កំពង់ធំ=កាលពីព្រឹក ថ្ងៃទី០៣តុលា ឆ្នាំ២០១៥ត្រូវនឹងថ្អៃសៅរ៍៦រោច ខែភទ្របទ ឆ្នាំមមី ព ស ២៥៥៩ ឧត្តម សោម ស៊ុនមេបញ្ចាការសឹករង និងលោកជំទាវ បានដឹកនាំមន្ដ្រីក្រោមឪវ៉ាទព្រមទាំងក្រុមគ្រួសាររៀបចំពិធី កាន់បិណ្ឌវេណទី០៦ នៅវត្តមុនីរង្សីហៅវត្តថ្មី ស្ថិតនៅក្នុងភូមិ ស្នោ ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ។
ក្នុងពិធីកាន់បិណ្ឌនេះ តំបន់ប្រតិបត្តិការសឹករងកំពង់ធំបានរៀបចំប្រគេនចង្ហាន់ដល់ព្រះសង្ឃ និងបានប្រគេនបច្ច័យ ចំនួន ១៥៦៧០០០រៀល សំរាប់ចាត់ចែងកសាងសមិទ្ធិផលនានាបន្ថែម ជាប្រយោជន៍របស់ទីវត្តអារ៉ាម និងការគោរប្រតិបត្តិតាមពុទ្ធសាសនារហូតតទៅ និងជាទ្រព្យសំរាប់តំកល់ទុកនៅក្នុងវិស័យ ព្រះពុទ្ធសាសនាផងដែរ។
ឧត្តម សោម ស៊ុនបានមានប្រសាសន៍ថាការរៀបចំពិធីកាន់បិណ្ឌនេះ ដោយទឹកចិត្តរីករាយជ្រះថ្លា ក្នុងវិស័យព្រះពុទ្ធសាសនា បងប្អូនបានប្រកាន់ខ្ចាប់ខ្លួនគោរពប្រណិប័ត្តន៍ តរៀងរហូតមក ដែលប្រព្រឹត្តនូវគុណូបការះ ចំពោះបុព្វការីជន ទាំងឡាយ ដែលធ្វើនូវ អំពើល្អ ដើម្បីសេចក្ដីស្ងប់ សេចក្ដីសុខចំរើនក្នុងជីវភាពរស់នៅក្នុងក្រុមគ្រួសារ និងបានមូលមតិគ្នាជា េកច្ឆ័នក្នុងជួរថ្នាក់ដឹកនាំទាំងក្នុងទីបញ្ចាការតំបន់ប្រតិបត្តិការសឹក និងអង្គភាពក្រោមឪវ៉ាទ រៀបចំឡើងតាមទំនាមទំលាប់ព្រះពុទ្ធសាសនាខ្មែរយើង ដែលដូនតាបន្សល់ទុកមកជាយូរយារ
ណាស់មកហើយដើម្បីឧទិសកុសល ផលបុណ្យ ជូនដល់មាតាបិតា ដែលបានចែកឋានទៅកាន់បរលោកខាងមុខនិងឧទសកុសលជូនដល់កម្មាភិបាល យុទ្ធជន យុទ្ធនារី ដែលបានពលីជីវិត ក្នុងបុព្វហេតុការពារជាតិ ការពារមាតុភូមិកម្ពុជាយើងកន្លងមក៕ ដោយផន សុជាតិ
