ព្រះវិហារ បុរសម្នាក់រងរបួសធ្ងន់បែកក្បាលហូរឈាមជោកថ្នល់និងភាគីម្ខាងទៀតរងរបួសស្រាលក្នុងហេតុការណ៍គ្រោះថ្នាក់ចរាចរម៉ូតូបុកនឹងម៉ូតូស្ថិតនៅកណ្តាលក្រុងព្រះវិហារត្រង់ផ្លូវបែកជាបួនកាលពីវេលាម៉ោង០៤និង១០នាទីរសៀលថ្ងៃទី០៥តុលា២០១៥,នេះបើតាមការបញ្ជាក់របស់សមត្ថកិច្ចនគរបាលមូលដ្ឋាន។ជនរងគ្រោះដែលរងរបួសធ្ងន់បែកក្បាលប្រេះលលាដ៍មិនបានពាក់មួកការពារសុវត្ថិភាពនិងម៉ូតូរបស់ខ្លួនក៍មិនបានដាក់កញ្ចក់នោះដែរ។
លោកគង់គារអធិការនគរបាលក្រុងព្រះវិហារបានអោយដឹងនៅព្រឹកថ្ងៃទី០៦តុលា២០១៥នេះថាមុនកើតហេតុការណ៍មានម៉ូតូ១គ្រឿងម៉ាកវ៉េវអាល់ហ្វាពណ៌ខ្មៅពាក់ស្លាកលេខព្រះវិហារ
១A៨០៦៥ធ្វើដំណើរពីជើងទៅត្បូងដើម្បីបត់ទ្បើងទៅស្តាំដៃក៍ត្រូវម៉ូតូ១គ្រឿងទៀតម៉ាកសេ១២៥ពណ៌ខ្មៅស៊េរីឆ្នាំ២០១៣បើកបរតាមបណ្តោយផ្លូវក្នុងល្បឿនលឿនក៍ទៅបុកពេញទំហឹងតែម្តង។ជនរងគ្រោះជិះម៉ូតូសេ១២៥រងរបួសធ្ងន់ត្រូវក្បាលហើយភាគីម្ខាងទៀតរងរបួសស្រាល។
លោកអធិការនគរបាលបន្តថាតាមការចុះស៊ើបសួរសាក្សីឃើញហេតុការណ៍និងវាស់វែងកន្លែងគ្រោះថ្នាក់របស់សមត្ថកិច្ចភ្លាមៗនោះបានរកឃើញថាភាគីបើកបរម៉ូតូសេ១២៥បើកបរលើផ្លូវអាទិភាពចំណែកភាគីម្ខាងទៀតជិះម៉ូតូវ៉េវអាល់ហ្វាបត់មុនដល់ផ្លូវបែកក៍បណ្តាលអោយកើតមានគ្រោះថ្នាក់ចរាចរតែម្តង។ជនរងគ្រោះរងរបួសធ្ងន់ត្រូវបានដឹកយកទៅសង្គ្រោះព្យាបាលនៅមន្ទីរពេទ្យបង្អែកខេត្តរីឯម៉ូតូទាំង២គ្រឿងត្រូវសមត្ថកិច្ចយកទៅរក្សាទុកនៅអធិការដ្ឋាននគរបាលក្រុងព្រះវិហារដើម្បីដោះស្រាយទៅតាមនិតិវិធីច្បាប់។
លោកអធិការនគរបាលបញ្ជាក់ថាភាគីជិះម៉ូតូសេ១២៥ឈ្មោះគង់ចំរើនភេទប្រុសអាយុ២៥ឆ្នាំមុខរបរកសិកររស់នៅក្រុងព្រះវិហារនិងភាគីម្ខាងទៀតឈ្មោះផលកុសលភេទប្រុសអាយុ២៣ឆ្នាំមុខរបរព្រូទ្បានរស់នៅភូមិអណ្តូងពោធិ៍សង្កាត់កំពង់ប្រណាកក្រុងព្រះវិហារ។
គួរបញ្ចាក់ថាអ្នកជិះម៉ូតូក្នុងខេត្តព្រះវិហារប្រមាណ៨០ភាគរយមើលស្រាលសមត្ថកិច្ចជំនាញមិនបានយកចិត្តទុកដាក់គោរពច្បាប់ចរាចរគឺបើកបរម៉ូតូនិងរថយន្តក្នុងល្បឿនលឿនប្រមាថជីវិតអ្នកដ៍ទៃក្នុងក្រុង,មិនពាក់មួកការពារសុវត្ថិភាពនិងបំពាក់កញ្ចក់ត្រឹមត្រូវរីឯរថយន្ដខ្លះមិនពាក់ស្លាកលេខតែម្តង៕
