បន្ទាយមានជ័យៈពលរដ្ឋជួបការលំបាក២១០គ្រួសារក្នុងឃំុកូបស្រុកអូរជ្រៅខេត្តបន្ទាយមានជ័យក្នុងឱកាសបុណ្យភ្ជុំបិណ្ឌឆ្នាំនេះដែលជាវេនទី១និងជាវេនដំបូងរបស់អាជីវកខ្មែរក្នុងផ្សារ រុងគ្លឿ ប្រទេសថៃជាប់និងព្រំដែនប៉ោយប៉ែតបន្ទាប់ពីរដាក់បាតនិងប្រគេននូវ ចង្ហាន់ផ្សេងៗដល់ព្រះសង្ឃរួចបានទទួលទានជាថវិកានិងសម្ភារះជាច្រើនកាលពីថ្ងៃទី២៨កញ្ញា២០១៥។លោកស្រី នី ទាវ និងលោក អេប សំអាតព្រមទាំងអាជីវករក្នុងផ្សារថៃជាច្រើនទៀតបានសំដែងការសប្បាយរីករាយក្នុងការធ្វើទាននៅក្នុងវត្តសូរិយារាមដែលស្ថិតក្នុងស្រុកអូរជ្រៅដល់ប្រជាពលរដ្ឋចំនួន២១០គ្រួសារដែលក្នុងមួយគ្រួសារទទួលបានអង្ករ១០គីឡូក្រាមឃីតមួយកញ្ចប់ ថវិកាមួយម៉ឺនរៀលនិងចែកជូនដល់តាជីយាយជីជាង៦០នាក់ដែលក្នុងម្នាក់ៗទទួលបានឃីតមួយកញ្ចប់ដែរនិងថវិកាពីរម៉ឺនរៀល។
ក្នុងឧកាសបុណ្យកាន់វេណនេះគេសង្កេតឃើញថាមានប្រជា ពលរដ្ឋយ៉ាងច្រើនបាននាំគ្នាទៅធ្វើបុណ្យដាក់បាតនិងចែកទានដើម្បីឧទ្ទិសកុសលជូនដល់បុព្វការីជនព្រមទាំងញាតិប្រាំពីរសណ្តានដែលលោកបានចែកកាយរំលាយទៅកាន់លោកខាងមុខហើយនោះ។ការឧទ្ទិសកុសលនេះដែរពួកគាត់ជឿជាក់ថានឹងបានទៅដល់សាច់ញាតិទាំងអស់របស់ពួកគាត់ដែលនៅលោកខាងមុខ ហើយអាចអោយរួចពីទុក្ខទោសទាំងឡាយ ចំពោះបុព្វការីជនដែលបានទៅកើតក្នុងទីមិនសមគួរពិសេសកើតទៅជាប្រេត។
ជាមួយនឹងការដាក់បាតនិងប្រគេននូវ ចង្ហាន់ផ្សេងៗដល់ព្រះសង្ឃរួចហើយនោះ មានពុទ្ធបរិស័ទខ្លះដែលពួកគាត់មានជីវភាពបង្គួរក៏នាំគ្នាបរិច្ចាគនូវធនធានផ្ទាល់ខ្លួនដល់គ្រួសារប្រជាពលរដ្ឋដែលក្រីក្រមានជីវភាពលំបាកក្នុងការរស់នៅដូចខាងលើ។
ជាមួយគ្នានេះដែលដើម្បីរក្សាបាននៅសន្តិសុខសណ្តាប់ផ្នាប់ក្នុងឧកាសបុណ្យឃ្ជំុលោក អាត់ ខែម ស្នងការនគរបាលខរត្តបន្ទាយមានជ័យបានប្រជំុដាក់ផែនការណ៍ដល់កំលាំងនគរបាលគ្រប់ស្រុកក្រុងធ្វើការការពារតាមទីវត្តអារាមនិងទីប្រជំុជននានា។
