បន្ទាយមានជ័យ៖ ក្មេងរងគ្រោះដោយពោះចឹក នៅវេលាម៉ោង៩យប់ត្រូវបានលោក សាន ស៊ានហូ អភិបាលស្រុកអូរជ្រៅ យករថយន្តទៅដឹក និងបញ្ជូនកុមាររងគ្រោះទៅដល់មន្ទីរ ពេទ្យបង្អែកក្រុងប៉ោយប៉ែតរហូតដល់ព្រឹកនេះក្មេងរងគ្រោះបានសង្រ្គោះរួចផុតពីគ្រោះថ្នាក់ហើយ។
ទន្ទឹមគ្នានៃការជួយសង្គ្រោះក្មេងរងគ្រោះលោកឧត្តមសេនីយ៍ត្រី សេង ធារិន មេបញ្ជាការរងពលតូចថ្មើរជើងលេខ៥១ ធានាផ្តល់ថ្នាំពស់ចឹកបន្ថែម បើពេទ្យគ្មាន។លោក សាន ស៊ានហូ អភិបាលស្រុកអូរជ្រៅ និង លោក ឆេង អ៊ីសុខា អធិការស្រុកក្រោយពីទទួលបានដំណឹងក្មេងស្រីម្នាក់ រស់នៅភូមិរុនថ្មី ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ត្រូវពស់ចឹក ខ្វះលទ្ធភាពនាំកូនទៅសង្រ្គោះបានយករថយន្តដឹកជាបន្ទាន់ទៅកាន់មន្ទីរពេទ្យកាលពីវេលា៧និង៤៥នាទីយប់ ថ្ងៃទី០១ ខែតុលា ឆ្នាំ២០១៥។ក្មេងស្រីរងគ្រោះមានឈ្មោះ ផៃ សុផានី ភេទស្រី អាយុ១ខួប៩ខែ មានម្តាយឈ្មោះ នង សាវៀន អាយុ២២ឆ្នាំ រស់នៅភូមិរុន ឃុំសឹង្ហ ស្រុកអូរជ្រៅ។មូលហេតុដែលបណ្តាលឲ្យពស់ចឹក គឺនៅពេលព្រលប់ក្មេងស្រីរងគ្រោះនិងក្មេងៗដ៏ទៃ ទៀតបាននាំគ្នារត់លេងលើផ្លូវវិស្វកម្ម ក៏ត្រូវពស់ចឹកតែម្តង។ផ្ទះរបស់ម្តាយក្មេងរងគ្រោះស្ថិតនៅតំបន់ចុងកាត់មាត់ញកដាច់ស្រយ៉ាលពីទីប្រជុំជន ធ្វើឲ្យក្រុមគ្រួសារក្រីក្រមួយនេះមានតែអង្គុយបន់ ព្រះអោយជួយកូនអាណិតកូន មុនពេលដែលអាជ្ញាជួយអន្តរាគមន៍ខណះគ្មានមធ្យោបាយធ្វើដំណើរ។សូមបញ្ជក់ថារយះពេលកន្លងមកនេះករណីពស់ចឹកបានកើតឡើងជាបន្តបន្ទាប់ហើយក៍ត្រូវបានជួយសង្រ្គោះបានទាន់ពេលដែរ៕
