ខេត្តកំពង់ឆ្នាំង៖ប្រជាពលរដ្ឋខ្មែរឥស្លាម៥គ្រួសារនៅក្នុងភូមិចុងកោះ សង្កាត់ផ្សារឆ្នាំង ក្រុងកំពង់ឆ្នាំង បានស្នើសុំអោយលោកអភិបាលខេត្តកំពង់ឆ្នាំង ជួយដោះស្រាយការរំលោភលំនៅដ្ឋាន ដោយក្រុមហ៊ុនដឹកថ្មរបស់ចិនឈ្មោះចុងលៀន បានចាក់ដីធ្វើទីតាំងសម្រាប់ស្តុកថ្ម និងធ្វើទរបង្ហូរថ្មពីរថយន្តចាក់ចូលសាឡង់ ជាប់ទៅនិងជើងសរសផ្ទះរបស់ពួកគាត់ដែលរស់នៅតាមមាត់ទន្លេ ធ្វើអោយមានការរំខានដល់ការរស់នៅប្រចាំថ្ងៃ ហើយពួកគាត់បានដាក់ពាក្យបណ្តឹងជូនលោកអភិបាលក្រុងអោយជួយដោះស្រាយយូរថ្ងៃហើយ តែពុំមានដំណោះស្រាយ។
លោកមេភូមិចុងកោះបានអោយដឹងថា៖ប្រជាពលរដ្ឋដែលមានផ្ទះរងនូវផលបះពាល់ទាំង៥គ្រួសានោះមាន ១. ឈ្មោះ ឡឹប លី អាយុ៥៤ឆ្នាំ ២-ឈ្មោះ ស៊ឹម លេះ អាយុ៣៦ឆ្នាំ ៣-ឈ្មោះ លី យ៉ាន អាយុ៣១ឆ្នាំ ៤-ឈ្មោះ លី នាង អាយុឆ្នាំ និង៥- ឈ្មោះ ទួន សារ៉ស់ អាយុ៤៩ឆ្នាំ មានសមាជិកគ្រួសារទាំងអស់សរុបចំនួន៣៦នាក់។
លោក នួន សារ៉ស់ ជាជនរងគ្រោះដោយការរំលោភលំនៅដ្ឋានក្នុងរឿងខាង លើនេះបានអោយដឹ ងនៅល្ងាចថ្ងៃទី០៥ ខែតុលា ឆ្នាំ២០១៥នេះថា៖ពួកគាត់បានមករ់នៅកន្លែងនេះ តាំងពីឆ្នាំ១៩៧៩មកម្លេះផ្ទះទាំង៥ខ្នងដែលរងការំលោភនេះ ធ្វើអំពីឈើ ប្រក់ស័ង្ក សីទាំងអស់ ក្នុងចំណោមផ្ទះទាំង៥ខ្នង មាន១ខ្នងមានកំពស់ជាង៥ម៉ែត្រផុតពីទឹក ផ្ទះនេះត្រូវបានក្រុមហ៊ុ នធ្វើទរបង្ហូរថ្មជាប់និងសរសផ្ទះតែម្តង ចំណែ កផ្ទះ៤ខ្នងឿតគេធ្វើបង្គឿងទៅតាមទឹក ហើយផ្ទះទាំង៤ខ្នងនេះត្រូវបានក្រុមហ៊ុនបានចាក់ដីជិតដល់ជើងសរសផ្ទះរកកន្លែងចតទូកមិនបានទេ។
ពួកគាត់បានដឹងថា ក្រុមហ៊ុនរបស់ចិនមួយឈ្មោះ (ចុងលៀន) បានមកធ្វើទីតាំងទីនេះ ដោយបានដឹកថ្មពីភ្នំដំរីរមៀល យកមកចុះសាឡង់ នៅនិងមុខផ្ទះពួកគាត់ មិនដឹងថាកាតបោះទីតាំងនេះមានច្បាប់ឬអត់ច្បាប់នោះទេ។ រឿងនេះក្រៅពីការរំលោភលំនៅដ្ឋានពួកគាត់ គឺក្រុមហ៊ុននេះបានចាក់ដីលុបកាត់ទាំងផ្លូវតាមមាត់ទន្លេ ដែ់លប្រជាពលរដ្ឋធ្លាប់ធ្វើដំណើរប្រកបមុខរបរចិញ្ចឹមជីវិតតាមផ្លូវនេះ តាំងពីដើមរហូតមកនោះទៀតផង។
ប្រជាពលរដ្ឋរងគ្រោះទាំង៥គ្រួសារ ស្នើសុំអោយលោកអភិបាលខេត្តកំពង់ឆ្នាំង មេត្តាជួយអន្តរាគម ដោះស្រាយរឿងខាងលើនេះអោយពួគាត់ផង ដើម្បីអោយមានសំណងសមរម្យណាមួយដល់ពួកគា ត់ទាំងអស់គ្នា ព្រោះពួកគាត់បានដាក់ពាក្យបណ្តឹងទៅលោកអភិបាលក្រុងកំពង់ឆ្នាំង ជាច្រើនថ្ងៃមកហើយ តែមិនទាន់ឃើញមានចំណាត់ការអ្វីនៅឡើយ។ ពួកគាត់ដឹងច្បាស់ថា ទីកន្លែងដែលសង់ផ្ទះតាមមាត់ទន្លេនេះគឺជាដីរបស់រដ្ឋ តែពួកគាត់បានធ្វើផ្ទះដោយប្រើសរសឈើ មិនមែនជាផ្ទះបណ្ទែតទឹក ដែលងាយស្រួលក្នុងការអូសចេញនោះទេ និងពួកគាត់ក៏បានមករស់នៅទីនេះជាង៣០ឆ្នាំមកហើយ។
ជុំវិញករណីខាងលើនេះ អ្នកយកព័ត៌មានយើងបានព្យាយាមសុំការបំភ្លឺមិនបានទេ ពីលោកលោក ហៃ មនោរម្យ អភិបាលក្រុងកំពង់ឆ្នាំង ព្រោះទូរស័ព្ទចូលតែលោកមិនលើកទទួលឡើយ៕
