ខេត្តបន្ទាយមានជ័យ កំលាំងនគបាលជាច្រើននាក់ប្រដាប់ទៅដោយអាវុធបានចុះធ្វើ ការបង្ក្រាបជនសង្ស័យបានម្នាក់ក្នុងករណីលួចកាច់សោរម៉ូតូដោយសារតែចោរនោះទើបមកពីប្រទេសថៃគ្មានលុយធ្វើដំណើរទៅកាន់ស្រុកកំណើតនៅឯខេត្ដព្រៃវែងទើបហានធ្វើសកម្មភាពកាច់សោរម៉ូតូយ៉ាងដូច្នេះ។កំលាំងនគបាលបង្ក្រាបបានជនសង្ស័យនោះនៅ វេលាម៉ោង១០និង៤០នាទីព្រឹកថ្ងៃទី៥ ខែ តុលា ឆ្នាំ២០១៥ នៅចំណុចតាមវាលស្រែក្នុង ឃុំទ្រាស់ ស្រុកស្វាយចេក ខេត្ដបន្ទាយមានជ័យ។មន្ដ្រីនគរបាលដែលចុះចាប់ចោរនោះបាននិយាយថាមុនពេលកើតហេតុជនរងគ្រោះបានជិះម៉ូតូរបស់ខ្លួនម៉ាកសេ១២៥ ស៊េរីឆ្នាំ២០១៥ ពាក់ស្លាកលេខ បន្ទាយមាន ជ័យ 1J-8682 ទៅវាលស្រែនៅឃុំទ្រាស់ ពេលទៅដល់ស្រែក៏ទុកម៉ូតូចោល
នៅលើ ាលស្រែពេលនោះជនសង្ស័យក្រោយពីចុះពីលើម៉ូតូឌុបរួចមកបានធ្វើសកម្មភាពកាច់កម៉ូតូជនរងគ្រោះជិះគេចបាត់តែម្តង។ភ្លាមៗនោះជនរងគ្រោះជាម្ចាស់ម៉ូតូបានរាយការណ៍ទៅនគរបាលមូលដ្ឋាន រួចហើយ អធិការនគរបាលស្រុកស្វាយ ចេកក្រោមបញ្ជាផ្ទាល់ពីសំណាក់លោកស្នងការនគរបាលខេត្ត បានបញ្ជាកម្លាំងជំនាញនៃអធិការដ្ឋានសហការជាមួយនគរបាល ប៉ុស្ដិ៍
ចេញជួយអន្ដរាគមន៍ពួនស្ទាក់តាមគោលដៅទើបឈានទៅ ដល់ការចាប់ខ្លួនជនសង្ស័យនៅចំណុចវាល ស្រែច្រកសង្កែ ក្នុងភូមិសាស្ដ្រឃុំរលួសបានតែម្តង។លោកឧត្តមសេនីយ៍ ត្រីអាត់ខេមស្នងនគបាលខេត្ត បន្ទាយមានជ័យបានឲ្យដឹងថាជនសង្ស័យមានឈ្មោះយ៉ាន់ ចាន់នីប្រុស អាយុ៣៥ឆ្នាំ មានស្រុកកំណើតនៅភូមិចក់ ឃុំចក់ ស្រុក កំពង់ត្របែក ខេត្ដព្រៃវែង ក្នុងខ្លួនរបស់ជនសង្ស័យមានគ្រាប់បែកមួយគ្រាប់យកមកពីថៃក្រោយការឃាត់ខ្លួន សមត្ថកិច្ចបានដក ហូតគ្រាប់បែកដៃមួយគ្រាប់ ប្រដាប់កាច់សោ កម៉ូតូ កូនសោនិងទូរស័ព្ទដៃមួយគ្រឿងផងដែរ។
លោកឧត្ដមសេនីយ៍អាត់ ខែម បានធ្វើការឧបត្ថម្ភថវិកា២០ម៉ឺនរៀល ជូនអធិការ នគរបាលនិងកងកម្លាំងនគរបាលដែលបានចុះបង្ក្រាបជនសង្ស័យបានដើម្បីជាការលើកទឹកចិត្ដដល់ពួកគេ ជនសង្ស័យរូបនេះត្រូវបានសួរ និងឃុំខ្លួនជាបណ្ដោះអាសន្ននៅស្នងការ ដើម្បីកសាងសំណុំរឿងបញ្ជូនទៅកាន់តុលាការផ្ដន្ទាទោសតាមផ្លូវច្បាប់ ចំណែកម៉ូតូត្រូវបានប្រគល់ជូនម្ចាស់ដើមវិញ៕
