ខេត្តសៀមរាប៖ និស្សិតប្រុសម្នាក់រៀននៅសកល វិទ្យាល័យ សៅស៍អ៊ីសថ៍ អេសសៀ ត្រូវបាន កម្លាំង នគរបាល ការិយាល័យ ព្រហ្មទណ្ឌកំរិតស្រាល ឃាត់ខ្លួន ពាក់ព័ន្ទ គំរាម បោកគ្រាប់បែក សម្លាប់ សម្ដេច ក្រឡាហោម សខេង កាលពីថ្ងៃទី២៦ខែកញ្ញានេះ តាម ប្រព័ន្ទ បណ្ដាញ ទំនាក់ទំនង សង្គមហ្វេប៊ុក បន្ទាប់ពីសម្តេចក្រឡាហោម ស ខេង បានមកប្រគល់សញ្ញាបត្រដល់ក្រុមនិស្សិតកាលពីព្រឹកថ្ងៃទី២៨ខែកញ្ញាឆ្នាំ២០១៥នៅសាកលវិទ្យាល័យសៅស៍អ៊ីសថ៍ អេសសៀ នៅក្រុងសៀមរាប។
ហេតុការឃាត់ខ្លួនជនសង្ស័យនិស្សិតម្នាក់ដែលបានគំរាម សម្លាប់សម្តេចក្រឡាហោម ស ខេង នេះធ្វើឡើងនៅវេលាម៉ោង១២ថ្ងៃត្រង់ ថ្ងៃទី២៨ខែកញ្ញា ឆ្នាំ២០១៥ ស្ថិតនៅក្នុងសាកល វិទ្យាល័យ សៅស៍អ៊ីសថ៍ អេសសៀ ក្នុងភូមិវត្តបូព៌ សង្កាត់សាលាកំរើក ក្រុងសៀមរាប។
នាយការិយាល័យ នគរបាលព្រហ្មទណ្ឌកំរិតស្រាល នៃស្នងការនគរបាល ខេត្តសៀមរាប លោកវរសេនីយ៍ទោ ភឹង ចិន្ដារ៉េតបានឱ្យដឹងតាមទូរស័ព្ទនៅរសៀលថ្ងៃទី២៩ខែកញ្ញានេះថា ជនសង្ស័យ មានឈ្មោះ តៅ សាវឿន ភេទប្រុស អាយុ ២៦ឆ្នាំ រស់នៅ ភូមិបន្ទាយចាស់ សង្កាត់ ស្លក្រាម ក្រុងសៀមរាប។ ការឃាត់ ខ្លួនជនសង្ស័យនេះ ធ្វើឡើងនៅវេលាម៉ោង១២ថ្ងៃត្រង់ ថ្ងៃទី២៨ខែកញ្ញា ឆ្នាំ២០១៥ ដែលជានិស្សិត រៀននៅក្នុងសាកល វិទ្យាល័យ សៅស៍អ៊ីសថ៍ អេសសៀតែម្ដង។
លោក បានបន្ថែមថា និស្សិត រូបនេះ បាន(coment)នៅក្នុងទំព័រ ហ្វេប៊ុក(Savoeun Rao) របស់ ខ្លួន ដោយសសេរថា (ចាំសម្ដេចមកដល់នាំគ្នារដាក់គ្រាប់បែកឱ្យងាប់ទាំងអស់គ្នារតែម្ដង)។លោកបន្តថា ការបង្ហោះនិង(coment)បានសសេរ នៅថ្ងៃទី ២៦ ខែកញ្ញាឆ្នាំ២០១៥កន្លងមកថ្មីៗនេះ ។
សូមបញ្ជាក់ថា កាលពីម្សិលម្សិញ ពិធីប្រគល់សញ្ញាបត្រថ្នាក់បរិញ្ញាបត្រជំនាន់ទី៤និងទី៥និងបរិញ្ញាបត្រជាន់ខ្ពស់ជំនាញ់ទី៣នៃសាកលវិទ្យាល័យសៅស៍អ៊ីសថ៌អេយសៀនាព្រឹកថ្ងៃទី២៨ខែកញ្ញាឆ្នាំ២០១៥ ដែលមាននិស្សិតចូលរួមសរុបទាំងអស់ចំនួន១០៨៩នាក់ស្រី៥១៦នាក់ ក្នុងនោះនិស្សិតទទួល សញ្ញាបត្រថ្នាក់បរិញ្ញាបត្រជាន់ខ្ពស់ចំនួន៣១នាក់ ស្រី ៧នាក់ និស្សិត ទទួលថ្នាក់បរិញ្ញាបត្រចំនួន៧៤៤នាក់ក្នុងនោះស្រី៣៥១នាក់ និងនិស្សិតទទួល អាហារូបករណ៍ចំនួន៣១៥នាក់ ស្រី១៥៨នាក់ ក្រោមអធិបតីភាពដ៏ខ្ពង់ខ្ពស់ របស់សម្តេចក្រឡាហោម ស ខេង។
ជនសង្ស័យជានិស្សិតរូបនេះ ត្រូវបានសមត្ថកិច្ចកសាងសំណុំរឿងបញ្ជូនទៅតុលាការ នៅព្រឹកថ្ងៃ ទី២៩កញ្ញាឆ្នាំ២០១៥នេះ ៕
ខេង ឧត្តម
