ខេត្តកំពង់ឆ្នាំង៖ ទំនាស់ដីធ្លីប្តឹងគ្នារយៈពេលជា១០ឆ្នាំកន្លងមក រវាងម្តាយមីង និងក្មួយបង្កើត ក្រោយពីតុលាកាខេត្តបានអនុវត្តសាលក្រមរបស់តុការកំពូល រឹបអូសដីមនៅដ្ឋានពីចុងចម្លើយ អោយទៅដើមបណ្តឹងកាលពីថ្ងៃទី០២ ខែតុលា ឆ្នាំ២០១៥ គាគីទាំង២បានចូលខ្លួនមកធ្វើការសម្របសម្រួលគ្នាជាថ្មីម្តងទៀត នៅព្រឹកថ្ងៃទី០៥ ខែតុលា ឆ្នាំ២០១៥ ជាមួយលោកអភិបាលស្រុកបរិបូណ៌។ ជាលទ្ធផល ម្តាយមីង និងឪពុកមារ ជាដើមបណ្តឹងនឹងជាអ្នកឈ្នះក្តី បានសុខចិត្តប្រគល់ក្បាលដីប្រវែង៥ម៉ែត្រ និងបណ្តោយម៉ាសម្រុងដី អោយក្មួយប្រុសជាអ្នកចាញ់ក្តីរស់នៅជួបជុំមីងក្មួយជាក្រុមគ្រួសារឡើងវិញ។
លោក កង ហុង មានទីលំនៅភូមិអូរ ឃុំពពេល ស្រុកបរិបូរណ៏ ជាគ្រូបង្រៀនសាលាបឋមសិក្សា
ឃុំឆ្នុងទ្រូ ស្រុកបរិបូណ៌បានញញឹមដោយក្តីរីករាយនិងនិយាយថា៖ រឿងខ្ញុំចប់ហើយ លោកអរគុណណា ស់ ចំពោះអាជ្ញាធរមូលដ្ឋាន និងអ្នកសារព័ត៌មាន ដែលបានជ្រុំជ្រែងអោយមាន កិច្ចសម្របសម្រួល រវាងភាគទាំង២ ។ លោកបានបន្តថាៈ ក្រោយពីការប្រកាសសាលក្រមរបស់តុលាការកំពូល កាលពីថ្ងៃទី ០២ ខែតុលាឆ្នាំ២០១៥ ដែលសម្រចរឹបអូសដីទំហំ ៧អា៤៣សង្ទីអា ដែលរូបលោក កំពុងរស់នៅសព្វថ្ងៃ ទៅអោយម្តាយមីង ឈ្មោះ តាន់ សុខុម និងប្តីឈ្មោះ ស៊ា ឆយ រួចមក លោកបានជំទាស់ មិនព្រមជាដាច់ខាត ព្រោះលោក បានមករស់នៅលើដីនេះតាំងពីឆ្នាំ១៩៧៩។
ក្នុងពេលនោះដែរ អាជ្ញាធរស្រុក អ្នកសារព័ត៌មាន បានទៅបញ្ចុះបញ្ជូលសម្របសម្រួល ពីម្តាយ មីង និងឪពុកមារ ដោយលើកហេតុផលផ្សេងៗ ធ្វើអោយពួកគាត់បន្ទន់ឥរិយាបទ
សុខចិត្តចែករំលែកដីមួយចំណែក ក្នុងទំហំដីទាំងអស់ អោយគ្រួសារគាត់បានរស់នៅបន្ត ព្រោះសុទ្ឋតែម្តាយមីង និងក្មួយ គ្រាន់មានលក្ខណ័បន្តិចបន្ទួច គឺអោយគាត់ជាកូនក្មួយ ទៅអង្វរម្តាយមីងសុំដីរស់នៅផង។
លោក ឃួន សៅរុំ អភិបាលស្រុកបរិបូណ៌បាននិយាយថា៖ ម្តាយមីងនិងក្មួយត្រូវគ្នាវិញហើយ ដោ យម្តាយមីង យល់ព្រមចែកក្បាលដី ប្រវែងទទឹង៥ម៉ែត្រនិងបណ្តោយទៅក្រោយតាមទំហំដី អោយក្មួយឈ្មោះ កង ហុង រស់នៅបន្តទៀត។ក្នុងនាមលោកជាអាជ្ញាធរ លោកសប្បាយចិត្តណាស់បានឃើញ ពួគ គាត់ ត្រូវគា្នវិញមិនខុស ពីក្រោយភ្លៀងមេឃស្រឡះឡើងវិញឡើយ។ចំណែក ម្តាយមីង តាន់ សុខអេង ក្រោយពី បានប្រគលដីអោយក្មួយរស់នៅហើយ បានផ្តាំថា សុំជួយថែរក្សាដីដែលជាចំណែកនៅសល់ផងព្រោះ ទុកអោយប្អូនៗលោក កង ហុង គេមកសង់ផ្ទះរស់នៅជិតគ្នា និងបានជួយមើលគ្នាទៅវិញទៅមកផង។
សូមបញ្ជាក់ថា៖ ទំនាស់ដីធ្លីដ៏រ៉ាំរ៉ៃរវាងម្តាយមីង និងក្មួយបង្កើតនេះ បានអូសបន្លាយជាង ១០ឆ្នាំ ប្តឹងគ្នាតាំងពីសាលាដំបូង ដល់តុលាការកំពូល ទីបំផុតអ្នកឈ្នះនៅតែកាត់ទឹកមិនដាច់ កាត់សាច់មិនបាន ហើយទំនាស់ក្តីក្តាំគ្នារវាងម្តាយមីងនិងក្មួយនេះ អាចជាគំរូដល់ប្រជាពលរដ្ឋទូទៅ បើអាចជៀសវាងបានគួរជាសអោយឆ្ងាយ ព្រោះថាការប្តឹងផ្តលគ្នាទម្រាំដឹងចាញ់ឈ្នះចាញ់ មិនដឹងថាម្នាក់ៗអស់លុយកាក់មិនតិចនោះឡើយ ៕
