បន្ទាយមានជ័យៈ គ្រោះថ្នាក់ចរាចរកើតឡើងស្ទឺតែគ្រប់ពេលនៅចំណុចរង្វង់មូលមុខអាវុធហត្ថ និងសាលាខេត្តបន្ទាយមានជ័យ ។ ជាក់ស្តែងកាលពីវេលាម៉ោង៤ល្ងាចថ្ងៃទី០៥ តុលា ២០១៥ គ្រោះថ្នាក់ចរាចរដ៏ធ្ងន់ធ្ងរមួយបានកើតឡើងរវាងម៉ូតូ និងរថយន្តធ្វើអោយខាងភាគីម៉ូតូរបួសធ្ងន់២នាក់ខណៈពេលដែលមានភ្លៀងធ្លាក់ ។តាមសាក្សីកន្លែងកើតហេតុបានអោយដឹងថា មុនពេលគ្រោះថ្នាក់ចរាចរនេះកើតឡើងគេឃើញមានរថយន្តកាមារីឆ្នាំ១៩៩៥ ពាក់ស្លាកលេខ 2F 1378 បើកបរពីក្រោមឡើងលើក្នុងទិសដៅពីត្បូងទៅលិច វាងរង្វង់មូលដៃ៣២ លុះដល់ចំណុចជ្រុងរង្វង់មូលខាងកើតឈាងខាងជើងក៏មានម៉ូតូពណ៌សរពាក់ស្លាកលេខ
បន្ទាយមានជ័យ 1G 8016 ជិះគ្នា២នាក់បោះពួយយ៉ាងលឿន ពីលិចទៅកើតក៏ទៅប៉ះនិងផ្នែកខាងមុខនៃរថយន្ត បណ្តាលអោយអ្នកជិះ២នាក់របួសធ្ងន់សន្លប់នឹងផ្លូវ ។ ភ្លាមៗនោះតៃកុងរថយន្តបានព្យាយាមឡើងជិះម៉ូតូរត់គេចតែត្រូវបានសមត្ថកិច្ចប៉េអឹម ឃាត់ប្រគល់នាំចូលទីបញ្ជាការអាវុធហត្ថហើយប្រគល់អោយសមត្ថកិច្ចនគរបាលចរាចរភ្លាមៗ តែម្តង ។
ក្រោយពេលកើតហេតុភ្លាម ៗ សមត្ថកិច្ចចរាចរជើងគោកបាននាំយកទាំងរថយន្ត និងម៉ូតូទៅរក្សាទុកនៅស្នងការដើម្បីរងចាំការដោះស្រាយ ចំណែកជនរងគ្រោះត្រូវបានអាវុធហត្ថខេត្តនាំយកទៅសង្គ្រោះនៅមន្ទីពេទ្យបង្អែកក្រុងសិរីសោភ័ណ ។
ហេតុការខាងលើសមត្ថកិច្ចនគរបាលចរាចរជើងគោក មិនទានបានធ្វើការសន្និដ្ឋាថាកើតឡើងបណ្តាលមកពីអ្វី ហើយខាងណាខុសឬត្រូវនៅឡើយទេ តែពលរដ្ឋនៅចំណុចកើតហេតុបាននិយាយថា គឺបណ្តាលមកពីម៉ូតូបើកលឿនមិនប្រុងប្រយ័ត្នមើលយានយន្តដទៃដែលឡើងពី
ក្រោម ។ ហើយពួកគាត់និយាយទៀតថា អ្វីដែលបង្ករអោយមានគ្រោះថ្នាក់កើតឡើងជាញឹកញាប់នៅចំណុចនេះ គឺបណ្តាលមកពីការសាងសង់រូបសំណាកដៃ៣២ រង្វង់មូលមិនចំរង្វង់មូលធ្វើអោយអ្នកធ្វើដំណើរតាមផ្លូវច្រាស់ទិសគ្នា បង្ករអោយមានហេតុការណ៍ជាគ្រោះថ្នាក់ចរាចរកើតឡើងគ្រប់ពេលវេលា ៕
