ខេត្តកំពង់ឆ្នាំង៖ គំរោងសាងសង់អាគារសាលាស្រុកបរិបូណ៌ថ្មីចំនួន២ខ្នង មានតម្លៃជាង២៦ម៉ឺនដុល្លាដែលជាថវិការអំណោយរបស់ប្រមុខរាជរដ្ឋាភិបាល ត្រូវបានធ្វើពីធីបញ្ចុះបឋមសិលាសាងសង់នៅព្រឹកថ្ងៃទី៣០ ខែកញ្ញា ឆ្នាំ២០១៥ នៅក្នុងសាលាស្រុកបរិបូណ៌ ក្រោមអធិបតីភាពឯកឧត្តម ឈួរ ច័ន្ទឌឿន អភិបា លខេត្តកំពង់ឆ្នាំង ដោយមានការអញ្ជើញចូលរួមពី លោកអភិបាល អភិបាលរងស្រុក មន្ត្រីរាជការជុំវិញស្រុក ប្រជាពលរដ្ឋ និងសិក្សានុសិស្សនៅក្នុងបរិបូណ៌យ៉ាងច្រើនកុះករ។
លោក ឃួន សៅរុំ អភិបាលស្រុកបរិបូណ៌ បានអានរបាយការណ៍ក្នុងពិធីនេះថា៖ អាគាររដ្ឋបាល សាលាស្រុកបរិបូណ៌ ដែលត្រូវបញ្ចុះបឋមសិលាសាងសង់នៅពេលនេះមានចំនួន២អាគារ គឺអាគារស ម្រាប់ធ្វើការមួយអាគារមានកំពស់២ជាន់ មានទំហំ២៨ម៉ែត្រ គុណនិង១៣ម៉ែត្រ និងមួយទៀតជាអាគារ
សម្រាប់ប្រជុំ មានទំហំ២០ម៉ែត្រ គុណនិង១៧ម៉ែត្រ អាគារទាំង២ធ្វើពីបេតុងប្រក់ក្បឿង ដែលត្រូវចំណា យអស់ទឹកប្រាក់ប្រមាណជាង២៦ម៉ឺនដុល្លា ជាអំណោយរបស់រាជរដ្ឋាភិបាលកម្ពុជា ដោយបានដាក់អោយដេញថ្លៃ ហើយកំណត់កុងត្រាសាងសង់រយៈពេល៩ខែអោយហើយ គឺចាប់ផ្តើមពី ថ្ងៃទី២៤ ខែសីហា ឆ្នាំ២០១៥ ដល់ថ្ងៃទី២៣ ខែឧសភា ឆ្នាំ២០១៦។
នៅក្នុងឱកាសនោះ ឯកឧត្តម ឈួរ ច័ន្ទឌឿន អភិបាលខេត្តកំពង់ឆ្នាំងបានមានប្រសាសន៏ថា៖ អំ
ណោយកសាងសាលាស្រុកទាំង២ខ្នងនេះ គឺជាថវិការប្រមុខរាជរដ្ឋាភិបាលកម្ពុជា និងជារបស់គណៈបក្សប្រជាជនកម្ពុជា មិនមែនរបស់គណៈបក្សនយោបាយណាមួយនោះឡើយ។ រាជរដ្ឋាភិបាលកម្ពុជា ក្រោមការដឹកនាំរបស់គណៈបក្សប្រជាជនកម្ពុជា គឺបានចាប់ផ្តើមកសាងប្រទេសជាតិ តាំងពីបាតដៃទទេ ពីគំនរផេះផង់ដែលបន្សល់ពីសម័យប៉ុលពត រហូតមានការរីកចំរើន លើគ្រប់វិស័យទាំងអស់ តាំងពីសាលារៀន ផ្លូវថ្នល់ មន្ទីរពេទ្យ វត្តអារាម និងបានធ្វើអោយប្រទេសជាតិមានកំណើនសេដ្ឋកិច្ចជារៀងរាល់ឆ្នាំ។ប្រទេ សជាតិបានធ្លាក់ចូលភ្នក់ភ្លើងសង្គ្រាមកន្លងមក រហូតធ្លាក់ចូលរបបមួយយ៉ាងព្រៃផ្សៃគឺប៉ុលពត ដោយ សារបក្សប្រឆាំង គឺលោកសេនាប្រមុខ លន់ ណុល ដែលបានធ្វើរដ្ឋប្រហារទម្លាក់សម្តេច នរោត្តមសីហនុ នៅថ្ងៃ១៨មិនា ឆ្នាំ១៩៧០ ដោយចោទព្រះអង្គថា មានអំពើពុករលួយ លក់ដីអោយយួន យួនចូលរស់នៅពេញស្រុកជាដើម ។
ក្រោយថ្ងៃជ័យជំនះ៧មករា ឆ្នាំ១៩៧៩ ដោយសារតែគណៈបក្សប្រជាជនកម្ពុជាតែមួយគត់ បានធ្វើអោយប្រទេសជាតិបានសុខសន្តិភាពពេញលេញ សួរថាតើកាលណោះ បក្សដ៏ដៃទៀតនៅឯណា នៅ ពេលប្រជាពលរដ្ឋមានទុក្ខ។ ឥឡូវខ្មែររួបរួមគ្នាតែមួយដោយគោលនយោបាយឈ្នះៗរបស់គណបក្សប្រ ជាជនកម្ពុជា មានគណបក្សខ្លះបានដើរនយោបាយលាបពណ៌ខ្មែរបែបនេះទៀតហើយសូមបងប្អូន កុំចាញ់ការបោកបញ្ឆោតទៀត ដែលនាំអោយប្រទេសជាតិអស្ថេរភាព គ្មានសុខសន្តិភាព។
នៅក្នុងពិធីនេះដែរ ឯកឧត្តម ឈួរ ច័ន្ទឌឿន បានផ្តាំផ្ញើដល់បងប្អូនប្រជាពលរដ្ឋសូមប្រុងប្រយ័ត្នកុំអោយកើតមានគ្រោះថ្នាក់ចរាចរណ៏ ដោយកុំបើកហួសល្បឿនកំណត់ កុំបើកបរពេលស្រវឹង និងសូមពា ក់មួកសុវត្ថិភាពក្នុងពេលបើកបរ ត្រូវចូលរួមគោរពច្បាប់ចរាចរណ៍អោយបានទាំងអស់គ្នា។ជាមួយគ្នានោះ ដែរ ឯកឧត្តមអភិបាលខេត្ត បានចែកថវិការលើកទឹកចិត្តរបស់គណបក្សប្រជាជនកម្ពុជា ដល់សិស្សា នុសិស្ស នៅក្នុងស្រុកបរិបូណ៌ដែលបានប្រឡងជាប់សញ្ញាបត្រ័ទុតិយភូមិចំនួន១៥៩នាក់ ដែលក្នុងម្នាក់ៗទទួលបានប្រាក់ចំនួន៥ម៉ឺនរៀល ៕
