ខេត្កព្រះសីហនុ៖ ម្ចាស់សំណង់កំពង់ខាងលើថ្មីៗនេះបាន ធ្វើការប្រកាស់ជាចំហរដោយគ្រោងនិងធ្វើការតវ៉ាដាច់ខាត ខណៈ ពេលសំណង់ផែប្រមូលទិញផលនេសាទ អត់ ច្បាប់អនុញាត្តរបស់គាត់ដែលធ្វើការសាងសង់បានសម្រេច ប្រមាណ៦០ភាគរយទៅហើយ តែត្រូវបានអាជ្ញាធរក្រុង ព្រះសីហនុចុះធ្វើហាមឃាត់ឲ្យផ្អាកសកម្មភាពសាង សង់ ព្រម ទាំង ព្រមាន រុះរើវាយកំទេចចោលបើសិនជាម្ចាស់ សំណង់ មិនអនុវត្តន៍តាមហើយនៅតែ លូចធ្វើការសាង សង់បន្ត។
.ឈ្មោះ ឆាយ ហេននិង ប្រពន្ឋឈ្មោះ ឆេង វ៉ាន់នុយជាម្ចាស់សំណង់ខាងលើបានទទូលស្គាល់ថាកំពង់ផែ របស់គាត់ពិតជាធ្វើការសាងសង់អត់ច្បាប់អនុញាត្តពិតប្រាកដមែន ប៉ុន្តែរមិនមែនបានន័យថាមានតែសំណង់របស់ គាត់នោះទេដែលសាងសង់អត់ច្បាប់នោះ គឺសំណង់ជាច្រើនដែលធ្វើសាងសង់នៅតំបន់ ទំនប់រលក់នេះសំណង់ មួយណាក៍គ្នានច្បាប់អនុញាត្តដែរដូចនេះបើអជ្ញាធរក្រុងចង់ធ្វើការរុះរើគួរតែធ្វើការរុះរើសំណង់អត់ច្បាប់តាំងអស់នោះផងទើបរូបគាត់យកព្រម តែបើមិនអញ្ចឹងទេរូបគាត់មិនព្រមជាដាច់ខាត ។
.លោក ទូច ច័ន្ទប៊ុនលី ប្រធានភូមិ ០៣ សង្កាត់ ០១ ក្រុងព្រះសីហនុ បានអោយដឹងថាសំណង់ខាងលើនេះ ម្ចាស់មានឈ្មោះ ឆាយ ហេននិង ប្រពន្ឋឈ្មោះ ឆេង វ៉ាន់នុយ លោកបានចុះធ្វើ កំណត់ ហេតុ បញ្ឈប់ការសាងសង់ រូចហើយតាំងពីថ្ងៃទី ២០ ខែ កញ្ញា ឆ្នាំ ២០១៥ កន្លងមកម្លេះ ហើយម្ចាស់សំណង់ទាំងពីរនាក់ប្តីប្រពន្ឋ បានព្រមព្រៀងផ្តិតមេដៃលើកំណត់ហេតុ ដោយសន្យាថា បើថ្ងៃក្រោយម្ចាស់សំណង់នៅតែបន្ត ការសាងសង់ និង ត្រូវទទួលខុសត្រូវនៅចំពោះមុខច្បាប់ ។ ប៉ុន្តែរហូតមកដល់ពេលម្ចាស់សំណង់ ហាក់បីដូចជាមិនគោរពតាមនោះ ឡើយ គឺ ម្ចាស់សំណង់ខាងលើនៅតែព្យាយាមធ្វើសកម្មភាពលួចសាងសង់ បន្តយ៉ាងរលូនគួរឲ្យចាប់អារម្ម។
.លោក ណុប ហេង ប្រធានមន្ទីរសាធារណៈការ និង ដឹកជញ្ជូន ខេត្តព្រះសីហនុ បានអោយដឹងថា ក្នុងនាមអាជ្ញាធរដែនដី ក៏ដូចជាជំនាញមន្ទីរ អង្គភាពពាក់ព័ន្ឋ ជុំវិញបញ្ហារសំណង់ខាងលើ នេះលោក បានធ្វើ ការបញ្ជាក់ថាបើម្ចាស់សំណង់នៅតែបំពាន់លើកិច្ចសន្យារបស់ខ្លូនហើយនៅតែលូចធ្វើការសាងសង់បន្ត។អាជ្ញាធរមានសមត្ថកិច្ចត្រូវតែធ្វើលិខិតជូនដំណឹងដាក់ឱសាន្ដវាទអោយម្ចាស់សំណង់ខាងលើកំណង់ការរុះរើសំណង់ដោយខ្លូនឯង ក្នុងករណីម្ចាស់សំណង់ រឹងរុះមិនព្រម រុះរើ អាជ្ញាធរដែនដីរួមនឹងអង្គភាពមន្ទីរពាក់ព័ន្ឋ បង្កើតគណៈ កម្មការចុះរុះរើចោលតែម្តងទៅ ដើម្បីជាការព្រមានដល់អ្នកក្រោយៗ
.លោក អ៊ី សុខឡេង អភិបាលក្រុងព្រះសីហនុ បានបញ្ជាក់ថា សំណង់រឹងមាំរបស់ម្ចាស់ផែខាងលើ លោកបានតាមដានជាប្រចាំ និង បានអោយអាជ្ញាធរមូលដ្ឋានក្រោមឱវាទ ចុះទៅធ្វើការហាមឃាត់ ដោយធ្វើជាលាយលក្ខណ៍អក្សរ ទៅតាមផ្លូវច្បាប់ ។ ប៉ុន្តែម្ចាស់សំណង់ខាងលើមិនបានគោរព ទៅតាមកិច្ចសន្យារបស់ខ្លួនឡើយគឺនៅតែធ្វើការសាងសង់ដ៍ដែលជាដដែល។ដូចនេះជំរើសចុងក្រោយរបស់អជ្ញាអរក្រុង សំណង់នេះបើទោះជាធ្វើការសាងសង់ហើយរូចរាល់ក៍ដោយក៍ត្រូវវាយកំទេចចោលដែរ៕ កោះពស់ (រូបភាពសំណង់)
