹម ឃុំវត្តតាមឹម ស្រុកសង្កែ ខេត្តបាត់ដំបង យកមកសាកសួហើយឈានដល់ការឆែកផ្ទះ
រស់នៅបណ្តោះអាសន្ននៅក្នុងប៉ោយប៉ែតឈ្មោះសីុមស្រីតូចបានរកឃើញគ្រឿងញៀនប្រភេទយ៉ាម៉ាទឹកកកមានចំនួន៥ថង់តូចនិងរបស់ជក់និងខ្ចប់លក់មួយចំនួនធំ។លោកឧត្តមសេនីយ៍ត្រីឨបូរិន្ទមេបញ្ជាការកងរាជអាវុធហត្ថខេត្តបន្ទាយមានជ័យបាននិយាយថាចំណែកបក្ខពួក៥នាក់ទៀត១មានឈ្មោះ ហ៊ុនលី ប្រុសអាយុ១៨ឆ្នាំ២មានឈ្មោះជារតនាប្រុសអាយុ១៨ឆ្នាំ៣មានឈ្មោះធឿនប៊ុនធាន ប្រុសអាយុ១៦ឆ្នាំ៤មានឈ្មោះដាវសុបិន ប្រុសអាយុ១៧ឆ្នាំ៥មានឈ្មោះចាន់កុសល់ប្រុសអាយុ២៥ឆ្នាំអ្នកទាំង៧នាក់នេះរស់នៅបណ្តោះអាសន្ននៅក្រុងប៉ោយប៉ែត ខេត្តបន្ទាយមានជ័យ។លោកឨបូរិន្ទបានបញ្ជាក់ទៀតថាបើតាមចំលើយសារភាពជនសង្ស័យទាំង៧នាក់នោះរួចមកបាននិយាយប្រាប់កងរាជអាវុធហត្ថថាទាំង៧នាក់ពិកជាបានជួញគ្រឿងញៀនទៅឲ្យមនុស្សផ្សេងជាបន្តបន្ទាប់ទិញក្នុង៥ថ្ងៃម្តងហើយមួយលើកស្មើនិង១០០ដុល្លាហើយបានរំលែកដាក់ថង់តូចៗលក់បន្តពិតប្រាកដ។ដោយមានចំលើយនិងផស្តុតាងទៀតនោះកងរាជអាវុធហត្ថបានកសាងសំនុំរឿងជនសង្ស័យទាំង៧នាក់ទៅសាលាដំបួងខេត្តដើម្បីចាត់ការទៅតាមនិតិវិធីច្បាប់៕
