ខេត្តឧត្តរមានជ័យ ជនសង្ស័យម្នាក់ត្រូវនគរបាលចាប់ខ្លួន ក្រោយពីមានពលរដ្ឋម្នាក់ប្តឹងថា ជនសង្ស័យបានធ្វើសកម្មភាពយកដុំថ្មគប់កញ្ចក់រថយន្តខណះរូបគាត់ធ្វើដំណើរតាមផ្លូវ កាលពីវេលាម៉ោង១៨និង១៥នាទីយប់ថ្ងៃទី៣០ ខែកញ្ញា ឆ្នាំ២០១៥ នៅចំនុច អាហារដ្ឋានស្តង់ទឹក ភូមិសំរោង សង្កាត់សំរោង ក្រុងសំរោង ខេត្តឧត្តរមានជ័យ។
នគរបានក្រុងសំរោងបានឲ្យដឹងនៅថ្ងៃទី១ ខែតុលា ឆ្នាំ២០១៥ នេះថា ជនសង្ស័យដែលសមត្ថកិច្ចចាប់ខ្លួនមានឈ្មោះ ញឹក សាវឿត ភេទប្រុស អាយុ២៣ឆ្នាំ រស់នៅភូមិដូនកែនសែនជ័យ សង្កាត់សំរោង ក្រុងសំរោង មានមុខរបរមិនពិតប្រាកដ។រីឯជនរងគ្រោះឈ្មោះ ជុំ វិត អាយុ៤៥ឆ្នាំ រស់នៅភូមិផ្អុង សង្កាត់កូនក្រៀល ក្រុងសំរោង។
លោក ស្រ៊ុន សាន អធិកានគរបាលក្រុងសំរោង បានឲ្យដឹងថា មុនពេលចាប់ខ្លួនជនសង្ស័យ ញឹក សាវឿត បានធ្វើសកម្មភាពយកដុំថ្មគប់ជនរងគ្រោះ ខណះជិះរថយន្តហាយឡិនដឺតាមផ្លូវ ទាំមិនដឹងដឹងមូលហេតុ ទើបសមត្ថកិច្ចយើង ចុះចាប់ខ្លួនជនសង្ស័យយកមកសួរនាំដើម្បីចាត់ការតាមច្បាប់។
ប្រភពពីអ្នកភូមិបាន និយាយពេញៗមាត់ថា ជនសង្ស័យខាងលើគឺជាមនុស្សញៀនថ្នាំ និងតែងតែដើរអុកឡុករករឿងគេពេញភូមិ និងតែងតែគប់កញ្ចក់រថយន្តអ្នកដំណើរជាញឹកញាប់។ពលរដ្ឋសំណូមពរសូមឲ្យនគរបាលផ្តន់ទាទោសជននោះឲ្យធ្ងន់ធ្ង៕
