ខេត្តសៀមរាប ពិធីនេះបានប្រារព្ឋធ្វើនៅវត្តទេព្យប្រណមក្នុងតំបន់អង្គធំកាលពីរាត្រីថ្ងៃពេញបុរមីដែលជាថ្ងៃដាក់បិណ្ឌទី១ ដែលជាលើកដំបូងនិងផ្តួចផ្តើមដោយលោកស្រី កន្ថារ៉ាវីន ការេត ស្ថាបនិកអង្គការមូលនិធិងីនការ៉េតសម្រាប់
កម្ពុជាដោយមានការនិមន្តនិងអញ្ជើញចូលរួមពីព្រះសង្ឃ៣៨អង្គសិល្បៈករសិល្បៈការិនីនៃក្រុមសិល្បៈសក្តសិទ្ឋអង្គរស្រុកបន្ទាយស្រីចំនួន៣០រូបព្រមទាំងវត្តមានអភិបាលស្រុកបន្ទាយស្រីនិងអាជ្ញាធរមូលដ្ឋានប្រជាពុទ្ឋបរិសទ័ជាតិនិងអន្តរជាតិជាច្រើនផងដែរ។ពីគោលបំណងសំខាន់នៃពិធីនេះថាជាពិធីថ្វាយបួងសួងរំលឹកគុណដល់បុព្វបុរសដូនតាខ្មែរដែលបានស្លាប់បាត់បង់ជីវិតជាយូរមកហើយនិងជាពិសេសរំលឹកដល់ដួងវិញ្ញាណខន័អ្នកដែលបានស្លាប់ជាងបីលាននាក់ក្នុងរបបខ្មែរក្រហម។តាមជំនឿលោកស្រីកន្ថារ៉ាវីនការេតយល់និងជឿថា៖ថ្ងៃទី១នៃពិធីកាន់បិណ្ឌជាថ្ងៃដែលយមភូបាលបើកទ្វារឋាននរកដោះលែងព្រលឹងនរកប្រែតដែលនៅជាប់កម្មពៀរឱ្យមកទទួលយកម្ហូបអាហារនិងអនុមោទនាផលបុណ្យដែលកូនចៅបានឧទ្ទិសឱ្យក្នុងឱកាសភ្ជុំបិណ្ឌនិងពិសេសជាងនេះការបួងសួងនេះគឺឧទ្ទិសសំបូងសង្រូងដល់មហិទ្ឋីបារមីវត្ថុសាកសិទ្ឋទឹកដីអង្គរជួយការពារកូនចៅខ្មែរគ្រប់ជំនាន់និងការពារមរតកអង្គរឱ្យស្ថិតនៅជាយូរអង្វែង លើសពីនេះបួងសួងដល់ដួងព្រះវិញ្ញាណខន័ ព្រះបរមរតនកោដិ សូមព្រះអង្គ
សោយក្នុងទីឋានបរមសុខកុំបីឃ្លាងឃ្លាត។តាមរយៈទម្រង់នៃការបួងសួងដែលគេមើលទៅឃើញថាជាការសម្តែងរបាំលោកស្រីថានេះមិនមែនជាការរាំឬសម្តែងរបាំទេជាពិធីថ្វាយបួងសួងដោយអ្នករបាំទាំងអស់ផ្ចង់ស្មារតីទៅតាមចង្វាក់ភ្លេងពិណ្យពាធជាមួយនឹងការសូត្រធម៌កែវភ្នែកសម្លឹងចុះ មានដូចជាបួងសួងកាយាន បួងសួងទីយេ និងបួងសួងទៀនរួមជាមួយភ្លេងចំនួន៧បទ។ចំណែកអ្នករបាំមិនត្រូវបានសំអិតសំអាងលាបអ្វីឡើយហើយគ្រឿងប្រដាប់កាយជាលក្ខណៈសាមញ្ញសំពត់ពណ៌សធ្វើពីស្បៃមុង..ម្កុដធ្វើពីស្លឹកត្នោតរចនាដោយផ្ទាល់ដៃរបស់អ្នកសិល្បៈដែលមានបង្កប់អត្ថន័យពណ៌សសម្តែងការកាន់ទុក្ខ..ស្បៃមុងការពារមូសទប់ស្កាត់ជំងឺគ្រុនចាញ់និងស្លឹកត្នោតជាសារឱ្យកូនខ្មែរយល់ពីគុណតម្លៃដើមត្នោតគួរនាំគ្នាថែរក្សានិងការពារ។ក្រុមសិល្បៈស័ក្តសិទ្ឋអង្គរនេះត្រូវបានលោកស្រីធ្វើការបណ្តុះបណ្តាលហ្វឹកហាត់ទាំងទៅលើទម្រង់បែបបួងសួង បែបសិល្បៈប្រពៃណីផ្សេងៗ ព្រមទាំងការរចនាច្នៃគ្រឿងប្រដាប់កាយ ជាដើមនោះ សុទ្ឋតែជាកម្មសិទ្ឋបញ្ញារបស់ លោកស្រី ផ្ទាល់ ដែល
លោកជំទាវជាស្ថាបនិកក្រុមសិល្បៈស័ក្តសីទ្ឋអង្គរដែលបានហាត់នៅសាលាសិល្បៈព្រះរាមឥន្ទរទេវីឈូកសបន្ទាយស្រី។តាមរយៈពិធីនេះលោកស្រី ថាធ្វើឡើងចង់បង្ហាញដល់កូនខ្មែរក្នុងនាមយើងជាខ្មែរកើតនៅលើទឹកដីអង្គរសាកសិទ្ឋឱ្យខ្មែរយើងចេះស្រឡាញ់និងគោរពវប្បធម៌ប្រពៃណីពីដូនតា។បើយើងនាំគ្នាគោរពស្រឡាញ់ទាំងអស់គ្នានោះអ្នកទេសចរណ៍បរទេសគេក៍នឹងគោរពតាមយើងមិនខាន។ពិធីនេះដែរក៍ចង់បង្ហាញដល់ខ្មែរយើងនិងអ្នកទេសចរណ៍ យល់កាន់តែច្បាស់ថា ប្រាសាទ បុរាណទាំងអស់របស់ខ្មែរសុទ្ឋតែជាទីសក្ការៈបូជានិងបង្កប់ដោយភាពសាកសិទ្ឋមិនអាចកាត់ថ្លៃបាន។
ក្រោយពីបញ្ចប់ប្រតិបត្តិពិធីតាមប្រពៃណីជំនឿសាសនារួចមក គេឃើញមានពិធីអុជទៀនកាន់ដង្ហែរចេញពវត្តទេព្យប្រណមទៅកាន់អង្គរតូចហើយពិធីដង្ហែរដែលមានកាន់ស្បៃពណ៌សប្រវែង៣០ម៉ែត្រគឺតំណាងឱ្យព្រលឹងអ្នកស្លាប់៣លាននាក់ក្នុងរបបខ្មែរក្រហម។អភិបាលស្រុកបន្ទាយស្រី លោកសូរសុន…បានសម្តែងការគាំទ្រទៅនឹងសកម្មភាពរបស់អង្គការងីនគ្រេតថាបានជួយដល់ជីវភាពប្រជាពលរដ្ឋនៅមូលដ្ឋាននេះធូរធារមួយកម្រិតក្នុងនាមអាជ្ញាធរស្រុកនឹងបន្តសហការគាំទ្រជាមួយអង្គការនេះបន្តទៀតដើម្បីឱ្យវិស័យ អប់រំ កសិកម្ម អនាម័យសុខាភិបាលបន្តមាននិរន្តរភាពជូនដល់ប្រជាពលរដ្ឋ។លោកថា៖អង្គការនេះបានប្រត្តិបត្តិការនៅស្រុកបន្ទាយស្រីពីឆ្នាំ១៩៩៩ជួយដល់ប្រជាពលរដ្ឋចំនួន១៤ឃុំស្មើនឹង2761គ្រួសារជួយផ្តល់លើសេវាអប់រំសុខភាពអនាម័យកសិកម្មជាលក្ខណៈគ្រួសារនិងជួយបណ្តុះបណ្តាលរបាំនិងតន្ត្រីទាំងបុរាណនិងប្រពៃណីលោកចាប់
អារម្មណ៍មិនមែនជាដុំថ្មបានរាបនៅមុនថ្ងៃនៃពិធីបុណ្យភ្ជុំបិណ្ឌដែលជាពិធីសាធារណៈមួយដែលនឹង ត្រូវបានប្រារព្ធធ្វើនៅឧទ្យានបុរាណអង្គរនៅខេត្តសៀមរាបកាលពីរសៀល ថ្ងៃអាទិត្យដែលបញ្ចប់ដោយការដើរដង្ហែក្បួនទានដើម្បីគោរពដល់ អ្នកដែលបានស្លាប់ក្នុងរបបខ្មែរក្រហម។ដោយគឿនវ៉េត
,
